رد: اي سؤال او استفسار عن الكامري(( الجديد)) ادخل ولا تتردد ابدا
مشكور على جهدك الرائع عاشق الاند وأنا من الأعضاء اللي يتابعون ردودك لأني ما أخفيك أني مرتاح لخبرتك .. عموما عندي سؤال هو في ثلاث أزرار في جانب مرتبة السائق طبعا الفل الكامل الكهربائية فيه واحد يرفع مسندة الظهر والثاني للمقعد السفلي الثالث ما عرفت وش دوره حاولت ولكن ما طلعت بنتيجة أرجوا الإفادة وشكرا ؟ عفوا فيه سوال ثاني : صوت إنذار الحزام أزعجني يطنطن علي أول ما أمشي وإذا سكت يرجع يطنطن ثاني مرة وأنا أمشي وش الحل معه وهل هذا طبيعي أم لا ؟ سؤال ثالث معليش ثقلت عليك هو بالنسبة للحساسات أشغلتني هذي الأيام تشر الجهة اليمنى من مؤسر الحساسات اللي فوق الساعة على الطبلون ويطلع صوت وأنا واقف وأنا ماشي وش الحل ؟ آخر سؤال والله استحيت هو يا أخي أحيانا أوقف السيارة على طلعت الباب الكبير ( البايكه ) يعني ما تسمى طلعه من انخفاضها المشكلة أني لازم أدوس على الجلنط لين أيقول ربي الله يعني على آخر شيء بالقوة بالوكاد يمسك هذا طبيعي وإلا نراجع الوكالة ؟ اعتذر على الإطالة واتمنى أن أجد الجواب الشافي والكافي بإذن الله تعالى ...
رد: اي سؤال او استفسار عن الكامري(( الجديد)) ادخل ولا تتردد ابدا
اقتباس:
مشكور على جهدك الرائع عاشق الاند وأنا من الأعضاء اللي يتابعون ردودك لأني ما أخفيك أني مرتاح لخبرتك
العفو اخوي ويشرفني انك متابع لردودي
اقتباس:
.. عموما عندي سؤال هو في ثلاث أزرار في جانب مرتبة السائق طبعا الفل الكامل الكهربائية فيه واحد يرفع مسندة الظهر والثاني للمقعد السفلي الثالث ما عرفت وش دوره حاولت ولكن ما طلعت بنتيجة أرجوا الإفادة وشكرا ؟
انا اظن ان ال3 يتحكم بتقديم ورجوع الكرسي والله اعلم لان انا سيارتي يدويه
انا سيارتي كما ترا المسكه الاولى لارجاع مسند الظهر الى الخلف والى الامام والاخر لتحكم بأرتفاع الكرسي
اقتباس:
عفوا فيه سوال ثاني : صوت إنذار الحزام أزعجني يطنطن علي أول ما أمشي وإذا سكت يرجع يطنطن ثاني مرة وأنا أمشي وش الحل معه وهل هذا طبيعي أم لا ؟
طال عمرك الحل انك تربط الحزام او انك تشتري قطعه لسان الحزام من شارع الزينه وتركبها بس انتبه تفصل الحزام من الوكاله ترا بدون الحزام مايفتح الايرباق
اقتباس:
سؤال ثالث معليش ثقلت عليك هو بالنسبة للحساسات أشغلتني هذي الأيام تشر الجهة اليمنى من مؤسر الحساسات اللي فوق الساعة على الطبلون ويطلع صوت وأنا واقف وأنا ماشي وش الحل ؟
والله الظاهر الحساسات خربانه عندك ودها للوكاله
اقتباس:
آخر سؤال والله استحيت هو يا أخي أحيانا أوقف السيارة على طلعت الباب الكبير ( البايكه ) يعني ما تسمى طلعه من انخفاضها المشكلة أني لازم أدوس على الجلنط لين أيقول ربي الله يعني على آخر شيء بالقوة بالوكاد يمسك هذا طبيعي وإلا نراجع الوكالة ؟
عادي ياخوي شدعوه تستحي من شنو!!
طال عمرك انا مواقف بيتنا فيها ارتفاع خفيف والحل انك اول ماتوقف السياره حط القير على الn وانت طبعا ماسك الفرامل على الاخر واسحب الجلنط على الاخر بعد وارفع القير على الp وخلاص ولاتراجع الوكاله
اقتباس:
اعتذر على الإطالة واتمنى أن أجد الجواب الشافي والكافي بإذن الله تعالى ...
رد: اي سؤال او استفسار عن الكامري(( الجديد)) ادخل ولا تتردد ابدا