[ابرااهيم]

كما هو ضح واسيارتي كامري 2005 لها 3 سنين معي وأسمع صوتين فيها والوكاله يقولون عيب مصنعي ما يأثر على السياره بأي حال
الصوت الأول طقه تجي خاصه مع الفرامل وأحسها من الخلف الوكاله تقول انه فراغ بالمقصات للكامري الأتوماتيك وإن الوضع عاااادي
الصوت الثاني اسمعه بالمكيف فترات زي الصفيره الغريبه صوت يضحك موسيقي ولما أروح الوكاله مايجي الصوت الملعون كنه عارف اني في الوكاله وفحصت السياره قالوا سيارتك مافيها الا العافيه قولوا ماشاء الله لاتنسون
ايش رايكم

[ابرااهيم]

فيه طلب ثاني قبل 6 أشهر كسروا الحراميه المثلث الي ورا وسرقوا أشياء بسيطه لاتذكر بطاريه بوري ولكن الشي الي قاهرني سرقوا علبة السي ديات الي في الشنطه وهو غالي بالوكاله ولاعندي ثقه بالمحلات الي تعرض علبة السي ديات
الي عنده هالعلبة أو عنده نصيحه تكفون مليت من الكاسيت بعد ماتعودت على السي دي

[المجمعة]

السلام عليكم اناعندي نفس المشكلة في الصوت مع الفرامل دقه خفيفة في الخلف
ونفس صوت المكيف لكن رحت لكهربائي قال طبيعي مافيه شيء.

[نورس القلب]

انا معي 2005 وعندي الدقة الخفيفه مع الفرامل

واحيانا اسمع هالدقة اذا حولت من R الى N او D

واحيانا العكسس بس احسه عااديه ماهي مشكلة

[مصرقع الشرقية]

واللة الصوت هذا الطقة قديم وكان في سيارتي بس بعد ما عديت 77000 كيلو

اختفى الصوت والصوت الثاني الي قصدك علية على ما اعتقد صوت زي خرير الماء

يطلع اذا شغلت السيارة او اذا جيت بتوقف المهم هذي الاصوات راحت من نفسها

واذا كان على علبة السيدي واللة ما عندي علم فيها لكن في حركة صاروا الشباب

كلهم يسونها هي الام بي 3 مدري اذا عندك علم عليها لكن تروح عند اي محل

كمبيوتر وتقولة ابي ام بي 3 سيارة وفلاش مومري بيكلفك كلة 100 ويجي معة ريموت

القطعة تركبها بطفاية السيارة وتحط محطة معينة بالراديو الاف ام بس قبل لا زم

تركب الاغاني بالفلاش ولا زم تكون ام بي 3 واي اغنية جديدة تنزلها على طول

ومولازم تشتري كل اشوي سيدي ولا كسيت تعبي السيارة انشاء اللة اكون افدتك

واي سؤال بحاول ارد عليك باسرع وقت

[ابرااهيم]

مشكوووووورين ماقصرتوا وهذا العشم

[كامري مجنونة]

الطقة عادية مافيها مشكلهـ

وبالنسبة للمكيف علمي علمك

مدري عنها ولاعمري سمعتها

[الكامري الاخضر]

انا عندي نفس الطقة يا جماعة - و باسمعها لما ارجع للخلف (ريوس) واضغط فرامل - هل عند احدكم تفسير لها - واذا كان امرها عادي و ما فيها مشكلة فهل عند احد علم من اين مصدرها ؟؟؟ الرجاء المساعدة

[غـيـر الـنـاس]

المشاركة الأصلية كتبت بواسطة الكامري الاخضر

انا عندي نفس الطقة يا جماعة - و باسمعها لما ارجع للخلف (ريوس) واضغط فرامل - هل عند احدكم تفسير لها - واذا كان امرها عادي و ما فيها مشكلة فهل عند احد علم من اين مصدرها ؟؟؟ الرجاء المساعدة

نفس الصوت الي عندي وهذا من اول ماطلعتها من الوكاله

بس مو دايم يجي احياناً