[قائد بلاجنود]

السلام عليكم ورحمة والله بركاته


ياربع من يجيب لي سعر كامري 2008 قير عايدي وقزاز اتوماتيك... كم سعرها بالتاجير المنتهي بالتمليك كم يطلع القسط؟

مع العلم اني بدفع عشرين الف دفعه..

تفكوون جيبوا لنا الخبر لاني رجال في محافظة وماعندنا وكالة لازم اروح لاحد المدن!!

[مزحف الكامري]

حياك يخوي..... الكامري فئات مختلفه :
أولا : gl قير عايدي وقزاز تماتيك 73الف ريال كاش
ثانيا: gl قير تماتيك وقزاز تماتيك 78 الف ريال كاش ... اما منتهي بالتمليك 96 الف او عليها وقسطها في حدود 1900 ريال
ثالثا: glx تجي قير عايدي وقزاز كهربا وخشب ومثبت سرعه وازارير في الطاره للتحكم في المسجل بدون فتحه وجناح 81الف ريال كاش.
رابعا: glx قير عايدي وقزاز كهربا والمميزات اللي فوق بالاضافه الى فتحه وجناح 85 الف ريال كاش.
خامسا: glx قير تماتيك والمواصفات اللي فوق ماعادا الفتحه والجناح 86الف كاش.
سادسا: glx قير تماتيك والمواصفات اللي فوق وفتحه وجناح (فل اوبشن) 88الف كاش
باقي فئه ال se الشباب يفيدونك انشالله ........خدم لزم

[قائد بلاجنود]

مشكوور اخوي على مشاركتك القمية

لكن الـــ gl كم قسطها بنظام التاجير مع العلم اني راح ادفع عشرين الف دفعه ؟
لااريد سعرها كاش

[مزحف الكامري]

والله مني متاكد بس اقدر ااكد لك انو قسطها
بنظام التاجير مايتعدا 1650ريال هذا بدون دفعه اولى ولمده 42شهر مع دفعه اخيره 25الف ريال هذا اللي اعرفوا.......
اي خدمه.........

[قائد بلاجنود]

مشكوور ياخوي

وان شاء الله الشباب يفيدونا

[أبو تــميم]

بسم الله الرحمن الرحيم

ولله الحمد أشتريت كامري 2008 تعرفون السياره جديده حبيت أني احافظ عليها
فكرت أني البس الارضيه وشرايكم وأي مكان ازين أركب فيه وتظليله أبي أركب عازل
حجات كثيرة طرت بالراس واحترت حبيت آرأكم وش ممكن أسوي عشان تتطلع مظهر
سياراتي حلوه مثلكم قلت مالها ألا رجالها أخواني بالمنتدى أنتظر الرد بأقصى سرعه
قبل لاتطير الطيور برزاقها الف شكر لكم أسف على الاطاله .................

[ملفت أنظار]

المشاركة الأصلية كتبت بواسطة أبو تــميم

بسم الله الرحمن الرحيم

ولله الحمد أشتريت كامري 2008 تعرفون السياره جديده حبيت أني احافظ عليها
فكرت أني البس الارضيه وشرايكم وأي مكان ازين أركب فيه وتظليله أبي أركب عازل
حجات كثيرة طرت بالراس واحترت حبيت آرأكم وش ممكن أسوي عشان تتطلع مظهر
سياراتي حلوه مثلكم قلت مالها ألا رجالها أخواني بالمنتدى أنتظر الرد بأقصى سرعه

قبل لاتطير الطيور برزاقها الف شكر لكم أسف على الاطاله .................

مبروك السيارة

ربي يعطيك خيرها ويكفيك شرها

اهم شي تسويه هو تلبيسة الارضية بلاستيك طبعا سماكة البلاستك معروفه 7 ملم للارضيات

وللمراتب 3 ملم

و ياليت الشباب اهل الدمام يشاركو معنا في الموضوع

لانهم اعرف بمحلات الدمام

وتقبل تحياتي

[اسمي]

الف مبروكـ السياره
الله يعطيك خيرها ويكفيكـ شرها

بالنسبه لتلبيسة الارضيات حلوهـ .. وايضا المقاعد
طبعا اكياس او تنجيد .. على رغبتكـ
واذا تبي تتهور ركب شاشه وبسسس
" هذا بالنسبه لرأيي انا .. لاني احب اتركها شد بلد .. اشوفها احلى "
واذا سيارتكـ gl ابتعد عن التخشيب نصيحه
يجمع وساخه ومع الايام يتفتت ويتكسر
**** شفتها بعيني في سيارة خويي 2005 < .. ويمكن على نوعية التخشيبه .. مدري
هذا مجرد رأي شخصي .. والاكيد القرار الاول والاخير لكـ ^_^

بحفظ الله