مريت بنفس مشكلتك وربي يسر لي 430 ولله الحمد مرتاح عليها ياخي ترى الفرق شاسع يكفي حجم السيارة ويكفي انها دفع خلفي ولاسمح الله لو قالت الظروف تلقاها شيك بيدك
صراحة انا كاني عندي نفس التردد اخي ولين ما حددت لكن راعي الوكالة قالي في التلفون ان الفرق شايع بينهم اي اس فيها اكيد صوت حنة ستة سلندر ام ال اس 430 فانسي كانك راكب طيارة مثل فهد الشربتلي ولا بعد طائرة علي الخطوط السعودية بوينج راحة ما بعدها راحة انا مجرب ال اس 400 موديل 99 صراحة شو اقولك تتخبل يوم تركب الموتر هذا مع انه مستعمل ومكروف ابو خامسة ماشي حوالي 200 الف تحس يوم تسوق اللكزس كانك راكب طيارة ومريح جسمك او كانك في مسندح علي سرير في فندق الهلتون او انتر كونتتل
ياخي لكزس ال اس عالم من الرفاهية من غير حدود واسئل مجرب ولا تسئل طبيب ما عندي خبرة صراحة في اي اس بس يقولون انه مريحة في المطبات والخ
انا شكلي بجمع كم قرش وباخذ انشاء لكزس ال اس 430 موديل 2005 او 2006 ابيض من داخل بيج واللكزس ما يضرها المشي ابدا لاني اشوف وايد سيارت موديل 92 و91 وايد في شورعنا ولا بعد زلمات اخبرك وانا عويني راكب كامري اربع سلندر خخخخ
والله يا ابن الحلال انا كنت محتار مثلك بس كان قدامي اختارين كنت بين 430ال اس موديل 2004 لؤلؤي من داخل بيج & وبين 300جي اس موديل 2005 ثلجي من داخل اسود كلها اصحابها يمدحوها ومحافضين على صيانتها في الوكالة ولو اني كنت منحاز للجي اس اكثر لان شكلها شبابي اكثر ورياضي وغير كذا ما زال الشكل جديد
لاكن هذا ما يعيب ال430 لان حتى ال460 تعتبر نوع جديد وليس امتداد لل430 كموديل جديد
وتفرق اذا كنت من اصحاب الاوزان الثقيلة فيلزمك سيارة كبيرة لانك بتضايق
انا استخرت الله وربي صخر لي ال430 في البداية كنت مو حاببها احس انها فخمة اكثر من اللازم<وجه فقر
لا من جد كبيييييييرة حيل فرق بين سواقتها وبين الجي اس
لاكن من تالي كل اصحابي موقفين سيارتاتهم ومتحاشرين عندي لووووووووووول ومشغلين المساج الي بالخلف
اما الاي اس قريت بالمنتدى ان في بعضها مشاكل و صوت هواء وطقة في القير
اخوي معليش نسيت اقولك شي قبل يومين اقرء تقرير في هالمنتدى الرائع وكان الفرق بين ال430 الامريكية والسعودية
ووضحلي انه مافي فرق يذكر غير تغيير الاديترات والمراوح الموجودة بالامريكية بالقطع الخليجية ومو دائماً تحتاج لهالشي
مع اني على وقتي ما كنت ادري
وكثييييير من الناس عيبو لي في الامريكية مع انها فخمة ونضيفة وممشاها قليل وسعرها رخيص بس قالولي لاخربت عليك الامريكية تتورط فيها ولا تركب عليها قطع الغيار الخليجية
بس انا ببسطلك المقارنة بين الأمريكية والخليجية في نقطتين
1*السعودية تقدر تشييك على السيارة قبل تشتريها من اي فرع لكزس بالمملكة عن طريق رقم لوحة السيارة أو رقم الشاصيه اذا كان مواضب على الصيانة او لا واذا جاتها حوادث او لا او حتى اذا اشترى قطع غيار وما سواها عند الوكالة أما الامريكية فتقدر تستفسر عن طريق الانترنت فقط اذا كانت السيارة تعرضت لحوادث سير عن طريق موقع حوادث السير الامريكية على ما اعتقد
2*اللكزس السعودية بالنسبة للشكل الاخير وهو يبدأ من 2004 الى 2006 فبيكون كل ما كان الموديل اقدم وكانت السيارة نظيفة كل ما قل السعر يعني 2004 اذا ما كانت لؤلؤي وهلوز من داخل في حدود 130.000-140.000 حسب النظافة والممشى (ما لها اي اعتبار في السعر تشيكات صاحبها في الوكالة) , أما الامريكية فتقريباً نص السعر في حدود 70.000 واذا لك نية في امريكية انا شفت وحدة بالمعارض كنت بموت عليها بس ما ردني عنها غير انها امريكية ولونها عاجي2004- 2005.
اما بالنسبة للاي اس هي حلوة البانوراما الي طلعت منها ولو انها موضة بالنسبة لي انا احس ان السقف نقطة ضعف السيارة في حالة لاقدر الله حادث او شي اتوقع اول شي يتهشم وتنكمش السيارة وكنت ادور على اي اس فل كامل
موديل 2007 بس المشكلة كنت ابغا ابيض ونضيف ومواضب على تشيكاته في الوكالة ما حصلت الا قليل وغالين
مشاركة: ابي رايكم ياشباب في 430 , 350 
