[لكزس عنابي]

عندي سيارة من نوع مرسدس موديل 83 فئة Sel380 بــــــ 8 سلندرات

المشكلة يوم اجي اشغلها تعذبني الين تشتغل وخاصة إذا المكينة حارة يعني ماشي عليها وراجع اطفي المكينة واجي اشغله مره ثانية يمكن بعد خمس دقات تشتغل .........

المشكلة الثانية السيارة يوم تكون في حالة التشغيل وهي واقفة احسها تهتز او تنتفض


فيا ريت تساعوني

[فارس الرياض]

مشكلة الهزه فهي من كراسي الماكينة والقير غيرها وراح تحس في الفرق

المشكلة الأولى وهي عدم تشغيل السياره فعندك اكثر من مصدر ( بطارية السياره _ بادء الحركه * السلف * _ مولد الكهرباء ) ودها لأقرب كهربائي حتى لو كان مبتدء وراح يشوف لك المشكله


تحياتي لك

[الشمـــــــالي]

المشاركة الأصلية كتبت بواسطة فارس الرياض

مشكلة الهزه فهي من كراسي الماكينة والقير غيرها وراح تحس في الفرق

المشكلة الأولى وهي عدم تشغيل السياره فعندك اكثر من مصدر ( بطارية السياره _ بادء الحركه * السلف * _ مولد الكهرباء ) ودها لأقرب كهربائي حتى لو كان مبتدء وراح يشوف لك المشكله


تحياتي لك

ماقصر اخوي (فارس الرياض)
أعطاك الجواب الشافي

[عاشق المور]

اخوي لكزس عنابي
انا مشكلتي مثل مشكلتك تماما
وانا عندي مرسيدس 500 موديل 83
ومشكلتها اذا جيت اشغلها وهي حاره تعذبني والله على ماتشتغل
لاكن اذا جيت اشغلها وهي بارده يعني ماتشتغلت من فتره تشتغل من اول نقره ولله الحمد
ومشكلتي الثانيه رجفه بالمكينه وغيرت كراسي المكينه اصلي ولا وجدت اي فايده
وعلى فكره البطاريه ومولد الكهرباء والسلف مالها اي دخل بالمشكله وشاكرلكم

[احب سيارتي]

روح لكهربائي وانا اعتقد المشكله موجوده في الحساس يمكن فيه مشكله او الاتوماتيك

[لكزس عنابي]

رحت للكهربائي قال هذا موه من الكهربا روح عند ميكانيكي يمكن من الإنجكتر .......

وش رايكم؟؟؟؟؟؟؟؟؟؟؟

[أسير الليل]

اخوي انا كنت عندي 380sel نفس الموديل ونفس المشكله
نصيحتي روح لواحد فنان قوله ينظف لك الأنجكتر(البخاخات) او بدلها اذا تحتاج تبديل وتأكد من موزع البترول (فيول دستربيوتر) غالبا المشكله منه يا يحتاج تضبيط او تغيير هذا بالنسبة عن الاشتغال وغالبا الرجفه اذا راحت المشكله اقصد مشكله الاشتغال وصارت تمام وماراحت الرجفه لازم تغير الكراسي لأني الكراسي مع كثر الرجفه من مشكلة موزع البخاخات تتأثر وتضعف

على فكرة انا تعبت لين عرفت المشكله من ايش اخرتها غيرت الموزع ونظفت البخاخات وصارت تمام


اتوقع غالبا انك اذا حبيت تشغل السيارة وهي ساخنه لازم تخلي رجلك على دوسة البنزين كامله وتاخذ وقت بعدين تشتغل وتطلع دخان اسود

تحياتي