[الخطاب]

السلام عليكم ورحمة الله وبركاته

اخواني اني احبكم في الله

عندي سؤال عن برادو :
1- هل سيتغير الشكل الداخلي للبردو موديل 2007
2- هل تنصحوني ان أخذا مواصفات خليجية (بريمي) او عبد اللطيف
3- الكفر يكون بالخلف او باسفل
4- اللون يكون اسواد او عنابي افضل ( جلد او مخمل)

شاكرا ومقدراً

[عسكـــــريم]

اخوي الخطاب...
1/ ماأعتقد راح يتغير البرادو جوهريا...ممكن تكون تغيرات بسيطه مثلا بشكل الشبك الامامي او الاسطبات او الانوار او يمكن مايتغير..
2/ اذا تبي المواصفات صح خذ البريمي (مواصفات الخليجي بشكل عام)
3/ أفضل يكون الكفر بالأسفل أكشخ
4/ لو يجي عنابي وداخله بيج يطلع رزه...لأن العنابي أقل ملاحظه من الأسود اذا صاد الموتر غبار..
ومن ناحية الداخلية أفضل المخمل لأنه أبرد من الجلد بالصيف..

[سستم]

كلام أخوي عسكريم عدل

مافي تغيير جذري يادوب مثل ماقال اضافات طفيفة على الواجهة
وانصحك تاخذ Vx 6 سلندر
وفي ناس اسمعهم انه البازعي أحسن (مومتأكد من الاسم)
وبيني وبينك الكفر تحت أحسن شكلاً وعند البيع يأثر على السعر اعتقد
واللون عنابي أحلى وعندك البترولي (رصاصي غامق)

[الاعصار المدمر]

انصحك بالبريمي

[ليث المعاني]

بالنسبة لنا احنا في قطر نفضل البرادو اللي فيه اسبير خلفي نفس الكويت والامارات
لانك تشعر انها فعلا سيارة فورويل حيث ان الاسبير يخفي عيوب السيارة مثل
الاسطابات الخلفية النحيفة .. وكذلك الارتفاع العالي فتبدو من الخلف
مثل الباص او الميني باص..
على العموم هي من اروع السيارات وانا امتلك واحدة وهي فول ابشن
موديل 2006 ستة سلندر وللعلم هي اقوى من اجي اكس و الجي اكس ار
واقتصادية في البترول بالرغم من انها ستة سلندر!! (تجربة شخصية)

[فاقد الحنان]

اخوي الخطاب

ترى كلام اخوي ليث المعاني صحيح

انا املك واحدة موديل 2005 فل كامل من عبداللطيف جميل

والسيارة قوية جداً اقوى من Gx-r والباترول (( تجربة شخصية ))

خذ السبير تحت افضل عندما تبيع السيارة / والخليجي اكيد افضل لكن عند البيع ابو جميل افضل

تحياتي

[عسكـــــريم]

اكيد...اللي يميز البرادو عن الجي اكس ار انه أخف منه

[الهدف]

متي تعتقدون سوف يتغير الشكل .....؟