[حمد القناعي]

السلام عليكم ورحمة الله وبركاته ..
أنا عضو جديد في هالمنتدى الطيب .. وبصراحة تصفحته وأعجبتني اقسامه ومواضيعه ..

واليوم جايكم أستشيركم بعد ما رحت وسجلت أسمي في الوكالة ( الساير ) ..
ولكن للحيــــن محتار بين لونيـــن ..

أبيض لؤلؤي أم أسود ملكي ..

أحس أن الأبيض أحلى في البر .. ولكن الأسود أفخم على الشارع ..
خاصتا بعد تضليل الجام ..

وبانتظار ردودكم وارائكم ..

شكرا ..

[حمد القناعي]

علما بأنه Vx ولكن شبك ذهبي وكتابة ذهبية وخطوط .. كأنه Vx.r
وشكرا..

[اسـتـرجـاعـهـا]

السلام عليكم==
الأسود ثم الأسود ثم الأسود==
ادري الؤلؤي عجيب لكن ملينا منه!!
حتى لو يتوسخ الأسود بسرعة تبقى هيبته!!
فكرمعي كم واحد عنده لؤلؤي!!اكثر الناس==
خذ اسود وانت مرتاح تراه رزة وفخم!!
مبروك مقدما==
x_تحياتي_x

[عبدالعزيز السيد]

الابيض اللؤلؤي
وبس
من ناحية الغسيل والدعمات وبرودة الموتر

[حمد القناعي]

هههههه .. والله يا استرجاعها أني واثق برأيك .. خصوصا بعد ما شفت مواضيعك وتألقك بهالمنتدى ..
والله وحيرتي زااادت .. الله يكتب الي فيه الخيــــر ..

ننتظر ردود باقي الاعضاء .. ولا هنت على ردك ..

[حمد القناعي]

عزيزي عبدالعزيز السيد .. والله احييك على ذوووقك الرفيــع ..
والله حتى أنا شايف ان الؤلؤي عملي أكثر ..
لكن ما تحس ان الاسود افخم شوي ؟! .. خصوصا اذا الجامات تضللت أسود بالكامل ؟! ..

وشكرا على ردك واهتمامك ..

[داحس]

على حسب انت وشهوله شاريه حق بر ومشاوير بريه وسفرات للصمان
اخذ ابيض اما اذا ديره وكشخه اشوف الاسود زين

[اسـتـرجـاعـهـا]

المشاركة الأصلية كتبت بواسطة حمد القناعي

هههههه .. والله يا استرجاعها أني واثق برأيك .. خصوصا بعد ما شفت مواضيعك وتألقك بهالمنتدى ..
والله وحيرتي زااادت .. الله يكتب الي فيه الخيــــر ..

ننتظر ردود باقي الاعضاء .. ولا هنت على ردك ..

تسلم يالذيب خذ اسود وحط عازل حراري جونسون 80% وبوالين وموضوعك خالص!!!!

[حمد القناعي]

كلام منطقي يا داحس ..
أشكرك على تفاعلك واهتمامك ..
والله لا يهينك ..

[ولدالدوحه]

اذاماعندك مشكلة تغسل السيارة كل يوم خذ الأسود . وبالتوفيق انشالله .

[حمد القناعي]

استرجاعها .. انت خلصت موضوعي بسررررعه .. ههههههههه ..
والله لو بيدي كان أخذت الأثنين .. والله أول مره أحتار هالحيرة ..
يعني بالضبط الأثنين عاجبيني مثل بعض !!! ..

[عبدالعزيز السيد]

المشاركة الأصلية كتبت بواسطة حمد القناعي

عزيزي عبدالعزيز السيد .. والله احييك على ذوووقك الرفيــع ..
والله حتى أنا شايف ان الؤلؤي عملي أكثر ..
لكن ما تحس ان الاسود افخم شوي ؟! .. خصوصا اذا الجامات تضللت أسود بالكامل ؟! ..

وشكرا على ردك واهتمامك ..

اولا: لا شكر على واجب
اللون الاسود تبين فيه الشموخ
لكن الابيض عكس ذلك
مثال بسيط
البس ثوب اسود وثوب ابيض
سوف تلاحظ الفرق
اللون الابيض يعكس الحرارة ام اللون الاسود فالعكس
اللون اللؤلؤي مطلوب في البيعة وما عليه خوف
مع عدة سنوات سوف يصبح اللون الاسود عتيق
واللون الابيض يكبر الموتر ويجعله كبير بعكس اللون الاسود
واخيرا
لا تنسى اللون الابيض مطلوب في البيعة
والله يبعد عنك الحوادث
اذا وديت الموتر للتامين يلزمونك بان تصلح في كراج معين والله يعينك على الصبغة
وحتى في الغسيل
اللون الاسود مرتين في الاسبوع وتدفع 5 دينار للغسلتين
اما
اللون الابيض كل اسبوعين وتدفع 2 دينار للغسيل
يعني وفرت 150% من سعر الغسيل

[حمد القناعي]

ولد الدوحه ، أشكرك عالرد ..
والله فخامة الأسود حتى مع الغبار حلوه .. والغسيل سهل

أما الؤلؤي .. فهو نظرة !! .. وعملي أكثر ولا يحتاج لذاك الزود من العناية !! ..

[حمد القناعي]

عبدالعزيز السيد .. والله افادني ردك وأقنعني ..
( طبعا الله يبعدنا وياكم عن الحوادث وعن كل مكروه ) ..

لكن صدقت بالنسبة للصبغ وبالنسبة لوقت البيعة .. له من يرغبه بكل زمان ومكان الؤلؤي ..
وأنا بصراحة ناوي أشتريه وبعد سنتين ولا ثلاث ابيع ..

الله لا يهينك .. وجزاك الله خير ..

[عبدالعزيز السيد]

المشاركة الأصلية كتبت بواسطة حمد القناعي

عبدالعزيز السيد .. والله افادني ردك وأقنعني ..
( طبعا الله يبعدنا وياكم عن الحوادث وعن كل مكروه ) ..

لكن صدقت بالنسبة للصبغ وبالنسبة لوقت البيعة .. له من يرغبه بكل زمان ومكان الؤلؤي ..
وأنا بصراحة ناوي أشتريه وبعد سنتين ولا ثلاث ابيع ..

الله لا يهينك .. وجزاك الله خير ..

حاضريين لك يا الغالي
وبصراحة من واقع تجربة
عندنا في قطر اللي ماشي الكروزر اللون اللؤلؤي
وينباع بسرعة في وقت البيعة

[المرتجز]

السلام عليكم .....

اخوي حمد اول شي انصحك انك اتصلى صلاة الاستخاره او بعدين قرر

انا اشوف لؤلؤى او اقطع .



ودمتم سالمين