[أدري اني قمر]

عندما طلعت السياره جديده ذهبت فيها لمغسله وطبعا يوجد كتابه على القزاز الأمامي المهم جاب العيد اللي يغسل حك الكتابه بفرشه خشنه وطلع اثار الحك بشكل خفيف مره لكنه مزعج خاصة في الليل

هل يوجد حل في نظركم هل احد مر معاه مثل هالنوع من المشاكل تونا على الخرابيش والله
لكن قدر الله وماشاء فعل

طيب افكر اني اغرم صاحب المغسله ويغير القزاز على حسابه لكني متحسف اخاف ما يضبط


وش الشوووووووووووووور ياغالين

[لكزسو]

السلام عليكم
ما اتوقع اخي الحبيب ان هذي الخدوش من نفس القزاز لاكن يمكن باقي من اثار اللزق او الصمغ والعامل حكها فطلعت الخدوش انت جرب حط ملمع وان شاء الله تروح

[مبتكر]

الله يعينك ماامداك تشتري السيارة وتتهنا فيها ,, لكن قدر الله وماشاء فعل عساها يارب دفعة بلا عنك ..

[لكازس]

احمد ربك انا عندي القزازة كلها مشوخ ومين اللي مشخها؟؟؟
الوكالة " حسبي الله عليهم " لما كانت سيارتي في صيانة ال 10 الاف وكان اخر يوم دوام لهم قبل عيد الاضحى بيومين وللأسف ما انتبهت لها الا بالليل بعد ماسكروا
وسبب الخدوش ان العامل " الثور" اللي يغسل السيارات حك القزازة الامامية بليف الصحون علشان يزيل بقايا الحشرات اللي على القزازة وما يدري انه بدل مايكحلها اعماها !!!!!
وبعدها مريت اكثر من محل طبيب زجاج وقالوا مالها حل الا تغيير القزازة
وبيني وبينك ما اعتقد احد يقدر يضبط لك تركيب القزازة مثل بلدها
علشان كذا حاول تتأقلم معاها.........

[أدري اني قمر]

ههههههههههههه اتأقلم بيني وبينك انا متحمس اغرم المغسله واغيره بالوكاله بس احيانا اتردد تعرف القزاز معرض لطقة حصاة بأي وقت مدري وش الخيره فيه بس بصراحه مضايقني خصوصا بالليل

[لكزس_ظبياني]

الله يكون عونك والله

[علي الشــلاّحي]

اضربها بوليش خشن بعدين ناعم من شركة تلميع لها سمعتها

وماجاك بوجهي وانا اخوك ..

وادعييلي .. <*****< صارت فيه اكثر من مرة لأنه أكثر واحد مخرب للسيارات بالعالم

أخوكـ

علي الشلاحي ..

=============

انا قمت الاحظ ان زجاج الـES الأمامي حساس لدرجة قوية جدا ً

تأيدوني بهالشي ؟؟

[أدري اني قمر]

فعلا انا أيدك ناعم مره تقول عليه ماده سائله السياره كلها نعوووووووووووومه يبيلها استخدام ناعم بصراحه شغل الكرف وحرق النمر والمطارحات ماتنفع لهالسياره الأنيقه
على فكره لمعتها وكثرة الشخابيط صغيره مره الحين هي بالوكاله واعطيتهم العلم ومدري وش يسوون دخلتها مع صيانة الألف والله يسهل

[حسين - ابو علي]

انا صارت معي ، جت ضربة حصاة صغيرة كسرة الى الزجاجة الامامية ..
عاد فين..؟.. امام السائق مباشرة
السالفة كنت ماشئ في امان الله على الخط السريع واحد الله يهديه متجاوز برا الخط ما اشوف الا حصاة تضرب الزجاجة الصراحة الضربة قوية ، طبعاً ما فكرة انتي اغير الزجاجة لاني عارف ما راح تركب مثل الاصل
رحت لمحلات تصليح الزجاج وعملوا الى تلحيم مشان ما يزيد الكسر مع الحرارة وضغط الهواء
صار تقريباً موقعه صغير ما يبين بس انا اشوفه لانه امامي ولكن افضل من اني اغير الزجاجة

[>عزيزان<]

الله يعينكم

عيل لازم احاسب على سيارتي

[مـوال]

الحل بالمرفق وصلني صدفه عن طريق الايميل
اضغط هنا

[لكازس]

اخوي موال تأكد من المرفق
لانه لايعمل

[مـوال]

المشاركة الأصلية كتبت بواسطة لكازس

اخوي موال تأكد من المرفق
لانه لايعمل

رابط التحميل سليم يظهر لك بالاسفل بعد فتح الصفحه
اما المرفق فهو عبارة عن ملف WORD وبداخله ملف فديو امتداد WMV تمتع بالمشاهده (يوجد موسيقى)
* ملاحظة:لابد من توفر Microsoft Office بجهازك لتتمكن من فتح الملف الموجود داخل المجلد المضغوط Zip
لعيونكم تم اضافة رابط اخر هــنـــا لمشاهدة ملف الفديو مباشره ولتخفيف الضغط عن الرابط الأول.

[لكازس]

للأسف اخوي موال الرابط مايشتغل معاي
ارسلت لك رساله على الخاص ياليت تقراها

[مـوال]

المشاركة الأصلية كتبت بواسطة لكازس

للأسف اخوي موال الرابط مايشتغل معاي
ارسلت لك رساله على الخاص ياليت تقراها

رديت عليك اذا ماعليك كلافه بعد المباراة اليوم برسلها لك مباشره على الماسنجر

[لكازس]

معليش اخوي موال توني اقرأ الرساله
بس شيكت على الايميل ماحصلت شيء
وكمان على النسنجر ما حصلت طلب اضافة
انتظر ردك