[كامري أبيض]

ياشباب وش الفرررق بين الكشافااات( الضباب ) الأصلية والتجارية ... وهل فيه فرق بين الأثنيــن ...

وش تنصحونني فيه أركب أصلي ولا تجاااري !!!


شيء ثاني وش رايكــم أركب جناااح 2008 على الـ 2007 أعتقد شكلة حلوووو ... وخصوصاً مع جنوط أوريون

أنتضر رأيكــم وأرآئكــم ... تهــمني .

[أسير كامري]

شوف أخوي كشافات الضباب نصيحة ركب أصلي

صح أغلى لكن لو بتاخذ تجاري بيصفر عليك مع الوقت

وبتصير تلمعه كل فترة وبمكن تدفع كثر اللي دفعته في

الكشافات الأصلية ..

وفيه خيار ثاني اللي هو كشافات تايوانية درجة ثانية

أفضل من الصيني ومركبها على موتري وماشيه تمام

والحمد لله ماتصفر لكن تحتاج تلميع إذا كثرت خطوط

وأنصحك بالأصلي وأنت ودراهمك ..

وبالنسبة للجناح ماعندي خلفية يفيدونك الشباب إن شاء الله

وبالتوفيق أخوي .

[كامري أبيض]

يعــطيك العافية أخوي أسير ...

وشكلي بركب أصلي ..

[ي ا ك]

هلا اخوي

بنسبه للكشفات التجاريه تنكسر بسرعه وماتطول وتخرب ويتغير لونها
اما الاصليه اصليه لك وللعمر ان شاء الله

وبنسبه للجناح لا تركب طع شوري من دون اجمل

[ي ا ك]

نسيت اقولك ون كانك معزم على الجناح مررررره

ركب جناح 2008 لانه من دون تخريم يعني لو بغيت تفكه تقدر بكل سهوله

اما 2007 يبيله تخريم

[أموت في اليابان]

أنا رايي من راي أخوي ( ي ا ك )

و بالتوفيق...

[عاشـــق اللاند]

اخوي ركب الكشافات الاصليه افضل لك وبالنسبه للجناح ركب جناح الse عليها يطلع شكلها فله اللي هو جناج 2008 ولازم تخريم بالوكاله ولا شلون يركب سعره 600 ريال ان ماخاب ظني

[كامري أبيض]

يعــطيكم العااافيه ياشباب

بخصوص الكشااافااات شكلها أصلي بإذن الله وسعرها بـ 400 ريااال

أما الجناح أرى أن الجناح حق 2008 خيالي ... وسعرة على ماأعتقد بـ 80 ريال .. وغذا كان زي ماقال أخوي أنه لصق فيكــون أفضل ..

طيب ماقلتولي وش رايكــم بالجنوط حقات الأوريون .

[الشمااااالي]

1 فيه حاجة ما أضافوها الأخوان بالنسبة للكشافات وهي أن الأصلية يجي معها من الوكالة أسلاك و ( فاصل إذا تبي تشغل الأسطب بدون الكشافات ) أما التجارية فالأسلاك من برا تشتريها ولا يوجد معها فاصل يعني تشتغل وتطفي مع الأسطب وسلملي على الفيوز لأن واحد من الشباب ركب تجاري ويقول كل شوي مغير الفيوز آخر شي فك الكشافات التجارية
2 اللون يقلب أصفر بعد فترة
3 سريعة الكسر ماتتحمل
... تحياتي...

[الشمااااالي]

بالنسبة للجنوط إذا ======**** قراندي ,,,,,,,,,, روووووووعه
إذا ======**** تورينق ,,,,,,,,, عااااااديه

[ل ك س]

اكيد بالنسبة للكشافات مافيه افضل من الاصلي لأن التقليد يتأثر بالمطر ويبهت زجاجه بسرعة .

[كامري أبيض]

المشاركة الأصلية كتبت بواسطة الشمااااالي

1 فيه حاجة ما أضافوها الأخوان بالنسبة للكشافات وهي أن الأصلية يجي معها من الوكالة أسلاك و ( فاصل إذا تبي تشغل الأسطب بدون الكشافات ) أما التجارية فالأسلاك من برا تشتريها ولا يوجد معها فاصل يعني تشتغل وتطفي مع الأسطب وسلملي على الفيوز لأن واحد من الشباب ركب تجاري ويقول كل شوي مغير الفيوز آخر شي فك الكشافات التجارية
2 اللون يقلب أصفر بعد فترة
3 سريعة الكسر ماتتحمل
... تحياتي...

يعـطيك العاافية ..

يعني يجي معاها مفتاح تشغيل خاااص بها ...!!!!

وإذا كان يجي معها مفتاح تشغيل كيف طريقة تركيبــة يبغاااالها فك ديكــور ... ولا شغلة بسيــطــة ..

[ي ا ك]

بسيط مره انا اركبه لك

[الشمااااالي]

بالنسبة للـ 2006 يجي مع الكشافات أسلاك وفاصل وأعتقد الـ2007 نفس الشي
وبالنسبة لتركيبها سهل لأنه موجود غطاء بلاستيك صغير بالطبلون (تحصله يسار الطارة فوق علبة الفيوزات بجنب زر الحساسات ) تشيل الغطاء وتركب الفاصل على طول لأنهم نفس المقاس والمعذرة ما أعرف أنزل الصور بالموضوع ولا كان صورته ونزلته لك لأن الصور تغني عن الشرح
وعندك حل أنك تشوف واحد معه GLX وتشوف شكل ومكان الفاصل
... تحياتي ...

[كامري أبيض]

يعــطيكم العاافيه ياشبااب وماقصرتوا .. وأتحفتوني بردودكــم .. ويعلم الله أني أستفد منكــم وهذه ميزة التشااور

أستفد أني أشتري أصلي ... لي وللزمن .. وثانياً أنه مع الأصلي يجي معاه مفتاح تشغيل !!

[كامري مجنونة]

الجناح يطلع حلو

لكن الكشافات خذ

تجاري وغيره من مدة لمدة

الأصلي يصفر ولاتلمع مايرجع زي ماكان

التجاري لو أتعدم

أرميه وخذ غيره

تقريبا أنا دحين أشتريت كشافات جديدة تجارية

والحمدلله ماشية معايا تمام