[الكــوكو]

بسم الله الرحمن الرحيم
السلام عليكم ورحمة الله وبركاته


أخواني بغيت أخذ شوركم في أشياء كثيرة أنا بصدد عملها بسيارتي


1/أبغى أركب زنون وش رايكم فيه وش أفل نوع وكم السعر وسلبياته وهل عليه ضمان؟

2/أبغى أركب زوايد ولحية وأبغى أرفع السيارة وين أقدر أرفعها وبكم يركبون الزوايد واللحية ويرفعونها؟

3/أبغى أركب جنوط وش الأفضل الوكالة أم الصيني وكم الأسعار وماهي سلبياتهم وايجابياتهم؟

4/أبغى أنجد السيارة وأكيسها كم السعر ومالمحل الذي تتوقعون أنه الأفضل فيها؟

للمعلومية/الكورولا موديلها 2007 والموضوع على ماأعتقد أنه راح يفيد أكثر الاخوان.

[لووووورد]

1/أبغى أركب زنون وش رايكم فيه وش أفل نوع وكم السعر وسلبياته وهل عليه ضمان؟
انواعه كثير الزنون ولاحسب ميزانيتك ولا اشوفهم طايحين فيه نوع اسمه بوش تقريبا سعره بـ 450 ريال لاكن اذا بغيت الزنون الي مو صاحي روح التشليح وخذلك حق مرسيدس ولا لكزس ولاكن غالي وهاذا البوش عليه ضمان 6شهور تقريبا

2/أبغى أركب زوايد ولحية وأبغى أرفع السيارة وين أقدر أرفعها وبكم يركبون الزوايد واللحية ويرفعونها؟
الزوايد طلع مو حلوه مره على الكورلا ابد ابد ابد والكورلا اصلن تجي مرفعه وين ترفعها اكثر خلها زي ماهي احسن وسعر الزوايد على حسب الي انت تطلبه اذا كان فيه فتحات وحركات يكون اغلى تقريبا اللحيه بـ 300 والي في الجنب 500 هاذا هنا في الدمام لاتسألني عن المكان لان ما اعرف في الرياض
3/أبغى أركب جنوط وش الأفضل الوكالة أم الصيني وكم الأسعار وماهي سلبياتهم وايجابياتهم؟
الجنوط الصينيه او التجاريه بـ 1200 او يمكن تحصلها اقل انا مره حصلتها بـ 900 سلبياتها شكلها يختلف عن الاصلي شوي ولو انه نفس الحجم بس تحس صغير مدري فيه حاجه غلط ولا تضمنه في الخط توقع انه يفنك عليك وسط الخط
ويعدم العكوس في بعض الاحين اذا كانت منزله شوي

اما الاصلي انا سمعت ان الواحد بـ 900 ريال الاصلي ما يبي له كلام عنه عكس الكلام الي فوق
4/أبغى أنجد السيارة وأكيسها كم السعر ومالمحل الذي تتوقعون أنه الأفضل فيها؟
التنجيد وشو انت اخوي ما تحدد ابد في اسألتك لاكن في التنجيد حق الفياقرا الي طايحين فيه بـ 800 والتكييس مدري وش تقصد انت الارضيه ولا تكييس بلاستيك ولا التكييس حق محل الزينه الي حق المراتب عموما في تكييس بلاستيك قوي حق الارضيه في السياره يمكن بـ200 انا مسويه وراحه بسرعه تشيل الوصخ وفي هاذا الكيس العادي حق محلات الزينه الي يجي على المراتب والابواب اظنه بـ 100 ريال


اتمنى اني اكون افدتك لاكن انتظر باقي الاعضاء وراح تستفيد كثير

[كو العقرب كو]

وعليكم السلام ورحمة الله وبركاته

راح اساعدك باللي اقدر عليه شوف يا خوي كوكو


1/أبغى أركب زنون وش رايكم فيه وش أفل نوع وكم السعر وسلبياته وهل عليه ضمان؟
انصحك بزينون الوكاله عليه ضمان ولونه جيد حتى كمان يعطونك تصريح حتى الحكومه ماتكلمك عليه...
وبالنسبه لسعره انا اخذته اول ما اخذت السياره 2000 مع التركيب والوزنيه حقتوا ...

2/أبغى أركب زوايد ولحية وأبغى أرفع السيارة وين أقدر أرفعها وبكم يركبون الزوايد واللحية ويرفعونها؟
نصيحه من اخووك... لاتلعب في وزنية السياره الحين خليها كمان شويا لاترفعها ولاتنزلها السيار لسه جديدة...ولو مرره خلاص تبغا تركب شوفلك واحد مايعدملك السياره...

3/أبغى أركب جنوط وش الأفضل الوكالة أم الصيني وكم الأسعار وماهي سلبياتهم وايجابياتهم؟
انصحك بجنوط الوكاله لانو في الخط ماترج معاك والسياره مرره مرتاحه عليه وقيمة طقم الجنوط بالوكاله 1400 بدون كفرات...


4/أبغى أنجد السيارة وأكيسها كم السعر ومالمحل الذي تتوقعون أنه الأفضل فيها؟
والله شوف قيمة التنجيده ما اقدر افيدك لانو على حسب نوعية التنجيده نفسها...

ان شاء الله اكون قدرت افيدك وافيد اخواني الاعضاء

تحياتي

[الكــوكو]

ألف ألف ألف ألف شكر لك أخوي لووووود
وألف ألف ألف ألف ألف شكر لك أخوي كو العقرب كو

وماقصرتم وبيض الله وجيهكم لكن أخوي كوكوالعقرب أبغى
جنوط الوكالة هل هي موجودة لدى عبداللطيف جميل فقط؟؟

[فـ @ ـد]

ماقصروا الشباب كفـــو و فــــو

الله يعطيهم العافيه

بالنسبه للجنوط الصينيه انا مجربها 3 سنين على سيارتي الــ 2004 ومقاس 18

وسفرياتي كثيره على السياره والحمد لله بعت الجنوط وبعت السياره وما جاها اية شي

يعني لا تخاف مافيها ذيك الضرر ولا يهون كلام اخوي لووورد

بس يبغالك اول ما تشتريها تسوي ترصيص ارضي عند العضيب على 100 ريال

واما التنجيد مالك الا محل الاسماعليلي يفصلك تفصييل على المراتب

هو يلبس المراتب لكن شغله مرررره مضبوط وسعرها 350 ريال مع البيبان

عنده جلد مايمسك لا الحراره ولا البروده

واي استفسار انا في الخدمه


تحياتي لك

[الكــوكو]

المشاركة الأصلية كتبت بواسطة فـ @ ـد

ماقصروا الشباب كفـــو و فــــو

الله يعطيهم العافيه

بالنسبه للجنوط الصينيه انا مجربها 3 سنين على سيارتي الــ 2004 ومقاس 18

وسفرياتي كثيره على السياره والحمد لله بعت الجنوط وبعت السياره وما جاها اية شي

يعني لا تخاف مافيها ذيك الضرر ولا يهون كلام اخوي لووورد

بس يبغالك اول ما تشتريها تسوي ترصيص ارضي عند العضيب على 100 ريال

واما التنجيد مالك الا محل الاسماعليلي يفصلك تفصييل على المراتب

هو يلبس المراتب لكن شغله مرررره مضبوط وسعرها 350 ريال مع البيبان

عنده جلد مايمسك لا الحراره ولا البروده

واي استفسار انا في الخدمه


تحياتي لك

ماقصرت أخوي فهد كفيت ووفيت لكن الترصيص هل هو ضروري أم انه مافي مشكلة
لو أسويه فيما بعد,,,,,,,

[فـ @ ـد]

المشاركة الأصلية كتبت بواسطة الكــوكو

ماقصرت أخوي فهد كفيت ووفيت لن الترصيص هل هو ضروري أم انه مافي مشكلة

لو أسويه فيما بعد,,,,,,,

ماسويت الا شي يالغالي

يالغالي انت اول ما تشتري الجنوط لازم يسوون لك ترصيص الجنوط بالجهاز اللي عندهم

لكن مشكلته على سرعة 80 (( سرعة دباب بطه ))

اما ترصيص الارضي افضل ويرصصون الجنط على سرعه من 140 الى 180

(( يرصصون الجنط وهو راكب على السياره ))

من ناحية انك تقول لو تركبه فيما بعد مافي مشكله لكن الترصيص الارضي افضل من ترصيص البنشر


وان شاء الله اكون افدتك

واي استفسار انا في الخدمه


تحياتي لك

[الكــوكو]

مشكور أخوي فهد وماقصرت كفيت ووفيت وماعليش اتعبناك معنا

[فـ @ ـد]

المشاركة الأصلية كتبت بواسطة الكــوكو

مشكور أخوي فهد وماقصرت كفيت ووفيت وماعليش اتعبناك معنا

العفـــو اخوي

وش دعوه تعبتني

واي شي تبغى تستفسر عنه ما يردك الا الكيبورد


تحياتي لك

[كنج الغرام]

مشكووووورين اخواني على النصايح المفيده ذي

والشباب بصرااااحه ماقصرو بشي كفو ووفو ماشاء الله عليهم

[الكــوكو]

مشكورين أخوي فهد وكنج الغرام على مروركم الكريم
واتمنى التفاعل من بقية الاعضاء