[ابو شقرا]

اولا .. السلام عليكم ورحمة الله وبركاته




اول شي .. انا صحيح عضو جديد وهذي اول مشاركة .. لكن انا عضو قديم من حيث المتابعه لهذا المنتدى الكبير في صرحه واعضاءه المتميزين .. لو ما عرفت هالمنتدى كان ما عرفت مواصفات الكزس
طبعا انتو شوقتوني حق شي اسمه لكزس اكثر من السابق وعطيتوني ثقة بأن الكزس تستاهل كل ريال او دينار او درهم ندفع لها





ندخل بالموضوع

انا قريبا او خلال 10 ايام راح احط اختياري على سيارة من هالسيارتين او الثلاث سيارات

ES بانوراما
GS
iS

طبعا انا اشوف بأن ES هي اقرب سيارة لقلبي

طبعا انا بحط لكم المميزات الي انا حابها

عاد انتو قولوا لي شنو السيارة الي تناسب اختياري من المميزات

1- افضل السيارة تكون عائليه وومن الداخل واسعه ومريحة جدا في السواقة
2- احب اسوق السيارة من غير لا اسمع صوت الهواء (تنسيم الهوا)
3- انا الكل يقول عني راكد في السواقة .. ما احب شي اسمه سرعه .. اقصى سرعه لي يومي هذا 130
4- طبعا انا يهمني ان السيارة تكون كاملة المواصفات بشرط تكون مريحة وفخمة من الداخل والخارج واهم شي تكون (واسعه) مش ضيقة !!
5- ما رأيكم في ES من ناحية فخامتها ومميزاتها الميكانيكيه او التكنلوجيه وهل هي تفرق عن GS من ناحية المواصفات الميكانيكيه او التكنلوجيه ؟



مع العلم انا بين ايدي 16 الف دينار .. يعني 220 الف ريال سعودي

ارائكم



اتمنى من الكل يدخل ويرد .. اذا انا ما استفدت .. اكيد غيري من محبي هذي السيارات راح يستفيدون

بأمس الحاجة لـ ردودكم

[(غير مسجل)]

اول شيء، حياك الله اخوي و ان شاء الله نشوفك عن قريب في هذا المنتدى او اي منتدى آخر...

بالنسبة لاسئلتك:
1- لا يوجد شىء اسمه (افضل)... لكن، حسب الميزانية الي ذكرتها، انسب سيارتين لك هم الـ Es350 والـ Gs300... الـ Es350 مريحة و ناعمة جدا.... الـ Gs300 اضيق شوي (خصوصا للركاب بالخلف) و نظام التعليق فيها يابس شوي لانه تعليق رياضي...

2- في ناس تشتكي من صوت الهواء، وفي ناس ما تشتكي... انصحك، تاخذ موعد مع الساير لتجرب السيارة وانت الحكم...

3- شيء جميل انك ما تسرع... على فكرة، الـ Es350 قوية جدا (انا اتكلم عن قوة المحرك)...

4- ما شاء الله، السيارة كامله والكامل الله عز وجل... و اتوقع انك عارف المواصفات زين...

5- السيارة ما عليها كلام... المواصفات ما شاء الله... الـ Gs تتفوق على الـ Es في انظمة التعليق كون انها رياضية... غير ذلك، ما في فرق تقريبا... التكنلوجيا واحدة تقريبا...

اي سؤال انا حاضر

[احب لكزس]

السلام عليكم ورحمة الله و بركاته

من واقع وصفك لسيارتك المستقبلية
واضح جدا ان الes هي الاختيار الافضل لك بس في شغلة لازم تركز عليها
وهي ان مافي سياره كاملة . لازم يكون هناك بعض العيوب فلا تكون حساس مره و عط السياره فرصة طويلة

و الف مبروك مقدما

[ابو شقرا]

عدل كلامكم

صحيح كلامكم .. لا يوجد شي اسمه افضل او شي كامل

لكن الي متحمس حق شي .. ويبي يشتري شي .. اكيد يطمح لـ الافضل والشي الكامل .. الكامل الله سبحانه

عموما

انا مقبل على الزواج .. وقلت لازم اشتري لي سيارة يديدة قبل زواجي بشهرين

وحبيت اضع اختياري واشوف ارائكم وذوقكم بالسيارة الي تستاهل من الثلاث سيارات

Es
انا شفت كذا صورة لها من الداخل لكن بدون شاشه (نافيقيتور) .. هل الفئة هذي من غير شاشه ؟

[(غير مسجل)]

نفس حالتي بالضبط... الزواج قريب ان شاء الله و فكرت بنظرة مستقبلية والحمد لله غير متحسف...

السيارة تتوفر بشاشة و بدون شاشة... انصحك مع الشاشة بدون تفكير!!

[ابو شقرا]

ممتاز والله .. صدفة لووولز

زين اخوي .. توني اعرف ان عندك نفس سيارتي المستقبليه

ابي رايك من ناحية السواقة (القيادة) .. اذا السرعه كانت 120 تسمع صوت الهوا الي برا

والشي الثاني .. بالقيادة مريحة وناعمه !! .. فيها مكيف (حار \ بارد) داخل الكشن (المقاعد) ؟

[ابي رايكم]

يا جماعة الخير انا شريت السياراة عن قناعة فيها صوت ولا مافيها الاهم انها لكزس وبعدين صل الاستخارة واتوكل على الله السيارة ما عليها كلام الحمد الله ماشيه الان معي 3700كليو مع اني سافرت عليها الدمام وما عليها كلام بس المشكله طلعت عندي مشكله وحده اسمع وصوت الفحمات لا اكثر وهذا الشي راح انشب للوكاله انها تشيك على الفحمات ولا تغيرها لي اكيد انها على الضمان على اساس كذا انا مرتاح نفسيا والله الحمد مع اني مطلعها اقصاد لكن الحمدالله لما اركبهاا نسى كل شي

الله يعطيني خيرها ويكفيني شرها ويا جعل ربي يباركلك ان شاء الله

[طلال _جدة]

مبروك مقدما اخووي ابي رايكم
بس من اية بنك اخذتها والا عن طريق الوكالة
انا ناوي قريب اطلع وحده بس متخوووووف مررره

[المستقبل الماضي]

المشاركة الأصلية كتبت بواسطة ابو شقرا

ممتاز والله .. صدفة لووولز

زين اخوي .. توني اعرف ان عندك نفس سيارتي المستقبليه

ابي رايك من ناحية السواقة (القيادة) .. اذا السرعه كانت 120 تسمع صوت الهوا الي برا

والشي الثاني .. بالقيادة مريحة وناعمه !! .. فيها مكيف (حار \ بارد) داخل الكشن (المقاعد) ؟

من واقع تجربة 17 شهر سااجاوب على اسئلتك
1 ) القيادة سلسة والصوت يكاد لايذكر بالسرعات التي ذكرت 120 وحولها
2 ) نعم يوجد نظام تدفئة ونظام تهوية وليس تبريد للمقاعد الامامية فقط

انا اقول اتكل على الله وخذ ES ولن تندم باذن الله فالسيارة فخمة واقتصادية وعملية جدا

والف مبروك مقدما

[ابو شقرا]

اها ممتاز والله


انا مقتنع فيها .. وناس كثار نصحوني فيها



مشكورييييين عالمرور والافادة

يعطيكم الف خير .. وجزاكم الله خير

[فهد الشربتلي]

ليه ماتفكر في الجي اس 430
اولا شكلها احسن من 100 لكزس اي اس
والله شكلها روعة وهيبة
هذي اللكزس الصح جي اس والا بلاش وش تبي بكامري الشيوخ مع اني ابي اخذلي واحده لكن صرفت النظر عنها


تحياتي

[طلال _جدة]

الله يعينك ياافهد على نفسك والله ماعرفنالك مره تبغى ES ومره GS
ومره يمكن تشطح ماادري اش تاخذ
كلك على ال es 350 والله انهااا حوهرة على اسمهااا وبلاش تقوول كامري الشيووخ هذا اول
ةتقبل تحياتي

[ظبيا]

أخوي ابو شقرا
اولا اهنيك على الاختيارات ( مارحت بعيد كلها لكزس ) وانا بقول رايي وانت بتتعب من كثرة الارااااء
ال ES350 ماقصروا الشباب والله فيها مواصفات وراحه ما فيها كلام <***** سيارتي
الـ GS430 تتميز بالدفع الخلفي وانها راسيه اكثر اثناء الطريق وباقي المواصفات تحصلها كلها في الـ Es

قبل لا اخلص عندي نقطه حلوه للشباب المقبل على الزواج
اقول لا تشترون السياره قبل الزواج صدقوني ماراح تلاقي فيها الفرحه كثر ما تشتريها بعد الزواج وتكتبها في صفحة انجازاتك بعد الزواج انت والمدام خخخخخخخخخخ
<*****< مجرب
<*****< مجرب

[وحداووووي]

مبرووووووووووووووووووووووووك

عليك

Es350

مقدما وصدقني مش راح تندم

[لكــــزس]

المشاركة الأصلية كتبت بواسطة فهد الشربتلي

ليه ماتفكر في الجي اس 430
اولا شكلها احسن من 100 لكزس اي اس
والله شكلها روعة وهيبة
هذي اللكزس الصح جي اس والا بلاش وش تبي بكامري الشيوخ مع اني ابي اخذلي واحده لكن صرفت النظر عنها


تحياتي

صرفت النظر عنها؟؟؟؟؟؟؟

((((( الي ما يطول العنب ******** )))

http://www.toyota4arab.com/forum/showthread.php?t=22675


اذا ما قدرت تشتريها لا تسبها ...

اقول خك بالوريون و جراندي و شاشه افضلك..هههههههههههههههه