[لبيب الحبيب]

عندي كامري 2006 صار فيها رجة هالايام مستمرة وتزداد مابين 120 الى 140 , سويت ترصيص كفرات 4 مرات مرتين عادية ومرة بالكمبيوتر عند الحمراني (فوكس) ومرة بطريقة اللزق داخل الجنط الماني ايضا بالكمبيوتر عند فوكس كما سويت وزن اذرعة 3 مرات 2 عادية والاخيرة بالكمبيوتر عند فوكس , العكوس شيكت عليهن عند 3 ميكانيكيين كلهم يقولون سليمة , الكفرات غيرتهن ركبت 4 بريجستون ياباني نفس مقاس الوكالة , لكن الرجة لازالت مع العلم ان السيارة تكون تهتز زي الجوال في الطرق اللينة وداخل الحارات يصعب السيطرة عليها تروح يمين ويسار ارجو منكم الفزعة والافادة جزاكم الله خيرا

[حسامو نت]

انا اتوقع من الطريق نفسه او اذا دست بريك وانت حاول تقرب وش تتوقع منه الرجه

[اسمي]

تأكد من الجنوط يمكن واحد مضروب < بالنسبه للرجه

اما سالفة تروح يمين يسار .. مدري
اتمنى احد يفيدك من الاخوان
الله يوفقك

[لبيب الحبيب]

شكرا لاهتمامكم
لكن مادري هل للمساعدات دور او المقصات مع العلم ان اغلب الرجة بالدركسون نفسه

[أبـوفيصل]

انا صارت معاي كان معاي كامري 2003 وكانت ترج بعد ما اتعدى سرعة 80 وخصوصا اذا هديت او مسكت بريك لكن فيه واحد خبير قال لي اخرط الهوبات وماجاك على وفعلا خرطت الهوبات ورجعت زي العسل ... اتمنى ان هذا يكون حل لمشكلتك ...

[كامري أبيض]

فيه ميكانيكي في الرياض .. ماشاء الله عليه ..

شغل مضبوط .. إذا ماضبط موترك .. قلي .. علشااان أوصفلك مكانــة ..وإن شاء الله يفيدك .

[لبيب الحبيب]

شكرا لكم ياإخوان (حسامو,اسمي,ابوفيصل,كامري) وإن شاء الله راح اجرب اسوي خرط للهوبات لانها فعلا تعبانة وراح ارد لكم خبر بالنتيجة باذن الله

[أبوسعــد]

الرجه اذا كانت تجي مع ظغط الفرامل من الهوبات

أو إحتمال آخر يكون الكفر محبل..