[لبيب الحبيب]

يااخوان انا عندي الرجة لي اسبوعين الان ماخليت شي الاسويته للسيارة ترصيص وزن اذرعة خرط هوبات تغيير كفرات وجربت تبديل الجنوط .....
المهم اخر مارسيت عليه العكوس وما ادراك مالعكوس بعد ما انقطعت بي السبل وديتها الوكالة وبعد الفحص قالوا لي العكوس تعبانة ولازم تغيرها والضمان مخلص والمشكلة ان العكوس ب2480 ريال والتركيب بالصناعية مع الوزن 400 ريال والسيارة كامري 2006
وانا الان محتار مادري اخذهم والا اخذ قطع مش اصلية تكون ارخص بكثير والا اجرب الخرط وتصليح الرمان مع ان الخرط غير متوفر بالقصيم ابي ارائكم الله يرضى عليكم واسف على الاطالة

[بنت الخران]

الله يعيينك


بس هل جربت تغيير الاطارات

[عاشـــق اللاند]

توكل على الله وصلحها بالوكاله هذا موترك حافظ عليه

[لبيب الحبيب]

المشكلة يااخوان اني ماضربت فيها مطبات قوية وماسبق اني لمست الرصيف فاذا كانت كل شوي تبي تخرب وتكلفي حول 3000 وهي حتى ماكملت سنة ونصف فلعلي ابيع السيارة واشتريلي عراوي اصرف والا اركب عكوس لموديلات اخرى اذا امكن

[الـــديـــم]

الاحتمالات اللي تسبب الرجة كثيرة
منها الكفرات والهوبات والعكوس
خويي معه كامري وفيها رجه وغير العكوس وضبطت
المهم انك تروح لورشة فاهمة تتأكد من السبب
يعني لا تخليهم يصلحون شي قبل لا يتأكدون من سبب الرجه
وسيارتك جديدة اذا الضمان موجود ممكن تغث الوكالة فيه
والله يوفقك.,

[اسمي]

تأكد من الكفرات
انا سيارتي كامري 2007
ماشيه 70 الف
فيها رجه من يوم هي ماشيه 30 الف
طلعت لي قرون
رصصت وشحمت عكوس ووزنت كمبيوتر
ومافي فايدهـ
بالاخير طلعت الكفرااااااااااااات
انا ماكنت متوقعها .. وخصوصا وقتها السياره ماكملت معي 5 شهور
ماتوقعت تطلع الكفرااااااااااااات ابدأ

بس

[مصرقع الشرقية]

جرب ركب كفرات جديدة او من الجنوط

احسن حل اشف اي احد من اخوياك راسية

سيارتة وبدل الكفرات والجنوط وشف النتيجة

[بن مزهود]

فعلا يمكن تكون الكفرات محبله ومنتهيه لا يغرك مديل السيارو وشكل الكفرات لأن الوكالات ماتقصر تخلي السيارة واقفه 6 شهور وهذي كافيه تعدم الماده الموجوده في الكفر حتى لو ماتحركت
وأما العكوس ماتوقع فيها شيء شيك عليه وسو لها كبس وغير جلد مالها داعي تغيرها

[لبيب الحبيب]

شكرا لجميع الاخوان اللذين ادلوا باآرائهم في مشكلتي وبالنسبة للكفرات فهي جديدة غيرتها بعد الرجة ومانفع واخذت كفرات وجنوط جديدة من احد الشباب ومانفع وخرطت الهوبات ومانفع وانا الان متاكد انها العكوس وراح اغيرها ان شاء الله لكن بعدين راح اشيل السيارة فوق ظهري او اشتري لي سيارة دفع خلفي واريح راسي بلا عكوس بلا هم

[محبوب نوره]

المشاركة الأصلية كتبت بواسطة لبيب الحبيب

شكرا لجميع الاخوان اللذين ادلوا باآرائهم في مشكلتي وبالنسبة للكفرات فهي جديدة غيرتها بعد الرجة ومانفع واخذت كفرات وجنوط جديدة من احد الشباب ومانفع وخرطت الهوبات ومانفع وانا الان متاكد انها العكوس وراح اغيرها ان شاء الله لكن بعدين راح اشيل السيارة فوق ظهري او اشتري لي سيارة دفع خلفي واريح راسي بلا عكوس بلا هم

اخونا صباح الخير..

صباح المطر والخير...

جرب ان تجيبها الى الرياض عند الورش اللي في الصناعيه القديمه..
هناك فيه ورش متخصصه في مشاكل العكوس وحلها..

قبل تغير اي شئ..

وان شاء الله يفيدونك..

ولك تحيه احلا من جو الرياض اليوم..

[شيخ البانوراما]

.

هلا بك اخوي لبيب الحبيب

الحقيقه انا ما عندي خبره كبيره في مشاكل العكوس ولكن مثل ما قالوا الشباب ابحث عن شركة متخصصه في الدفع الامامي قبل لا تغير اي شئ ..

واذا كانت مسئلة عكوس فعلى حد علمي فيه شئ جوا العكوس يسمى جلد او شئ قيمته ارخص بكثير من العكوس ولكن الورش تقولك غير العكس لأنه اريح له وهو ماخذ فلوس تركيب ماخذ


بالتوفيق اخوي،،،

.

[من الخفجي]

اخوي لبيب على هالتغيرات ولا صار شي
وفي الاخير يقولولة العكوس
نصيحة بعد الخساير اللي صارت اذا الرجة تنبلع تحملها لين تتعب العكوس مرة
وتبدلها
هذا راي لوقف الخساير
اما اذا بتبدل كل شي مايعجبك بتتعب جربناها كثير
تحياتي

[كامري مجنونة]

الجنوط حقت بلدها ؟؟؟؟؟؟

[جنجووور]

السلام عليكم
بما أنكـ ساكن ببريده ،، مالك إلا ورشة ( القافلة ) احسن ورشة ببريده شغلهم نظييف 100 % وتمام
وأمينين حتى الزحمة كلها عندهم ،، لما يصير اي صوت لسيارتي على طوول أوديها لهناك والله أطلع وانا مرتاح من المشاكل ،، روح عندهم وكلم واحد اسمه ( أبو رمزي ) قوله عالسالفة وان شاء الله هو إلي رح يفيدك ويعطيج الجواب السليم والصح

مكان الورشة ( القصيم _ بريده_ صناعية السليم _ خلف ساعة الصفر _ اسمها : ورشة القافلة )

والله يوفقكـ ..