[ولد_الكويت]

السلام عليكم

كيف حالكم شباب ؟!

هذا موضوع حلو وخفيف وان شاء الله يعجبكم واتمنى مايكون مكرر

كل واحد يدخل ويحط صورة سيارته ويذكر لنا الاضافات الي حاطها على السياره

انا راح ابدي اول واحد بوريكم صورة سيارتي

بسم الله

طبعا انا حاط شورافسكي (( كرستال )) على علامة لكزس الي جدام والي وره وعلى الــ is300 .. !

والمسكه مالت القير مغيرها حاط بدالها هذي

نبي نشوف مواتركم شباب

واتمنى المراقبين يثبتون الموضوع

[ليكزي]

عليكم السلام ..

هلااااا

واتمنى مايكون مكرر

والله للأسف مكرر نوعا ما وكانت في فكرة شبيه له في هذا الموضوع:-
لمالكين ال Is300 فقط والي حاب يشارك حياه الله

بس للأفس ، الشباب ما تفاعلوا حزتها .. وان شاء الله يبيضون الويه هالمرة ..

بالنسبة لسيارتك .. ما شاء الله، بالمبارك والله يعطيك خيرها ويكافيك شرها ..

طبعا انا حاط شورافسكي (( كرستال )) على علامة لكزس الي جدام والي وره وعلى الــ is300 .. !

صراحة، ما فهمت !!
قصدك حاط (فصوص) كرستال على شعار لكزس ؟!

والمسكه مالت القير مغيرها حاط بدالها هذي

اممممم، مادري ..
برايي انه بدون مسكة أحلى .. وانت وذوقك طبعا ..

وان شاء الله اذا صار في تفاعل من الربع، ابشر بتثبيت الموضوع .. والله يوفقك ..

يعطيك العافية ..

تحياتي
ليكزي

[عبودي مكه]

هلا بـ ولد الكويت ^ـ^

مشكور اخوي ع الموضوع الحلو

واتمنى يتفاعلو الاعضاء

لكن عندي سؤال .. الكريستال الي ع العلامه و القير كيف حطيتو ؟ " غراء و لاقطعه جاهزه وتتركب ولا ايش "

ومشكور مره تانيه

[ولد_الكويت]

ليكزي .. هلا فيك اخوي اي نعم فصوص او(( حبات )) كرستال على العلامة الي جدام ووره وعلى is 300 طبعا هالحركه منتشره عندنا بالكويت ووايد شباب يحطونها وفي بعض يحطونها على الرنجات او ارقام اللوحات بس انا حطيت على العلامه بس وبالنسبة للقير بالعكس والله بليل شكلها يصير حلو اذا شفتها على الطبيعه راح تعجبك اما بالصور ماتبين عدل


عبودي .. هلا فيك اخوي بالنسبة للقير انا شاريها جاهزه بس شال لي المسكه مالت القير الي تجي مع الوكاله وحط لي بدالها هذي وبالنسبة للي على العلامه مثل ماقلت حبات او فصوص تتركب واذا تبي تشيله تقدر وطبعا بالكويت في عندنا شارع بمنطقة الشويخ اسمه شارع الزينه في كل شي متعلق بزينه السيارات اذا تبي تركبهم على سيارتك حياك عندنا بالكويت

[ولد_الكويت]

وهذي صورة ثانيه :




ها شرايكم شباب ؟!

[بإختصار لكزس]

ماشاء الله تبارك الله

الله يعطيك خيرها ويكفيك من شرها... والحركة اعجبتني

[ميدوٍوٍ]

الصراحه حركة الفصوص اللي على علامة السياره مررررررررره حللللللللللللللللللللوه

وان شاء الله اعملها لسيارتي :P

ومشكور ع الموضوع حبيبي

[ريكوبا]

قولوا ما شاء الله يا شباب

ركبت زوائد امامية وخلفيه
اطارات ورنجات 18
استيكر

[تيربو اس اس]

ما شاء اللة يا ريكوبا
بس الرنجات ما اثرت على السيارة في شي مثلا صارت ابطئ او ثقيلة

[ريكوبا]

المشاركة الأصلية كتبت بواسطة تيربو اس اس

ما شاء اللة يا ريكوبا
بس الرنجات ما اثرت على السيارة في شي مثلا صارت ابطئ او ثقيلة

هلا عزيزي سمعت من هذا اكلام قبل ما اركب ,,بس والله ما احس انه فيه فرق,,,بس شي صوت على سرعه 80 و150 من الاطارات صوت مب عالي ,,لانه الرنجات مفتوحه بشكل كبير وتدخل هوه ,,بس ما احس بي شي,,
بس اي واحد يمر من صوبي يبغي يتحدى,,
ذكرتني بسالفه مره واحد عنده كرفت الجديده شافني جاي ريس كامل والحبيبي حطه رجله على الريس ورااااح بعيد اختفه,, هذي احد هزايمي خخخخخ

[ليكزي]

ريكوبا

ما شاء الله .. تبارك الرحمن .. لا الاه الا الله ..

الااااااااااااااه .. يا سلاااام يا سلاااام

يه يه يه ، رووووعة .. جناااان أخووي (ريكوبا) مع الرنقات والاسبيلرات .. والله أبداع .. شغل ترتيب و تفجيييير ..

الله يععطيك خيرها ويكفيك شرها ..

يا ليت تفيدنا عن نوع الرنقات واسمها لو سمحت ..

الا وينه الاعب ريكوبا ؟! راحت ايامه ها
الحين يلعب مع تورينو اظن صح ؟!

بالتوفيق ..

تسلم على الصور الروووعة اللي اتحفتنا فيها ..

تحياتي
ليكزي

[ريكوبا]

المشاركة الأصلية كتبت بواسطة ليكزي

ريكوبا

ما شاء الله .. تبارك الرحمن .. لا الاه الا الله ..

الااااااااااااااه .. يا سلاااام يا سلاااام

يه يه يه ، رووووعة .. جناااان أخووي (ريكوبا) مع الرنقات والاسبيلرات .. والله أبداع .. شغل ترتيب و تفجيييير ..

الله يععطيك خيرها ويكفيك شرها ..

يا ليت تفيدنا عن نوع الرنقات واسمها لو سمحت ..

الا وينه الاعب ريكوبا ؟! راحت ايامه ها
الحين يلعب مع تورينو اظن صح ؟!

بالتوفيق ..

تسلم على الصور الروووعة اللي اتحفتنا فيها ..

تحياتي
ليكزي

هلا مشرفنا العزيزي
تسلم على المرور
اما من ناحية ريكوبا يلعب في تورينو اعارة,ان شاء الله ترجع ايام ويذكرنه بالماضي الرائع(صار منتدى رياضي)

اما بنسبة للرنجات:-
رنجات مرسيدس(AMG) اما عن الاسم انا كنت رايح اشتري رنجات مرسيدس(E63) ,,اشتريته وطلعت تفرق شويه يمكن رنجات(E55)اقرب شكل لها.
اما مقاس الاطارات18.40.235 .