[التوهم]

ممكن .. بارك الله فيكم .. أعرف مزايا اللكزس الجديد 570 دفع رباعي و أسعاره .. و هل تنصحون بشرائه من الوكالة أو المعارض الأخرى

[ولد المرر]

التوهم

طبعاً ... اللكزس غني عن التعريف ... رغم حداثت الموديل ... وأسعاره تختلف من دولة لأخرى ... يعني ما بين 420 بالمعارض الخارجية وبين 330 و325 بالوكالات .... طبعاً أنصحك بالوكالات للضمان المضمون وراحت البآآآآل ... ومبروك مقدماً ...

وسلامي للجميع ,.,.,.,.,

[فقط دبي]

في الامارات موجود في الشركة ب 325 ألف درهم الفل اوبشن ..

و اول مره ايكون الفل اوبشن الي عندنا من غير العرشات .. و الصرااحه روووووووعه الموتر ..

[مخاوي الليلل]

السلام عليكم ورحمة الله هذي أول مشاركه لي في هالمنتدى الطيب واسمح لي اقول لك بانني كنت في نفس الحيره اللي انت تمر بها الحين اخوي لكن القرار ما طول معاي استخرت وبعد ماكنت ناوي اشد الرحال للرياض وافك الموتر من بو جميل قلت امر وكيلنا المحلي عبدالله عبدالغني وبرغم كل مساوئه كوكيل عام الا انه مثل ما يقول المثل "خشمك لو هو عوج مالك الا هو" سامحني على الأطاله بس ان شاء الله اقدر افيد بتجربتي الجماعه بالوكاله كان سؤالي لهم من شقين هل ضمان اللكزس يغطي دول مجلس التعاون وكم مدة الضمان ونوعه الأجابه على الجزء الأول كانت بالنفي وان الضمان يغطي السياره في قطـر فقط!!! اما الشق الثاني فالضمان مدته 5 سنوات ومن الصدام للصدام بدون تحديد للكيلومترات وهذا الجزء اللي خلاني احزم امري وابتلع المعاناه نتيجة الانتظار لسؤ حظنا بوكيل التويوتا وسياساته التسويقيه الفاشله والغير مدروسه لسوق برغم حجمه المتواضع الا انه مهم في المنطقه واسف للأطاله ارجو ان ردي يساعدك باتخاذ قرارك والله يوفق للجميع

[بــوعــوف]

أخوي مخاوي ..

الضمان من زمان يقولون لنا 5 سنوات .. لكن على ايش ؟؟ بس القير والمكينة ؟؟

وبعدين بمجرد انك تغير آيل خارج الشركة يطيح الظمان .. يعني يبونك تشيك عندهم

كل 10 الاف كم .. لا وتشيك بفلوسك ..!!!!!

يعني لو انهم مثل وكالة البي ام عندنا يقولون لك صب بترول وبس .. بقول معليه

الفلوس اللي راح تدفعها الزيادة حق عبدالغني أحسن من انك تجيب الموتر من برا !!!

اكرر واقول التيسير ما يقصرووووووووون ولا مذلتهم ..

[مخاوي الليلل]

الأخ ابوعوف الضمان شامل للسياره كامله والسيارات مثل ما انت اكيد عارف ماعادت قير ومكينه فيه اجهزة تحكم ومنظمه كثيره تسوى بكل جزء المبلغ اللي انا وانت ندفعه كثمن للسياره وبعض مش الكل هو نظام الهيدروليك ونظام الأي بي أس وجهاز الكمبيوتر والرادارات اللي تنظم المسافه والتوقف الآمن كل جهاز منها قيمته لو لا سمح الله تعطل عليك تكون محميه بالضمان واللي يقدمه المصنع للمشتري وليس للوكيل بمعنى انت لو لأي سبب من الأسباب اضطرتك ظروفك تودي سيارتك لشخص غير الوكيل !!! انا شخصيا برغم عدم رضاي عن الوكيل الا انني ملتزم بتعاقـد من خلال عقد شراء السياره يلزمني بالصيانه الدوريه كتغيير الزيت والفحص الدوري كل 10000ولا 50000كم لدى الوكيل وذلك لمنع ان تمتد ايدي غير مدربه ولا استعمال ادوات غير مقبوله من المصنع وهو اللي منح الضمان بالنهايه فليش يا اخوي تخاطر بسياره تخدمك ل10 سنوات من تجربتي الشخصيه وتسوي الصيانه برا الوكيل واللي لسؤ حظنا ما يقدر قيمة زبائنه الا المتميزين بمكانه منصب ولا اسم
بالنسبه لي شخصيا الضمان جربته مع المرسيدس والأنفينيتي من أروع مايمكن وتتفوق الأنفينيتي من الضمان وخدمة بعد البيع على المرسيدس برغم انها مش بسؤ التويوتا واللي جربتهم باللاندكروزر ومازرتهم بعد تغيير زيت الألف كم واقصد صيانة اللاندكروزرلانه اللاند تقنيا بسيط وما فيه حتي الأي بي أس للبريك فالمخاطره بالصيانه خارج الوكيل تعتبر توفير للوقت والمال بس بالنسبه لصيانة اللكزس الجديد بره الوكاله اجد انها نوع من المغامره المحفوفه بالمخاطر انك تخسر الضمانه على اكثر من ربع مليون ريال فاعتقد ان ال33الف ريال فرق السعر اذا قارنتها براحة البال مع ضمان ال5سنوات تسوى ولا شرايك اخوي بوعوف؟؟

[بــوعــوف]

رغم كرهي لوكيلنا ..

لكنك اقنعتني ..

لكن ما باليد حيله ..

أنا الحين خاطري في الموتر والامكانيات متوفرة ..

لكن مع هالوكيل شكلي مب راكب السيارة الا عقب سنة ..