[سكايلن]

السلام عليكم لجميع الاعضاء

قبل أن تشاهدون أول فتاة سعودية تقود السيارة علنا

خلوني أقولكم هذه الأبيات الشعرية واشرحها لكم وانتم بعد كذا لكم التعليق

يقول الشاعر بديوي العتيبي



انفكت السبحة وضاع الخرز ضاع * وأبي ألمه يا سليمان وأزريت

صار الذهب قصدير والورد نعناع * أنكرت ريحه مختلف يوم شميت

الباب طايح والمسامير خلاّع * والحب فيه السوس والفأر في البيت

أمسيت أكيل الرأي بالمد والصاع * قست الأمور وعفتها ما توريت

لا فاقد الحيلة ولا قاصر الباع * ويالله يا مولاي فيك استذريت



شرح لما سبق ذكره

انفكت السبحة = اختلطت الأمور

صار الذهب قصدير = تحرير المرأة من عفتها

الباب طايح = لا حسيب ولا رقيب

السوس = العلمانيين الذين يفصلون الدين عن الدنيا

الفأر = الزلفي وأشباه الرجال الذي يطالبون بقيادة المرأة

البيت = المملكة العربية السعودية



*----------------------------------*

والآن

هذي أول صور لفتاة سعودية تقود السيارة علنا











لمشاهدة الفيديو والبنت تسحب بريك هاهاهاهاهاها




http://www.frqan.com/uploads/profile/women.zip

[المسـافر]

مشكووووووووووور سكايلن على الموضوع القوي

[عسكـــــريم]

عش وشف...
بداية الشر شراره وبعد الشرار انفجار
هم وافقوا حق قيادة المرأه للسياره
راح تشوفون بعدين مصااااايب (الله لايقولها)
الله يكفينا الشر

[المسـافر]

ليش مصايب؟؟؟ كل الدول الحين إلا السعودية فيها قيادة للمرأة .. وماصارت مشاكل معهم ..؟؟؟ وبعدين انت شفت مصايب السواقين عندنا ؟؟؟ تلقاها موجوده في الاماره وش كثرها وكل يوم عن يوم تكثر(ماتقدر تصدقها من فضاعتها)!!! .. وبعدين موجود موضوع في المنتدى العام يتكلم عن شروط قيادة المرأة.. طبعا اذا طبق القرار.... وعلى فكره ترا مو كل العوائل مثلكم عندهم سائق خاص واولاد مطيعين يودونهم ويجيبونهم... انا اعرف شخصيا وحده ماعندها سواق ولا نفعها ولا واحد من عيالها .. وكل يوم تروح بتاكسي وتجي بتاكسي لوحدها... وفيه بعض العوائل جبرتها الظروف انها تطلع مع السائق لوحدها (بدون محرم).. وش احسن تطلع مع شخص غريب او تطلع للشارع وتوقف ربع ساعه عشان توقف تاكسي..او تسوق السياره وتخلص امورها ... طبعا القياده مو لاي وحده لازم تتوافق معها شروط معينه مثل الظروف اللي ذكرتها والعمر يكون فوق 30 سنه وغيره من شروط.. يعني مو للكل..

[غمدان اليمني]

مشكور على الموضوع

[عسكـــــريم]

ديمون....لو راحت المرأه السوبرماركت بموترها الفيكسار....وبنشر التاير على موترها...وش بتسوي بهالحاله؟؟
بتقط عباتها عشان ماتتوسخ وتنزل العفريته والمفتاح عشان تغيره؟...والا تتصل على ولدها يطلع من الدوام عشان ينزل التاير ويرجع؟
والا تعطل الموتر عليها وش راح تسوي؟؟
حالة البنت اللي تعرفها صعبه...وفيه غيرها وغيرها حالتهم صعيبه مثلها
حبيب قلبي ديمون....الجوانب الإيجابية لقيادة المرأه أقل من الجوانب السلبيه..في نظري
الله خلق المرأه ضعيفه...وغيرتي على البنات كبيره..وابليس مامات...
تخيل تشوف 4 سيارات كلهم بنات طالعين كشته هههههههههه...
والا تقعد من النوم وماتلقى سيارتك...وتسأل امك عنها تقولك ياوليدي اختك حصه طلعت تجيب لنا لبن وبتجي..
شئ مضحك لأن احنا ماتعودنا على كذا..
ترى الدول الثانية فيهم المستورات وفيهن البلاوي عيني عينك..
والله اني خايف على بناتنا وبنات غيرنا من الشر..بعد ماتصير السياره وسيله لتنقل المرأه بتصير غاية...
لأن راح الامر يتطور عند بعض البنات اللي قلوبهم ضعيفه وبتصير بدال ماتروح البنت الدوام ... تروح الكورنيش مع صديقاتها....لا والعشا عليها بعد.
اتمنى ان الشروط اللي أقروها تكون مناسبه لعاداتنا وقيمنا وتكون في مصلحة بناتنا..
هذي وجهة نظري ياديمون...(وترى لايفسد الود قضية)
Thank you Dimon

[المسـافر]

ايييه بس مو اي بنت راح تسوق لازم تكون ظروفها صعبه اجبرتها على القيادة... وبعدين قلت لك العمر فوووووووق 30 يعني نسبه المشاكل والبلاوي راح تكون قليله... اما فيما يخص اذا بنشر الكفر عليها(تصير مره بالعمر)فيه كذا طريقة تدق على اي واحد من اهلها (ابوها, اخوها, عمها, خالها) او توقف اقرب تاكسي وتمشي او يساعدها احد يعني مو مشكله يا بو الشباب..

[عسكـــــريم]

يالله..الله يعيننا نطلع مفتاح حق الوالده تستاهل..

[بو سعود]

انشالله ما تقربع بس