[برادو اقرع]

شريت سيارة لاندكروزر برادو من ابوجميل ولكن تفاجأت انها تاخرت بعد الطلب بعض الشيئ الله اعلم هل هذه الفئة من السيارات سوف ينقطع انتاجها واللذي زادني حزنا وحسافة لم اجد في منتدى تويوتا العربية قسم خاص بهذه السيارة هل اصبح مصيرها كمصير الكرسيدا سالبقا اجيبوني بسرعة لاني نويت ابيعها من القهر والندم

[أبوحمد]

أولا مبارك عليك الموتر ,,

إذا كان اللاندكروزر 2008 يتأخر بعد الحجز بشهور فما بالك بالبرادو المسألة كلها بسبب الوكيل وأيضا الطلب والعرض يلعب دور

وبالنسبة لقسم البرادو في المنتدى أكيد كلنا ندري بأن البرادو ينحدر تحت سلالة اللاندكروزر ويعتبر هذا القسم مخصص له ايضا ..

[برادو اقرع]

شكرا ياابوحمد الصراحة انت اول واحد اجبر بخاطري واثلج صدري الله يغسلك بماء الثلج والبرد وطعمك طعام الجنة لكن الصراحة هذا ثلاث شهور وانا ابحث عن برادو وبعد الصبر والعناء وصلت البرادو بعد ارتفاع سعرها بزيادة الفين ريال سعودي وعندما سألت عن الوان اخرى او درجة افضل قال الموظف لايوجد الا هذه فتعجبت من هذا الرد معقولة سيارة بهذه الشعبية لا يتوفر عند الوكيل الا واحده وكان الشئ صار غير مطلوب من المستهلك الا بالطلب

[أفالون خاص]

بخصوص تغير السيارة أو انقطاعها لا يوجد خبر أكيد

لكن أنا قرأت في أحد المواقع البريطانية المتخصصة بالسيارات وبحكم ان البرادو منتشر في بريطانيا ان السيارة راح يستمر انتاجها بنفس الشكل حتى عام 2010 وبعدها راح تنزل بشكل جديد ، لكن تظل مجرد توقعات

[عاشـــق اللاند]

اخي الكريم تبي نصيحه مني تعال عندنا بالكويت شوف برادو اللي يورده الساير اشكال وانواع ومواصفات فخمه جدا تقاد تتفوق على الاند كروز وانا صراحه عاجبني الvX الفل اوبشن فتحه وشاشه ومكينه قويه جدا وجلد مريح مواصفات ممتازه وكافي المكينه نفس مكينه الاند الجديد 6 سلندر وبعدين طبلونه احلى من الاند الجديد وسعره فيه

[بنت الخران]

ومتى السياره بيتغير شكلها


هل مثل ما اقل اخونا العزيز افالون خاص ولا بطول السالفه فيها

لان شكلها لو يتغير من زماان

كتغيير جذري للسياره




شو رايكم

[الكميم]

المشاركة الأصلية كتبت بواسطة برادو اقرع

شكرا ياابوحمد الصراحة انت اول واحد اجبر بخاطري واثلج صدري الله يغسلك بماء الثلج والبرد وطعمك طعام الجنة لكن الصراحة هذا ثلاث شهور وانا ابحث عن برادو وبعد الصبر والعناء وصلت البرادو بعد ارتفاع سعرها بزيادة الفين ريال سعودي وعندما سألت عن الوان اخرى او درجة افضل قال الموظف لايوجد الا هذه فتعجبت من هذا الرد معقولة سيارة بهذه الشعبية لا يتوفر عند الوكيل الا واحده وكان الشئ صار غير مطلوب من المستهلك الا بالطلب

==
إذا لك تبحث ثلاث شهور

مشرفنا ابو حمد له 4 شهور
==
تحياتي

[أنـــا]

المشاركة الأصلية كتبت بواسطة عاشـــق الاند

اخي الكريم تبي نصيحه مني تعال عندنا بالكويت شوف برادو اللي يورده الساير اشكال وانواع ومواصفات فخمه جدا تقاد تتفوق على الاند كروز وانا صراحه عاجبني الvX الفل اوبشن فتحه وشاشه ومكينه قويه جدا وجلد مريح مواصفات ممتازه وكافي المكينه نفس مكينه الاند الجديد 6 سلندر وبعدين طبلونه احلى من الاند الجديد وسعره فيه

السلام عليك
أخي عاشق الاند
ممكن تعطين أسعار ومواصفات البرادو vx1 vx2
وشكرا لك

[عاشـــق اللاند]

اللي اعرفه طال عمرك البرادو vx الكامل فتحه + شاشه + بلوتوث + مقاعد جلد + تحكم الكتروني بالمقاعد + حساسات اماميه وخلفيه + كشافات للضباب (يوجد عندنا برادو vx ليمتد بجنوط نيكل مقاس كبير شكمانين شكله روعه ماشالله وهذا هو الفل اللمتد عليه زوائد وشكمانين وجنوط ومن داخل مواصفاته حلوه ديفي دي وحركات سعر الvx العادي ب 10 الاف دينار واللمتد ب 12 الف دينار والvx الفل اوبشن لكن مخمل سعره 9 الاف و 600 دينار

طبعا الاسعار هذي قبل اسبوع

[اسـتـرجـاعـهـا]

في قطر يجيبون برادو للستور ويصدرونه (مادري لوين)!!
خطوط خليجية
عرشة
جناح
جلد
سبير تحت
دفلوك
هايدروليك'
حساسات اماميه وخلفيه
dvd خلفي
شاشة
بلوتوث(يتركب بالستور)
===
البرادو متوفر في قطر بس لو تبون اكسسوارات وهايدروليك ودفلوك لازم تحجزوا لأن الموتر مواصفات خاصة!!
x_تحياتي_x

[أبوحمد]

يا شباب الله لا يهينكم حاولوا تدعمون الموضوع بصور للبرادو 2008 سواء وارد الساير أو عبدالغني ,, وأول مره أعرف بالحساسات الامامية شكلها صارت تعديل الوكيل !!

ودنا نشوف خطوط 2008 الخليجي ..

[اسـتـرجـاعـهـا]

المشاركة الأصلية كتبت بواسطة أبوحمد

يا شباب الله لا يهينكم حاولوا تدعمون الموضوع بصور للبرادو 2008 سواء وارد الساير أو عبدالغني ,, وأول مره أعرف بالحساسات الامامية شكلها صارت تعديل الوكيل !!

ودنا نشوف خطوط 2008 الخليجي ..

ولا يهمك عطني يومين بقول لواحد من الربع يروح يصور تدري بعد الحادث لازم استخدم كرسي لأن رجلي اليسرى ويدي اليسرى مكسورين!!
بخصوص الخطوط نفس 2007!!
x_تحياتي_x

[أبوحمد]

المشاركة الأصلية كتبت بواسطة اسـتـرجـاعـهـا

ولا يهمك عطني يومين بقول لواحد من الربع يروح يصور تدري بعد الحادث لازم استخدم كرسي لأن رجلي اليسرى ويدي اليسرى مكسورين!!
بخصوص الخطوط نفس 2007!!
x_تحياتي_x

الله يجزاك خير , وما تشوف شر يالغالي ..

[اسـتـرجـاعـهـا]

المشاركة الأصلية كتبت بواسطة أبوحمد

الله يجزاك خير , وما تشوف شر يالغالي ..

تسلم يالذيب

[حسونه]

أولاً /

فرصة ارحب بعودة الأخ العزيز / اسـتـرجـاعـهـا
واقول الحمد لله على سلامتك عقب الحادث
والحمد لله على سلامة العودة