[عاشـــق اللاند]

س1 هل عزم الكامري قوي بسفر وتجاوزات وان كانت بها حموله تكون قوتها ممتازه وسمعت انها تحن كثيرا

والله ياخوي عزمها ممتاز وانا مسافر عليها من الكويت الى دبي ومحمل فيها بلاوي والعزم ولا كني محمل فيها شي
ولاتنسى القير 5 تباديل اوتوماتيكي

س2 سمعت ان اشخاص تقول ان الكامري عند كل مطب تحك الانها نازله هل هذا صحيح

كلام فاضي لو تبي تاكل مطب اكيد تبي تحك ولو تبي تجيه مهدي ومعاك وزن ماتحكم

س3 هل الكامري القديمه يعني 2006 افضل من الشكل الجديد بالمكيف والتنسيم والثبات لان سمعت ان الكامري الجديده ( اطامر ) ليست ثابته مع العلم ان اشكل الجديد احلا

خخخخخخ مافيه مقارنه ولد عمي عنده جراندي 2005 ساق سيارتي قالي ان سيارتي اثبت واقوى والتجربه خير برهان
وعلى فكره مافيها مطامر

س4 هل العيوب التي تم التحدث عنها بالمنتدي كانت بالكامري القديمه مثل صوت الحديد الي يحك او صوت القير

مافيه صوت حديد يحك ولا فيه صوت قير

فيه صوت الدكيور وهذا مو مزعج يعني صوت بسيط ومايطلع كلش

س5 هل الاريون لها عيوب مثل الكامري او بس الكامري

الاوريون اذا تقدر عليها حلوه لكن الكامري زينه ومناسبه

ملاحظه : اليوم ولد عمي شاري اوروين جراندي فل كامي وراح اصورها لكم اول مانستلمها وترا ال6 سلندر حلو بس ماتسوى تاخذ صالون 6 سلندر ماظن راعي قومات

والله انا موتري 4 سلندر ويسحب سحب ماشاء الله طياره

اذا حاب تتواصل معاي وتشوف الموتر بعد الكرف من عيوني
س6 هل تنصحني بالكامري او الاريون مع العلم اني معجب بالكامري وهل وكالت الساير بالكويت لها خصم بالكامري ان شريتها كاش

[توكل علي الله]

الشكر لك اخي علي ذي النصائح لاكن ماذا تقصد والله انا موتري 4 سلندر ويسحب سحب ماشاء الله طياره

هل استهلاك الوقود للكامري مناسب

[بوغزلان]

الكامري Glx بالامارات الفل ما ييجي بها جناح
بس فتحة سقف و سيدي شينجر

[عاشـــق اللاند]

الشكر لك اخي علي ذي النصائح لاكن ماذا تقصد والله انا موتري 4 سلندر ويسحب سحب ماشاء الله طياره

هل استهلاك الوقود للكامري مناسب

يعني سريع يمشي يعني اول ماتدعس على الدواسه البنزين يروح يقلع

هل استهلاك الوقود للكامري مناسب

جدا جدا والله مع السرعات العاليه وتشغيل التكيف يمشيني 480 كيلو

[المنسق]

طيب ممكن احد يعلمني صحيح في مشكله في مكيف ال 2008

انا صراحه ما جربت الموتر بس العالم يتكلون على المكيف واجد وللاسف انا ما اعرف احد عنده الموتر

ودي نشتري سياره حق واحد من الشباب بس متخوف من سالفه المكيف

[عاشـــق اللاند]

والله ياخوك التكيف اذا كان الفلتر وصخ وانت بكرامه يكون دفع الهواء ضعيف وحار ولكن بعد تنظيفه وتسكير الهواء الخارجي يكون ثلج

[المنسق]

مشكور يا الطيب

ولكن معقوله 2008 ويتوصخ الفلتر يا أخي ما يمديه

[عاشـــق اللاند]

شي طبيعي يتوصخ لان لو انت فاتح التهويه الخارجيه ومعتمد عليها على طول زيي انا كل الشتا كنت فاتح الهوا الخارجي راح يتوصخ

[عاشق الاند.]

اخوي خالد انا احسك زعلان بسبت ها النك من ردك علي على موضوع التجمع بسبت ها المعرف وياليت تكلم الاداره وتقولهم يغيرون المعرف تبعي الى مجنونها والله ترى انا كلمتهم بس ما نفع وياليت تضيفني عندك لانه بعض الرجال تشريهم بمحبة القلوب:d:d

[عاشـــق اللاند]

مو زعلان ولا شي

يعني انت شوف انا من متى مسجل بالنك من شهر ماي 2006

وانت مسجل شهر ماي 2008

عليك بالعافيه خل النك عندك واستانس فيه وملاحظه الى الان فيه اكثر من التباس بين الاعضاء ولكن ما بالبيد حيله

[عاشق الاند.]

اخوي ياليت تضيفيني
وهذا يبين اذا مو زعلان مني

[عاشـــق اللاند]

ماني زعلان وضفتك

[سنوت]

السلام عليكم ورحمة الله وبركاته .
---------------------
أخي عاشق اللاند ،،، وفقه الله لطاعته .
جهد تشكر عليه أولاً .
ثانياً :
عندي كم سؤال لو تفضلت وأخذنا من وقتك الثمين يالغالي :
س1/ إذا كانت السيارة جديدة يعني توها طالعة من الوكالة ، فما هي السرعة المقترحة التي لا يُزاد عنها ؟
فالبعض يقول لا تتعدى الـ 100 ، هل هذا صحيح أم لا ؟
س2/ المكيف هل يُشغل على الطول من أول استلام السيارة أم يُصبر له قليلاً ؟
س3/ سيارة جديدة ، صاحبها يريد أن يسافر بها ، هل يفضل السير بها الآن ، أم تترك حتى الألف كيلو 1000 ؟

وسلامتك ترانا ما نستغني عنك ، ولك مني أجمل التحايا وأعبقها شعراً وعطراً .
أخوك / سنوت .

[عاشـــق اللاند]

المشاركة الأصلية كتبت بواسطة سنوت

السلام عليكم ورحمة الله وبركاته .

---------------------
أخي عاشق اللاند ،،، وفقه الله لطاعته .
جهد تشكر عليه أولاً .
ثانياً :
عندي كم سؤال لو تفضلت وأخذنا من وقتك الثمين يالغالي :
س1/ إذا كانت السيارة جديدة يعني توها طالعة من الوكالة ، فما هي السرعة المقترحة التي لا يُزاد عنها ؟
فالبعض يقول لا تتعدى الـ 100 ، هل هذا صحيح أم لا ؟
س2/ المكيف هل يُشغل على الطول من أول استلام السيارة أم يُصبر له قليلاً ؟
س3/ سيارة جديدة ، صاحبها يريد أن يسافر بها ، هل يفضل السير بها الآن ، أم تترك حتى الألف كيلو 1000 ؟

وسلامتك ترانا ما نستغني عنك ، ولك مني أجمل التحايا وأعبقها شعراً وعطراً .

أخوك / سنوت .

وعليكم السلام ورحمه الله وبركاته


احب اشكرك على المقدمه وترا انا ماسويت شي وقتي كله لك وانا تحت امرك باللي تبيه



بالنسبه للسؤال الاول شوف ياطوي العمر اول شي مبروك عليك السياره,,

واسأل الله ان يعطيك خيرها ويكفايك شرها


بالنسبه للسرعه اول 500 كيلو لاتتعدى ال80 نهائيا وخل رجلك ناعمه على التباديل الى اقصى الحدود وبعد ماتعدي ال500 كيلو يعني من ال500 الى الالف كيلو امش من 100 الى 120 ولكن لاتثبت السرعه يعني خفف وارجع امش ونفس ماذكرت سابقها رجلك تكون ناعمه على السياره وتجنب السرعه وتجنب التوقف السريع واكل المطبات ترا موزين

السؤال الثاني : المكيف شغله وانت بالوكاله عادي جدا ولا عليك من اللي يقولك يتعب السياره كلام فاضي التكيف له مروحه وله انظمه ولا له دخل في فتره التمرين

السؤال الثالث : انصحه خله يدربها اول الف كيلو وبعدين يسافر عليها لان موزين على المكينه تتعب

-----

ملاحظه السياره فتره التمرين تبي تدلع ولازم تمشي عليها ممشى قليل يعني باليوم 50 كيلو الى 100 كيلو كحد اقصى لان السياره تبي تتمرن ماتبي خط على طول

وانصحك لاتسرع ابد

والله يعطيك خيرها ويكافيك شرها

-----------

[سنوت]

المشاركة الأصلية كتبت بواسطة عاشـــق اللاند