[مجنون الأفالون]

السلام عليكم ورحمة الله وبركاته


مساكم الله بالخير


باركوا لي إشتريت لكزس ولكن مستعملة


بس الموتر نظيف وشريته من صديق للوالد

لونه موف 2001

طبعا اللون الوحيد اللي نزل في 2001 بفئة 430



ماشي 110 الآف

بس انا شريته ودايركت وديته للعضيب


وطلعوا لي بلاوي فيه


وبغيت مساعدتكم هل ضروري اني أسويها او لأ

1 - سير التايمن

2 - وجيه غطيان البلوف

3 - جلد مقصات

4 - شداد التايمن

5 - بكرات التايمن

6 - فلتر بنزين

7 - فلتر هواء

8 - طبعا خرط هوبات وتغيير فحمات


لان الشخص اللي إشتريته منه كان مخزنها بالباركينق عنده وما يستخدمها


واللون عجبني بصراحة


بس بغيت مساعدتكم بحاجة


الآن :



هل تنصحوني أذهب إلى ورشة بالصناعية القديمة غير العضيب ...

طبعا الخبرة لأهل الرياض

لأن العضيب بصراحة جدا غاليين وزحمه عندهم مررره

والسيارة يبغى لها إسبوع عشان تطلع


اللي لديه الخبرة يا ليت يقولنا


وتحياتي لكم

واعتبروني جديد معكم

بما إني بعت الأفالون :d


أخوكم

احمد

[لكزس ألترا]

هييه نعم يا الغالي ...

لازم تبدلها ...

وبغيت مساعدتكم هل ضروري اني أسويها او لأ

1 - سير التايمن

2 - وجيه غطيان البلوف

3 - جلد مقصات

4 - شداد التايمن

5 - بكرات التايمن

6 - فلتر بنزين

7 - فلتر هواء

8 - طبعا خرط هوبات وتغيير فحمات

والله يعطيك خيره ويكفيك شررره ..

والسموحة ..

[كروز]

السلام عليكم
بنسبه للسير التايمن و الشداد و البكرات كلاها تجي طقم كامل قيمتة بالوكاله 600 وشغل يد الوكاله 700 هذا على كلامهم كل 100 الف تغيره يسمى التايمن او الجنزيز
قيمة الفحمات والامامي والخلفى مجموعها 730
اخوى كل اللى انت بتسويه يسمى تصفيه اللكزس لا تخاف منه
كل اللى انت كاتبة صلحه فى اى ورشه مومهم اسمها
الا حاجه وحده الخنزير او سير التايمن سوه فى الوكاله لاقضيب ولا غيره كلها 1300 ريال
وبخصوص وجه اغطية البلوف اذا مافيها تهريب ماله داعي تغيرها
وسلامتك

[عاشـــق اللاند]

اهب شي بدل الجنزير بالوكاله وخذ عليه ضمان ولا تستهين فيه تراه مهم جدا وبدل فلتر البنزين حتى تقلل من الصرفيه انصحك سولها تصفيه كامله وريح بالك

[مجنون الأفالون]

بيض الله وجيهكم

ما قصرتوا والله يعطيكم العافية

وتم خروج السيارة وبكامل عافيتها


ألف شكر لكم

[هلوز]

حلوووووووووووو انا نفس وضعك بس محتار اي ورشه

[سمسم السمسماني]

والله انا رحت عند العضيب واتهاوشت معاهم قبل اسبوع لاني توني شاري السيارة وكنت اسمع فيها صوت لا مشيت واتوقعت ان الهوبات يبغالها خرط وسويت عن العضيب خرط هوبات امامي وخلفي
ب200 ريال+قماشات امامي وخلفي من الوكالة بقيمة 500ريال
لاكن يوم جيت استلم السيارة لقيت الهنود ركبو السيارة ووصخولي مقعدة السائق ودعاساتها ومقعدة الراكب الامامي ومقعدة الراكب الخلفي الوسطى

لعنت والديهم لاكن انا استاهل نصحولي اليرموك لاكني رحت للعضيب