في البداية .. الف الف مبروووووك .. الله يعطيك خيرها ويكفيك شرها .. احسنت الإختيار ..
اقتباس:
1- الحساسات الأمامية مو شغالة يعني اقرب من السيارة إلي قدامي ما يطلع صوت ولاشي إيش الحل ؟
تأكد ياخوي العزيز بان زر الحساسات الأمامية شغال، وذلك عند ظهور و رؤية اضاءة شعار الحساسات الأمامية في لوحة العدادت ..
الزر بالنسبة لسيارتك الـ IS ، اعتقد تلاقيه على يسار الطارة (الدركسون) .. ولما تشغله راح رنة واحدة طويلة (شوووي) ..
حاولت البحث عن صورة لشعار لكن لم أجد للأسف
على اي حال، الشعار عبارة عن حرف P امامه ثلاث (شخطات) وامامهم (قمع) .. ويظهر في لوحة العدادت باللون الأخضر ..
اذا الزر هذا مطفي ، بطبيعة الحال ماراح تشتغل معاك الحساسات الأمامية، لكن الخلفية دائما شغالة طبعا في حالة وضع القير في الـ R والرجوع للخلف الا اذا فصلتهم من خلال اعدادت السيارة اللي تلاقيها في زر INFO وبعدين تروح على LEXUS Park Assist (بس خله شغال ابرك لك، لا سمح الله يصير شيء والا شيء) ..
اقتباس:
2- في فترة التمرين كم أقصى سرعة امشي عليها و كم اكثر شي اوصله في ال Rpm ؟
هذا نص لما هو مكتوب في دليل المالك حول هذه النقطة ولو انه انا سيارتي GS430 بس مافي مشكلة باذن الله :-
تليين سيارتك لكزس الجديدة
لإطالة عمر سيارتك، يُوصى بمراعاة التنبيهات الإحتياطية التالية:
لأول 300 كم:
تجنب الفرملة المفاجئة
لأول 1000 كم:
- تجب التسريع المفاجىء (يعني لا تعطيها ريس قوي )
- لا تستمر بقيادة السيارة بتروس قيادة منخفضة. (يعني تقريبا لا تستعمل التيب ترونك )
- لا تقم بقيادة السيارة بسرعة ثابتة لفترات زمنية طويلة (لا تستخدم مثبت السرعة كثير )
.
.
واذكر مرة احد الأصدقاء قالي بعد اعتقد انه لا تخلي عداد الـ RPM يروح فوق الـ 3 (بس مب متأكد صراحة) .. والسبب في ذلك ان السيارة الجديدة يكون فيها برادة حديد في التروس او (شي زي كذا)، لأجل هذا السبب يمرنوها بس ماني فاكر السالفة بالضبط ..
بالنسبة للحساسات اشتغلت بس اذا كنت مره قريـب من السيارة أو الشي إلي قدامي
مافي طريقة لتقويته ؟
ما عندي فكرة عن طريقة لـ تقويته، لكن ما اعتقد يحتاج تقوية، هو بروحه يكفي ويوفي ..
طبعا لازم تمشيء ببطىء شديد مو تجيني فلت وتقولي الحساسات تعبانة وما اشتغلت ..
هو فائده ومهمته انه يساعدك في صف السيارة ويريحك عن بعد السيارة وخاصة في الأماكن المدحمة او الضيقة ..
حسب دليل المالك فان أقصى مدى لرصد العائق هو
100 سم (متر واحد) تقريبا أمام السيارة (يواسطة المستشعرات الأمامية المزدوجة) ..
و 150 سم تقريبا لخلف السيارة (بواسطة المستشعرات الخلفية) ..
و 50 سم تقريبا (بواسطة المستشعرات الركنية الخلفية)
وطبعا نغمات التحذير تختلف وتزداد كلما اقتربت .. وعند الرنين المستمر تكون المسافة بينك وبين العائق هو اقل من 25 سم ..
للمزيد من المعلومات، اقرأ دليل المالك (الصفحات المحددة باللون الأخضر) ..
هل المقاعد الخلفية تقدر تجلس فيها يعني لو واحد وزنه 100كيلو ومتين شوي يقدر يجلس قدام في المقعد الامامي ؟؟؟؟
انتظر اجابتك على احر من الجمر
والف الف مبروك
دامك من جدة اعطني دورة عليها هههههههههههههههههه هذا رقمي واتمنى تكون زبوني دام عندك لكزس هههههههههههههه 0557722127 اكبر مركز بجدة يختص بادوات التجميل والعطور للرجال والنساء تبعي المركز ويشرفني حضوركم جميعا كل من بالمنتدى لاتفتكر عشان اللكزس لكن شفتك من جدة قلت خلني اكسبه عميل وصديق
مبروك ويعطيك خيرها ويكفيك شرها
1:
الحساسات الامامية مو جدام السيارة صايرين شوي على الجنب فيكون الاستشعار اقوى على الجوانب
2:
لا تمشي بالسيارة اكثر من 100
3:
بالنسبة لسؤال فهد الشربتلي اليوم كان راكب معاي واحد وزنه 170 وقاعد واهو مرتاح على قولته اريح من البي ام (سيارتي الثانية بي ام 745)
)
)
)
..
..
