| تجمع كبير قادم لأصحاب ( Camry ) لا تقولون ما درينا .
بسم الله الرحمن الرحيم
يالله ان تحييهم كلهم ، بدءاً بمشرفين فأعضاء فزوار منتدى تويوتا العربية .
بإذن الواحد الواحد سيقام تجمع يوم االخميس القادم بتاريخ 25/3/1428 هـ ( الموعد كان بيكون يوم الأربعا لكن نظراً لتعارضه مع مباراة الهلال سيتم التجمع يوم الخميس إن شاء الله )
وانا ما نسقت مع احد ولا قلت لأحد عن هالتجمع لكن قرأت موضوع الأخ
بروووك - الله يجزاه كل خير - الي تعب في التنسيق والتصوير لكن النتجية كانت محبطة نوعا ماً نظراً لأن عدد الي حضروا كان 5 فقط ! احب اقترح عليكم بعاض الاماكن الي ممكن نجتمع فيها
1- شارع الضباب ( الي يتقاطع مع طريق الملك عبد العزيز )
2- في نهاية طريق ابو بكر ( بجانب مجمع الامير سلطان )
::
لكن بالتجمع القادم ان شاء الله تعالى نبي العدد يوصل ل 20 او 30 سيارة فأعلى ، وانا متأكد ان اعضاء وزوار المنتدى ما راح يرفضون الدعوة ، والي خايف من القسايم او المخالفات يحط ببطنه بطيخة صيفي ( كل قسايمكم علي ) ههههه  -- شكله هو او واحد يبي ياخذ قسيمة .
::
انا آمل ان يوم االخميس مناسب للجميع وبإذن الله يكون تجمع كبير وطيب بحضور الطيبين مثلكم وشرواكم ، بانسبة
والي يبي يحضر التجمع ياليت يتفضل ويكتب رد بالموضوع بنوع السيارة ولونها وبإذن الله ما راح نغادر التجمع الا بعد حضور الجميييع وأخذ صور معهم .
ومن ناحية الصور تطمنوا واحد من العيال عنده كاميرا احترافية جداً وله خبرة بالتصوير واخذ الصور الاحترافية وان شاء الله راح يحضر الاجتماع وما راح يقصر معنا .
بعد الأخذ والحوار مع الاعضاء ، تم تحديد مكان وتوقيت الإجتماع:
المكان: نهاية شارع ابو بكر بجانب مجمع الأمير سلطان التوقيت: يوم الخميس القادم الساعة 4 عصراً
تقبلوا تحياتي والى اللقاء يوم الخميس ان شاء الله تعالى
السيارة: كامري 2007 GLX اللون: ابيض 
التعديل الأخير تم بواسطة : صلاح الطبراني بتاريخ 03-27-2008 الساعة 04:08 PM.
| 
