[قلبي ياالأفالون]

السلام عليكم ..

يالله حيهم .. إن شاء الله أنكم بخير ..

أبشركم إني خلاص سرت من ملاك السيارة العظيمه : الأفالون :





..

بس فيه شي غريب الصراحة ..

وهو زيادة سعر الأفالون 2000 ريال .. مأ أدري ليش الصراحة ..

والشي الي يقهر .. إني سألت عنه قبل أسبوعين قالي 119.500 ريال ...

لما خلا ص رحت للوكالة جازم أبشتري الموتر قالي أنه أرتفع السعر وصار 21.500

ليش . الله أعلم .. ..
مع العلم أني شريته بالسعر هذا .. ..

والحين أطول أسبوع عندي هذا الأسبوع لأني جالس أنتظر وصول السياره من جده ..


الشئ الثاني .. اللوحات .. السعوديه الجديده الملكية " الي تجي طويله "

يقول لي راعي الوكاله أنه ماتركب على الأفالون بالخلف " المكان ضيق "
بس بالأمام ..

والله شي غريب يعني فات على تويوتا أنه توسع مكان اللوحة في الخلف ..
زي الكامري ولا السيارات الثانيه . ..!!!!!!

أتمنى إذا فيه أحد جرب وركب اللوحات الخلفيه الطويله يعلمنا ...


تحياتي لكم ...

[ابووابراهيم]

ماشاء الله الف مبروووووووك
الله يعطيك من خيرها ويكفيك شرها
بس والله حرااام يرفع سعرها ابو جميل والدولار طايح بالارض
ويرفع سعر السيارات اليابانيه وعند السؤال لماذا؟
الجواااب لان الين مرتفع طيب لما ينخفض الين او الدولار ليش ماينزل سعر الموترررررررر؟
حسبي الله ونعم الوكيل

[الباااااريسي]

اخوي قلبي يالافالون متى انت حصلت هذا السعر ؟؟
عند عبد اللطيف يوم الاثنين الي فات قال لي موظف المبيعات بنفسه ان سعر الافالون24 الف تقريبا والسبب هو ان تركيب التظليل كولايت وتركيب البلوتوث ايضا اصبح اجباري في جميع فروع الوكاله فهل هذا الكلام صحيح ؟؟؟
يعني هل صحيح انه ما يمكن تشتري الافالون من الوكاله الا لما تاخذها بسعر24 الف شامل تركيب التظليل والبلوتوث ؟؟؟

[هاوي الافالون]

اخوي انا موتري مركب علية لوحة ملكية قدام ووراء ماقدرت لئن المكان على قد الصغيرة

[شمعة بلا فتيل]

بالنسبه لي انا اللي طلبت التظليل والبلوتوث وهو ماكان اجباري...
وطلع لي السعرشامل التأمين************مثل ماتفضل الاخ الباريسي 124الف..

[محبوب أفالون]

عندنا ب122 الف وتستنى شهر

[الباااااريسي]

المشاركة الأصلية كتبت بواسطة شمعة بلا فتيل

بالنسبه لي انا اللي طلبت التظليل والبلوتوث وهو ماكان اجباري...
وطلع لي السعرشامل التأمين************مثل ماتفضل الاخ الباريسي 124الف..

افهم الله يخليك التظليل هو ما صار اجباري بجميع الفروع الا من يوم الاثنين الي فات يعني تاريخ16/3/2008 تقريبا
انت طالبها قبل شهر او اسبوعين ؟

[قلبي ياالأفالون]

ماشاء الله الف مبروووووووك

الله يعطيك من خيرها ويكفيك شرها


بس والله حرااام يرفع سعرها ابو جميل والدولار طايح بالارض

ويرفع سعر السيارات اليابانيه وعند السؤال لماذا؟

الجواااب لان الين مرتفع طيب لما ينخفض الين او الدولار ليش ماينزل سعر الموترررررررر؟

حسبي الله ونعم الوكيل

الله يبارك بعمرك ويخليك ..

والله أبو جميل لعب بالسعر كل يوم يزود السعر ومنقصه ويقولون الحين نزل سعر الكامري . .!!

الله يهديه بس ..

اخوي قلبي يالافالون متى انت حصلت هذا السعر ؟؟

عند عبد اللطيف يوم الاثنين الي فات قال لي موظف المبيعات بنفسه ان سعر الافالون24 الف تقريبا والسبب هو ان تركيب التظليل كولايت وتركيب البلوتوث ايضا اصبح اجباري في جميع فروع الوكاله فهل هذا الكلام صحيح ؟؟؟


يعني هل صحيح انه ما يمكن تشتري الافالون من الوكاله الا لما تاخذها بسعر24 الف شامل تركيب التظليل والبلوتوث ؟؟؟

حياك الله أخوي الباريسي ..


الصراحة أنا حصلت السعر هذا يوم الأحد الي راح يعني قبل تقريبا خمس أيام ..

وشريته بهذا السعر 21.500 .. بدون شي طبعا .. لأنهم ما خيرون بالأساس
بس قالوا تبي أكس أل ولا ليميتيد .. وأخذ الأخيره .

أما سؤالك الثاني الصراحة ما أدري عنه شي..
يمكن شي جديد .. !

تحياتي لك

اخوي انا موتري مركب علية لوحة ملكية قدام ووراء ماقدرت لئن المكان على قد الصغيرة

أنا كنت متوقع أني معلومة خطأ !!
والله شي يقهررر أجل .. مو معقوله راعين الكوامري يكشخون باللوحات وحنا بس
قداام .. قسم بالله ما لهم داعي ..

بالنسبه لي انا اللي طلبت التظليل والبلوتوث وهو ماكان اجباري...

وطلع لي السعرشامل التأمين************مثل ماتفضل الاخ الباريسي 124الف..

ماشاء الله .. الله يعطيك خيرك ويكفيك شره ..

يعني التظليل والبلوتوث يفرق4 آلاف .. !

عندنا ب122 الف وتستنى شهر

122 شي غريب من متى الكلام هذا ..

لا وشهر بعد الله يعينكم ..

أنا طلبت الأحد الي فات وقالو لي تعال السبت الجاي .. تصير موجوده الي هو بكرا .. !!

افهم الله يخليك التظليل هو ما صار اجباري بجميع الفروع الا من يوم الاثنين الي فات يعني تاريخ16/3/2008 تقريبا

انت طالبها قبل شهر او اسبوعين ؟

يعني بعد ما طلبت موتري بيوم .. أجل أشوي أني لحقت ..




تحياي للجميع ..

[الـــقـــرنــي]

بخصوص الوحات


هذا الرابط فيه الموضوع الي انا قد نزلته بخصوص الوحات الخلفيه

وبا النسبه لسعر الافلون لا ن عبدالطيف لقى الطلب زاد على الافلون فا خزنها في المستودعات وكل ما جا احد يبي افالون قال والله مخلصه ولا زم تسوي حجز وحنا نطلبها لك فا هذي سياسة عبدالطيف فا بكذا يقدر عبدالطيف يلعب في السعر على كيفة

تحياتي القرني

[أفـالون]

المشاركة الأصلية كتبت بواسطة الباااااريسي

اخوي قلبي يالافالون متى انت حصلت هذا السعر ؟؟
عند عبد اللطيف يوم الاثنين الي فات قال لي موظف المبيعات بنفسه ان سعر الافالون24 الف تقريبا والسبب هو ان تركيب التظليل كولايت وتركيب البلوتوث ايضا اصبح اجباري في جميع فروع الوكاله فهل هذا الكلام صحيح ؟؟؟
يعني هل صحيح انه ما يمكن تشتري الافالون من الوكاله الا لما تاخذها بسعر24 الف شامل تركيب التظليل والبلوتوث ؟؟؟

انا شريتها قبل اسبوعين وشوي وقال لي اجباري التظليل

وظللت عندهم

على كذا تهاوش معهم وقل مو اجباري التظليل

[نافقيشن]

تحيه خالصة لأعضاء المنتدى
بس والله ما ادري ليش انتم طايرين مع اللأسعار وخاصة مع ( ابو التلفيق)
ياشباب اصبرو ان الله مع الصابرين وش الي جابركم على الشراء بهذي الأسعار
خلونا نقول نصبر السنه هذي 2008 ونشتري موديل 2009
بالتالي الوكيل وش يسوي بموديلات 2008
هناك حلين
1-انه يسوي تخفيضات عليها وياليت ما تقبلون اقل من 25% خصم يعني الي ب 125000 ناخذها
ب 100000 وتقدرون تاخذونها باقل من كذا بدليل اتصفيات الي اخر السنه
او
2-انه يلفق 2008 ويغير شبك او اصطاب اوشريط لاصق وينزلها على انها 2009 وبذالك نصبر كمان سنه وناخذ 2010 يكون احسن
ياليت يكون عندنا هاذا الفكرفي كل شئ وبلى حماية المستهلك ولا غيرها

[الباااااريسي]

المشاركة الأصلية كتبت بواسطة نافقيشن

او انه يلفق 2008 ويغير شبك او اصطاب اوشريط لاصق وينزلها على انها 2009 وبذالك نصبر كمان سنه وناخذ 2010 يكون احسن
ياليت يكون عندنا هاذا الفكرفي كل شئ وبلى حماية المستهلك ولا غيرها

يخسى ابو جميل
كل شي يقدر يلعب فيه الا هذي
هذي ما يقدر اي وكيل يسويها والله ان يقطعون راسه لان البطاقه الجمركيه مكتوب فيها موديل السياره 2008 ما يقدر يغيره ابو ضريط لو يطير