[ظبياني اي اس]

هذا الحادث صار بعد ما استلمت السيارة بشهر واحد فقط(مب قهر؟)

قصة الحادث هي اني كنت واقف في الاشارة وما حسيت الا انه السيارة تنقز لقدام و لما شفت وراي حصلت نيسان بترول 97 يسوقه فلسطيني ويوم سألته شو اللي صار قالي البريك ما يزخ!!!!!!!!!!!!!!!!!!!!!!!!!!!!!!!!!!
لكن الحمدلله ما في اصابات

المهم أنا ما بطول عليكم و بخليكم مع الصور(تقطع القلب)

[ظبيانية لكزس]

عورني قلبي ع السيارة


خطاك السوق خوي

و الحمد لله انها جات في الحديد بس

[المذنب هالي]

ماتستاهل والله

فداك مليون لكزس

[ولد المرر]

ظبياني

الحمدلله على سلامتك .... في الحديد ولا فيك ...

الصراحة شيء محزن ... ولكن هذا هو المكتوب ( وما يصيبنا إلا ما قدره الله لنا ) ..

وما تستاهل ...

سلامي للجميع .......

[راعي شاص]

اهم شيء سلامتك .. والحديد يتعوض .. الحمد لله على السلامة

[ظبياني اي اس]

مشكورين كلكم على المرور الطيب

ظبيانية: الشر ما ييج و مشكورة
المذنب: تسلم يالغالي
ولد المرر: الله يسلمك وصدقت هذا هو المكتوب
راعي الشاص: الله يسلمك

[مبتكر]

ماتشوف شر والله يعوضك خير ..
بس عسى ان شاءالله اللي صدمك معاه تأمين ؟؟

[ظبياني اي اس]

الشر ما يجيك أخوي مبتكر

نحن عندنا في الامارات لازم كل السيارات يكون عليها تأمين

[فزة الصحراء]

الحمد لله على سلامتك

بالحديد ولا بالعبيد

لعلها دفعة بلا من الله والحمدلله على كل حال

قدر الله وماشاء فعل اهم شي " لاتحزن "

[بإختصار لكزس]

لاحول ولا قوة الابالله

حمدالله على سلامتك

[فال خير]

ألف الحمد لله على سلامتك

ان شاء الله تكون دفع بلاء, و ما يهمك السيارة المهم سلامتك و الاهل

[سفيان]

الحمدلله على السلامه .....

والله قهر قهر قهر .... شي يفقع المراره الله يعينك ..
ويصبرك ويعوضك احسن منها ....

[مـوال]

الحمد لله على السلامه ، خطاك السوء في الحديد ولا فيك والحديد يعوض وانت ما تعوض ........................الف سلامه

[علي الرمادي]

يا اخوان انا شفت اكثر من حادث للجوهره احس ان صداماتها كنها كرتون تتقطع بسرعه يعني مافيها متانه او حمايه ولو شوي ليش يالكزس ياياباني باقي على عقلية الخرق والتوفير

انا شكلي باابيع اللي عندي من كثر ماشفت خاصه عند وكالة العليا

[علي الرمادي]

تصدق شكلها عين لاني اشوفك حاط لها صور قبل هذا الموضوع

دور ربعك اللي كانوا معك وقت التصوير والله يعينك وكويس انك سلمت

[عين الامارات]

والله حرام

بس عندك بالوكالة ... ونصيحة كثر من القرآءن

[رياضي]

حمد لله على السلامة

واشوا انها جات على قد كذا, قدر ولطف

ومعوض اخوي ان شاء الله