[قالوا كامري]

الأخوان الكرام : من مشرفين وأعضاء أرجوا ان تقبلوني ضيفا على منتداكم الغالي ...
وأسأل الله أن يوفق الجميع ويبارك في خطاكم ..
أخواني أنا معاي كامري 2004 اشتريتها من الوكالة والحمد لله والان لها معي 3 سنوات وطبعا قليل أمشي فيها
لوجود سيارة ثانيه وأقضي مشاويري عليها .. المشكلة ان الكامري من يوم شريتها وفيها صوت طقه خفيفة لما
أهدي السرعة عند المطبات أو عند مسك الفرامل ..وسألت مهندس الوكالة أثناء الصيانة الدورية قال لي : الصوت
عادي لأن السيارة جديدة . ولكن الصوت أصبح مسموعا أكثر عند التهدئه يعني صوت الطقه ..سألت شباب قالوا كان
واحد عنده مازدا وكالة وفيها نفس الصوت وقالوا له عادي .. وميكانيكي فال لي مره : غير قماشات أصليه ويروح الصوت
صراحة بدايه راحت الطقه فتره وبعدين رجعت ؟ . أرجوكم من عنده خبر عن هذا الشيء يقول لي وكيف ؟؟
وما عدا ذالك الحمد لله السيارة تحت رجلي وانا رجال ما احب السرعة والاستهبال ولا اعطيها أحد

[عاشـــق اللاند]

والله ياخوك الظاهر انك ضارب فيها مطب ومتأثره السياره (الظاهر) ماني متأكد بس تبي نصيحتي؟ ودها للفحص الكمبيوتر ويطلع لك الخلل من الوكاله بس انا عند ولد عمي كامري 2005 ونفس الشي على المطبات فيه صوت وسيارته ماشيه 100الف يعني شي عادي

[مصرقع الشرقية]

لا لا توديها مكان زي مقالك المهندس عادي ولا تفكر فيها

انا سيارتي كامري 2005 وصارتلي ها المشكلة وجحدتها

فترة ختفت من نفسها لكن اذا من مرتاح انشاء اللة الشباب

يفيدوك

[كامـ دحوم ـري]

لماترجع للخلف ( اخص يالمثقف - ريوس ) وتمسك فرامل سمعت انها جلد المقصات من الوكاله بـ 60 ويكبسها ويروح الصوت هذا الي سمعته

اما مع المطبات الحمد لله ماعمري سمعتها بس حوس عند المقصات لانها يمكن تكون منها مااحب اتفلسف بس هذا اول شي افكر به

اذا لقيت لها حل تكفا قولنا

[قالوا كامري]

الأخوان الأعزاء : عاشــــق الا ند .......ومصرقع الشرقية وكامري دحوم ...تشرفت بمروركم الغالي
وتشريفكم لموضوعي ..ومنكم نستفيد . وأنا سمعت انها في الكامري من 2003 الى 2006 وما أدري ليش !!
المشكلة في الوكالة انهم أحيانا مايعطوك الصدق .واذا ضغظ عليهم يدخلوك في متاهة من التغييرات والحوسة
لكن على قولتكم دام المشكلة في العضلات أوديها ميزان معروف وبيطلع اذا فيه مشكله في المقصات او الأذرعة ..
ودمـــــــــــــــــــــــــــــــــــــــــــــــ ــــــــــــــــــــــــــتم ســـــــــــــــــــــــــــــــــــــــــــــــــ ــــــــــــالمين

[ماجد@@]

أنا عندي نفس المشكله وما سبت كامري إلا وركبت معه علشان اسمع الصوت ولقيت أنو الصوت هذا في كل الكامريات بغض النظر عن الموديل وهذا الشيء طبيعي .

[المجازف]

الصوت هذا طبيعي في الكامري يخوي ولا تفكر فيه
انا جربت الكامري من 98و2006وهذا الصوت فيها عادي وطبيعي ولاتفكر فيه