[الغزال الجريح]

السلام عليكم ورحمة الله وبركاته

شبآب آليوم لاحظت مشكلتين قويه

آلآولى ان يوم ادق ريوس وارجع وادوس فرامل

يطلع صوت مثل طق افك وادوس مره ثانيه يطلع صوت طق

ويستمر الصوت كلما فكيت ودقيت فرامل بالريوس بس

واذا على الدي مايطلع الصوت لو ادوس ميه مره هل هذا العيب موجود عندكم

واتوقع انه صوت الاقمشه حق السياره

وبعد لا انسا وانا بجي اركب العلامات حق التويوتا بالجنوط

لاحظت جنط صامولته مصديه <*****<***** والله مصديه

ثآني مشكله

يوم آجي بمطب آوشي زي كذآ آسمع صوت مآآدري آلمسآعدآت مآآدري آلذرآع صوت مثل طق

مو كل مره امر بمطب يسوي كذا بس يسوي كذا ببعض المطبات...

آتمنىآ آلرد عشآن آذآ كآنت عيوب بكره آوديهآ آلوكآله

تقبلوآ تحيآتي ,,,

[سراب كامري]

اخوي الغزال الجريح
هلا فيك كيف امسيت
الله يبارك لك في سيارتك ويعطيك خيرها ويكفيك شرها

بالنسبة للصوت اللي في القير هذا طبيعى مع القير الاوتو وشفتها في اكثر من سيارة

بالنسبة للصامولة المصدية ماعندي علم روح الوكالة

اما المطبات فهو طبيعى انه يطلع صوت مع المطبات لانها سيارة رياضية والكامري حقيقة ومن تجربة ماهي مريحة على المطبات يعني ماهي بي ام ولا شبح

[عاشـــق اللاند]

طال عمرك بالنسبه لصوت الطقه على الريوس صراحه اول مره اسمع فيها دخلها الفحص على الضمان

والله يعينك على الصيانه

بالنسبه للصاموله المصديه ودها الوكاله يبدلونها لك

والصوت بالمطبات لان موترك se مساعداته رياضيه

[أبو رحيل]

الغزال الجريح
فعلا هذا عيب في الكامري من موديل 2000وانا ملاحظ هذا الشيء

[بلاك أوريون]

السلام عليكم ورحمة الله وبركاته

أول شي مبارك على السيارة والله يعطيك خيرها ويكفيك شرها

إذا تبي نصيحتي روح للوكالة ولا تروح للموظفين .. قابل أحد المهندسين في فرع تويوتا اللي اشتريت منه السيارة

وقوله على المشاكل اللي عندك ،، العادة ما يستجيبون لطلبك ويقول لك "هذا الصوت طبيعي من المصنع" إذا سمعت هذي الجملة أطلب مقابلة مدير الصيانة براسه

صدقني تشوف أنواع الاحترام ، ومعليش ، وأبشر ، ولا يهمك ، تحت أمرك ....... إلخ !!

والله اني كنت أعقب عليهم في إصلاح السيارة من المقدمة وداااافع فلوووووس ماهو ببلاش
عشان التصليح ،، ومريت عليهم اليوم الثاني وقلت أبغى أشوف السيارة ؛ قال : طب معليش السيارة ما خلصتش ..
قلت : أنا عاوز أشوفها واطمئن على صحتها ممكن واللا ممنوع ؟؟ قال : يعني ما نئدرش نوريك هيه .
قلت طيب أبغى أقابل مدير الصيانة .. قال : ليش ؟؟ قلت أبغى أسلم عليه ، قال : طب مش مشكلة
نوريك السيارة وبعدها تفضل للمدير

وأشوف السيارة ما صلحوا فيها غير الشمعة اليمنى وهي تقريباً القطعة الوحيدة اللي تضررت وليت غيروها سمكرة بس

وأشوف بدال المسامير اللي تربط هيكل الشمعات بالبودي أسيام عشان المسمار ما ضبط معهم .

والتفت عليه وهو يتشنج ،، والهياط اللي كنت أسمعه انقطع .

قلت له تصدق !! قال : إيه ؟؟!! قلت : المدير واحشني أبغى أسلم عليه

قال : والله متأسفين معليش تحت أمرك حتتصلح وحأحاسب المتسبب في الحاجة دي ..

المهم ما لكم بالطويلة .... جيت بعد يومين وهو مغير الشمعتين الأمامية لأن الزنون القديم لازم يتغير حتى لا يبقى النور واحد أصفر والثاني أزرق "يعني ممرن والثاني غير ممرن"

مختصر الكلام ... روح يا ولد للشركة ،، وأطلب بديل إذا ما تصلح الخلل الي في السيارة
انت منت الوحيد اللي اشترى كامري رياضية ،، أعرف كثيرين معهم السيارة ولا فيها شي من اللي قلته
حتى المطب إذا صوت الطقة جامد يعني صوت حديد هذا خلل100% أما إذا خفيف يمكن الياي رياضي منت متعود عليه وإذا رفضوا الاستبدال أو الاصلاح .. عليك بمدير الصيانة ترى صلاحياته أقوى من صلاحيات مدير الفرع .

والعذر على الاطالة

[ي س م]

هلا فيك اخوي والله يبارك لك في حلالك

وبالنسبة لصوت القير وانت راجع ريوس

هذا عندي وكلمتهم علي قالوا لي هذا عادي مع القير الاوتو

وسألت واحد من معارفنا شغال مهندس استقبال بالصيانه

قالي الكلام صحيح وانه شيء عادي ولا تخاف

وبالنسبة للصاموله وديها لهم وهم يغيرونها

والصوت اللي بالمطب اذا كان فعلا قوي روح للوكالة وخليهم يشيكون عليها

وان شاء الله مايكون شي جامد

والله يساعدك ويبارك لك

[ياسر الكاسر]

الطقه الي باقير هذا شي عادي حتى انا عندي

[قليل الدسم]

يا شباب وش فيكم ما تعرفون تقرون يقلكم الطقه صوتها تطلع يوم يدوس فرامل ما قلكم ان الصوت طالع من القير
الله يعينك وانت كذا خوفتني لأني بطلع السياره بعد كم يوم
تحياتي

[ل ك س]

راح اتكلم عن صوت القير بالنسبة لهذا الصوت هذا عادي جداً لأنه موجود عندي في اكورد 2007 .

ومبروووووووووك السيارة مقدماً الله يعطيك من خيرها ويكفيك شرها .

[كمر اركب ياقمر]

الله يعيــــــنك .. .. ..

[العــــمدة]

والله ياخوي صوت القير مو طبيعي انا معاي اوتو ومافيه اي صوت روح للوكاله وطير فيهم

[ل ك س]

إذا كان فيه صوت في الفرامل صوت طقة قوية فهذا نظام Abs وهذا اللي يصير معاي وعلى فكرة هذا طبيعي طبعاً ماعندي خلفية بمواصفات الكامري لكن Abs اربع إلى خمس طقات حتى تقوف السيارة بشكل رهيب اثناء السرعات العالية .

تحياتي ،،،

[راعى فله]

الطقه الي باقير هذا شي عادي حتى انا عندي

[الساعي للجنة]

المشاركة الأصلية كتبت بواسطة الغزال الجريح

ثآني مشكله

يوم آجي بمطب آوشي زي كذآ آسمع صوت مآآدري آلمسآعدآت مآآدري آلذرآع صوت مثل طق

مو كل مره امر بمطب يسوي كذا بس يسوي كذا ببعض المطبات...

نفس الكلام عندي بالضبط مأدري وش السالفه

[عبدالعظيم]

نفس الكلام عندي في السيارة ورحت للوكالة وقال مهندس سعودي شي عادي ، وطنشت ، ولاعاد سألت من يومها ،،،،

[عبدالله سيف]

انا عندي نفس الشي camry 2008 GLX اوتوماتيك