[بدر ال اس]

السلام عليكم....
الأخوة الأفاضل.....
فيه سؤال محيرني ويحتاج إجابة
هل تستاهل LEXUS ES350 مبلغ جامد يساوي 165.000 ريال
أنا صراحة السيارة معجبتني وفيها مواصفات ماهي سهلة لكنها في النهاية تصنف أنها من فئة السيارات الصغيرة الحجم
وأنا ما أخفيكم رحت للوكالة كذا مرة وكدت أن ادفع العربون لكن في آخر لحظة أتراجع
والتوجه الآن هو لشراء جيب الطوارق بقيمة 211.000 ريال
ادري في فرق في السعر بس في النهاية الجيب يعطيك قيمة لما دفعت.
والسؤال هو وش رأيك في وجهة نظري وهل توافقها والا ما توافقها؟
يا شباب صرت أفكر كثير عشان هالسالفة.

ودمتم

[ظبيانية لكزس]

خوي انا نفسك كنت حايرة بين هل السيارتين

بس الفرق بينهم واضح

وحدة فور ويل و الثانية صالون

اذا انت من عشاق الفور ويل انصحك بالطوارق

لكن اذا تدور ع الرفاهيه فاللكزس افضل

و الاختيار لك بالاخير

شوف انت شو استخدامك ووين ترتاح اكثر و توكل

[أبـوفـهـد]

اخوي مافكرت بالــ Gs430

[محتـ ـ ـار]

ما ابي ازيدك حيره بس ليه ما شفت جيب البورش (كايين) !!؟؟

والطوارق حلو ولكزس حلوه (( انت وذوقك )) وشوووف من ناحيه الصيانه ........الخ وبعدين اختار

[كامري الزياد]

انا اقول لك مو لازم تاخذ سياره جديده طيب

يعني خذ لكزس Es350 او Ls430 مستعمل نضيف يجي سعره رخيص ونفس المواصفات
ومعروف ان الكزس ماتخرب بالراحه

وعلى طاري الطوارق انا مانصح ابد ياخي جيب عادي جدا يعني لو تاخذ بورش كايان مستعمل افضل لك

[أبوبدر]

بورش كايين ولا تتردد

بس شوف لك شي نظيف وياليت يكون جديد

[(غير مسجل)]

حياك الله اخوي...

بس احب اوضح لك بعض النقاط....

لف السوق كله، ما راح تحصل سيارة فخمة بهذا السعر... اذا حصلت اي سيارة مشابهة بالمواصفات والسعر، راح تكون كوري او صيني...

هل تستاهل، مثل ما قلت لف السوق كله و انت الحكم...

السيارة ليست بصغيرة الحجم ابدا... بالعكس السيارة كبيره و واسعة جدا من الداخل... و اسئل الناس الي جربوها او اركب فيها بالمقاعد الخلفية و بعدين اركب الطوارق...


بالنسبة لوجهة نظرك، انا شخصيا لا اوافقك الراي لاكثر من سبب...

اول شيء، انا احترم الطوارق و هي بالفعل سيارة جميلة و رائعة!! لكن، الطوارق ظهرت للسوق في سنة 2003 و احنا الحين في سنة 2008... يعني، السيارة نفس الشكل منذ 6 سنوات... و توقع ان شكلها يتغير بالكامل سنة 2010 بالكثير اذا مو قبل!!

بالنسبة للسعر، اتوقع ان السيارة 6 سلندر و مواصفاتها اكيد اقل من اللكزس...

و اذا كان الحجم هو مقياسك لسعر السيارة، فالسيارة الانسب لك هي نيسان ارمادا... سيارة كبيرة جدا و سعرها مناسب جدا... و هي بالنسبة للطوارق افضل بكثير من ناحية السعر...

ارجوا انك ما تفهمني غلط، لكن حبيت اوضح لك بعض النقاط و رأيي في وجحه نظرك مثل ما طلبت...

صلي صلاة استخارة و ان شاء الله ما راح تندم على اي من السيارتين

[ابي رايكم]

بصراحة بعد تفكير عميق وطويل تحسفت اني ما شريت لكزس من زمان الحمد الله ربي وفقني وشريتها وفعلا انا مبسوط منها لكن من ناحية الجيب صحيح هو حلو انا فكرت اخذ جيب ادج نوراما حلو شكله بس بالنهاية فورد وسعرة عالي وما فيه مزيات الكزس

شوف اذا انت تبي سيارة فخمة واسم انا عندي لك جيب بورش نظيف بالمره وسعرة حلو طبعا الفل مديلة 2005 ماشي حوالي قريب من الثمانيه الف كيلو لونه ابيض داخلي جملي بني حلو بالمره اذا تبيه اتمنى ترسل لي على الايميلي بأسر وقت طبعا سعرة 185000الف اذا انت جاد ما راح اختلف معك
a.7.b.666@hotmail