[لاندكروزروبس]

السلام عليكم ورحمة الله وبركاته ..
اول شي احب اشكر كل القائمين على هذا الموقع الى بصراحه تعجز السان على الكلام فيه
2- شباب ممكن مساعده انا عندي جيب 2006 gxr قير تماتيك فقط بحري ببيعه ومادري كم يسوا طلعت فيه المعارض اسعار متفاوته شريطي عطاني 117000 الف وشريطي ثاني 115000 الف ورحت لمعرض الفلاح ابغا ابدل قلت يمكن يقدرون انا ببدل بجيب gx 2008 طلعلي راعي المعرض وشاف موتري وقال 80000الف ياخي والله نصب على وذنه مع العلم ان موتري وكاله ما جاه ولا مسمار ويوم قلتله موتي جديد نضيف جدا ما شي 87000 قال اصلن لو فيه بويه ما شريته منك يا خي , وطلعت من المعارض النسيم. وش رايكم شباب كم بيوصل مع ان اخوياه في المعارض واقفه واسأل بكم يقولون 135000 وليه موتي ولا هذي طريقتهم تكفووووووون يربع المشوره والسلام ..

[عاشـــق اللاند]

طال عمرك لو ان موترك ابيض كان سعره ارتفع لكن الالوان الثانيه يطيح سعرها واسأل مجرب انا كان عندي لاند لونه عنابي بعته بخساره لان لونه مو ابيض

[كلتش ريس]

موترك ماضنتي يجيب ال135 الف ابدا .. قبل الشكل الجديد 2008ممكن يجيب لك سعر قريب من ال135
واللون البحري مو مرغوب كثير
والموتر ماشي 87 الف يعني مشى الموتر
قيره اوتوماتيك هذا في صالحه
مكينته 6 سلندر وليست 8
,,,
بس الموتر هالحين ماراح يجيب سعر نفس قبل كمن شهر لان الناس الحين قامت تدور عن الكروزر الجديد اكثر من القديم

...

بس لاتبيع الموتر على شريطي بيعه بنفسك واعرضه بالسعر الي تبيه

[أبوفـهـد]

السلام عليكم ورحمة الله وبركاته :

اخوي خذها نصيحة مني ، إذا رحت للمعارض بتبيع سيارتك

خلك هادئ وفاضي جداً ووسيع صدر واطلع يوم الخميس والجمعة

بالنسبة للهدوء لأن بيجيك من ينزل من قيمة سيارتك وهذولا عصابات

تشوفهم بالجوالات يتآمرون على الموتر وكل واحد يجيك يقول مايسوى

لمين يطيح من عينك موترك وبتبيعه على أقرب واحد منهم وهو الكسبان

وانت خسران فلا تتنازل عن موترك وقيمته ماشاء الله موترك نظيف وقيمته فيه

بالنسبة للفضاوة حاول ما ترتبط ابد وان قدرت ما تشيل معك الجوال فيكون أحسن

لأنك بتستقعد للشريطية وخل تعاملك معهم زي تعامل المدير الشرس لاتعطيهم وجه

ولا تكثر معهم بالكلام وأي واحد يسوم موترك سومة أعجبتك ونويت تبيع قل له هات عربونك

قبل لا تطلع من السوق وان قال لك بكشف لبق على جنب وخله يكشف واللي ما يعطيك لاتطلع معه

لأنه بيوديك لورشه وبيشوف السيارة وبعد ما يطلعك من السوق يقولك السيارة ما تسوى وينزل

من قيمتها 5000 وبعدها يقولك تبيع ولا مع السلامة وتصير انت الخسران لأنك طلعت من السوق

ولاتقدر تدخل ، خذ نصيحتي واسأل مجرب ، أو دور لك شريطي من معارفك وعطه اياه خله يبيعه

واذا مانت مستعجل حطه بمعرض وخله على راحته أو أعرضه بالمواقع ترى يجيب لك قيمة أفضل

وتذكر إنك ما اشتريت موترك الا وانت معجبك لونه وتأكد إن فيه ناس يعجبهم لونه ويدورونه بالمنقاش

حتى لو كان غالي

لك تحياتي ،،،،

[أبوحمد]

الله يجزاك خير يا أبو فهد ,, وصراحه أفدتني حتى أنا بعد ..

والكل إن شاء الله بيستفيد , والله يجعله بميزان أعمالك ..

وأخونا لانكروزروبس الله يسخر له البيعه الطيبه ,, وأهم شي الصبر ..

[امير الخير]

110000ريال

[& عزوز &]

والله ياخوي انتبه من الشريطيه تراهم نصااااابين ولاتبيع الا وانت لراضي بالسعر.

[أبومحمدع]

السلام عليكم أخبر واحد يدور على جيب إذاكنت ترغب في بيعه إتصل على 0504458485

[السيد سعود]

المشاركة الأصلية كتبت بواسطة أبوفـهـد

السلام عليكم ورحمة الله وبركاته :

اخوي خذها نصيحة مني ، إذا رحت للمعارض بتبيع سيارتك

خلك هادئ وفاضي جداً ووسيع صدر واطلع يوم الخميس والجمعة

بالنسبة للهدوء لأن بيجيك من ينزل من قيمة سيارتك وهذولا عصابات

تشوفهم بالجوالات يتآمرون على الموتر وكل واحد يجيك يقول مايسوى

لمين يطيح من عينك موترك وبتبيعه على أقرب واحد منهم وهو الكسبان

وانت خسران فلا تتنازل عن موترك وقيمته ماشاء الله موترك نظيف وقيمته فيه

بالنسبة للفضاوة حاول ما ترتبط ابد وان قدرت ما تشيل معك الجوال فيكون أحسن

لأنك بتستقعد للشريطية وخل تعاملك معهم زي تعامل المدير الشرس لاتعطيهم وجه

ولا تكثر معهم بالكلام وأي واحد يسوم موترك سومة أعجبتك ونويت تبيع قل له هات عربونك

قبل لا تطلع من السوق وان قال لك بكشف لبق على جنب وخله يكشف واللي ما يعطيك لاتطلع معه

لأنه بيوديك لورشه وبيشوف السيارة وبعد ما يطلعك من السوق يقولك السيارة ما تسوى وينزل

من قيمتها 5000 وبعدها يقولك تبيع ولا مع السلامة وتصير انت الخسران لأنك طلعت من السوق

ولاتقدر تدخل ، خذ نصيحتي واسأل مجرب ، أو دور لك شريطي من معارفك وعطه اياه خله يبيعه

واذا مانت مستعجل حطه بمعرض وخله على راحته أو أعرضه بالمواقع ترى يجيب لك قيمة أفضل

وتذكر إنك ما اشتريت موترك الا وانت معجبك لونه وتأكد إن فيه ناس يعجبهم لونه ويدورونه بالمنقاش

حتى لو كان غالي

لك تحياتي ،،،،

صح لسانك / ولا ينسى ثلاجة الشاهي والقهوة والفرشة ويوسع صدره

[لاندكروزروبس]

الف الف مليون شكر ان شهد انكم ذيابه وانا وقفته في معرض المقرن ع الشارع العام وبنشوف وشكرن ابو فهد وكل من شارك فلموضوع ومنتضرين المزيد لتعم الفايده للجميع .... انشهد ان لجمعكم شنب الله يجزاه الف خير

[هلالي شقراوي]

اخوي ما عليك من الشريطيه
اخوي بايع موتره جي اكس ماشي 80000موديله 2006 بـ 125قبل اسبوعين
وكان كارف الموتر ترفيع وجنوط لكزس بس ماجاه صدوم
وخلك مثل ماقال الرجال هادي ومروق لان اللند ذهبه الكل يدوره ماشاء الله

[حسونه]

حطه بمعرض
ولا تنزله للحراج
كذا تحافظ على سعره

[لاندكروزروبس]

ياشباب انا حديته 120000 الف ريال الى له نضر هذا رقمي 0505484066

[المنسق]

المشاركة الأصلية كتبت بواسطة حسونه

حطه بمعرض
ولا تنزله للحراج
كذا تحافظ على سعره

عين العقل والله

[لاندكروزروبس]

السلام عليكم..
شباب اذا احد عنده جيب 2008 جي اكس وبيبادل بدفعله الفرق ..

[لاندكروزروبس]

وين الشرايين