[قصه مكتوبه]

السلام عليكم
اخواني انا حاليا الكامري اللي عندي فيها كاسيت بس
وانا ابي اركب سيدي مع الاحتفاظ بالكاسيت .
هل فيه نوع معين يركب على الكامري ويكون فيه سيدي وكاسيت ويقبل ام بي ثري طبعا
تقريبا مثل مسجلات الفورد اللي تجي كاسيت وسيدي
واذا مافيه وركب سيدي لحاله مع الكاسيت هل رايح يختلف نظام التشغيل ؟ يصير مثلا السماعات اللي قدام للكاسيت واللي ورى للسي دي ولا عادي يركبونها وتشتغل على كل السماعات ؟

[فارس الرياض]

ياعزيزي فيه مشغلات سيدي تركب تحت المسجل وشكلها مقبول جدا _ وفيه انواع بس احسنها سوني ويجي mp3 وأما بالنسبه للسماعات فلفني راح يخلي السماعات الأربع راح تشتغل جميع بس لجهاز واحد اما المسجل _ او السيدي

[عاشـــق اللاند]

طال عمرك مافيه سيدي مع كاسيت الحل انك تركب سيدي من محلات المسجلات بس احرص على ان تكون نوعيه السيدي زينه ويكون تركيبه بدون تقطيع وايرات وبالنسبه للنظام ماراح يتختلف راح يشبكون لك السماعات كلها لسيدي ولكاسيت مجربها على الاند (سابقا) وشغاله ولا له تأثير والحمدلله

[الشمااااالي]

المشاركة الأصلية كتبت بواسطة فارس الرياض

ياعزيزي فيه مشغلات سيدي تركب تحت المسجل وشكلها مقبول جدا _ وفيه انواع بس احسنها سوني ويجي mp3

السوني أنا ركبته فترة وفكيته لأن عيبه أن شاشته لونها أزرق مرة ويجهر العين وخاصة بالليل إذا الشارع مافيه لمبات
خذ جي في سي ممتاز وشاشته لونها أبيض وأخف من لون السوني
أو فك مسجل الوكالة وركب مسجل وسيدي جي في سي والسيدي حقه يدعم صيغتي WMA و MP3
... تحياتي ...

[قصه مكتوبه]

الله يعطيكم العافيه جميعا

اخوي الشمالي وين احصله الجي في سي اللي فيه كاسيت وسيدي
خذ راحتك بالوصف ان بغيته بالرياض ولا الدمام ولاهنت السعر بعد
وهل مقاسه يركب بدون اي زوايد ثانيه ؟

[فارس الرياض]

انا جربت السوني لأن فيه ممتص الصدمات يعني فجائه لا قدر الله طحت في مطب ما راح يقطع معك

والحق يقال اني اشغل السيدي وهو راح فيها والمشغل يقراء كل الأنواع بس كما ذكرت لونه يوجد لونين اما ازرق او احمر

[عاشـــق اللاند]

السوني لايعلى عليه والجيفيسي ممتاز انا كنت مركبه على الاند كروز ولكن يقطع على المطبات وبالنسبه للكاسيت والسيدي مانصحك خل الكاسيت وركب لك سيدي

[الشمااااالي]

والله لاقطع معي ولا هم يحزنون
وبالنسبة للمحلات:
بالرياض عندك الغرابي ( محلات الصوتيات)
والدمام عندك محل رد كاب على طريق الملك فهد ( أعتقد أسمه أبن خلدون سابقا )
وبالنسبة للزوايد يحتاج قطعتين لونهن سود نفس لون السيدي تحصلهن عند نفس المحل ويركبن يمين ويسار أما فوق وتحت مايحتاج إذا مقاس مسجلك نفس الكامري مقاس مسجل الـ 2006

[ابورزان]

السعربالضبط كم

[كامري مجنونة]

حط مسجل حق كامري 2004 الخليجي

هو JVC ونفس شكل إلي بالأسواق بس صناعته تايلندية ويشغل كل الصيغات

إلي في الأسواق ماليزي ويشغل صيغتين بس وماتقدر تشبك في شاشات

حق الكامري الخليجي مايجي إلا طلبية وقيمته 1700

وإلي في الأسواق الماليزي بـ 700

حق الكامري الخليجي يجي نفس الشكل هذا



بس لون فضي ومافي غيره

وفي ماليزي فضي

لكن التايلندي مافي غير الفضي مافي أسود

والله يوفقك

[عويــد]

يالطيب يستوي تركب مسجل سيدي مكان الفراغ اللي تحت مسجل الكاسيت ويشتغل على كل السماعات مثل الوكالة والمسجل انت تختاره مثل ماتبا ام بي ثري ولا دي في دي ,,, بس اذا دي في دي يباله تركب شاشة العملية بسيطة

وما تكلفك الا تقريبا 350 درهم اماراتي او ريال سعودي تقريبا مافي فرق

[@$ابوخالد$@]

ركب سي دي شنطه افضلك وارخصلك ياخذ12سي ديويشغلMP3وتتحكم فيه من عندك ومعاه ريموت اعرف واحد مركبه صارله سنتين مافيها اي مشاكل ونوعهJVCوسعره تقريبا بين ال600و800 ماني متاكد

[قصه مكتوبه]

المشاركة الأصلية كتبت بواسطة @$ابوخالد$@

ركب سي دي شنطه افضلك وارخصلك ياخذ12سي ديويشغلMP3وتتحكم فيه من عندك ومعاه ريموت اعرف واحد مركبه صارله سنتين مافيها اي مشاكل ونوعهJVCوسعره تقريبا بين ال600و800 ماني متاكد

طيب وشو افضل نوع وكم سعره ووين مكانه بالضبط لو تكرمت اذا كان موجود في الدمام او الظهران او الخبر ؟

[قليل الدسم]

انا كنت مركب سوني ويركب تحت الكسيت له ثلاث سنوات معي ولا في احسن منه لا يقطع ولا شي ويشغل mp3 وقيمته رخيصه
بس مشكلته في الاضائه قوي يعني تروح في سفر الله يعينك تحس انه كبس في وجهك