استفسار : *** تركيب فتحة سقف ***

[عبادة]

هل يوجد أية ورش أو محلات متخصصة في تركيب فتحات السقف في الرياض؟! أنا من أشد المعجبين بفتحات السقف وودي أركب وحده على البرادو 2011.. وأبي ورشة تزبطلي ياها قريبة من الأصلية وبدون مشاكل وطبعا مع ضمان..

ياريت الأخوان يالي عندهم خبرة بالموضوع يفيدونا

[ابــو الغـــرام]

انا انصحك أخي الكريم بعدم تركيب فتحة لأنها لن تكون مثل فتحة الوكالة الأصلية

[cavalli]

السليماني في طريق الملك عبدالله بعد مسجد العويضه

متخصص ويعطيك ضمان

[ابابوتميم]

ياخي مثل ما قالك الأخ الي قبل نصيحه لا تسويتها الفتحه من الوكالة يصير فيها مشاكل وأحيانا تعلق وأحيانا تسرب الماء وتعدم الموتر والله لو ببلاش ما اسويها وأنت حر والأمر اليك والله يختار الخيرة الطيبه لي ولك

[ballst]

كان عندي سيارة فيها فتحة قعدت معي خمس سنوات أستخدمت الفتحة يمكن خمس مرات

سيارتك شد بلد والفتحة مأمنها الا إزعاج ضوضاء وأسلاك كهربائية زيادة وووووو


سيارتك عسل يا عسل

[عبطوه باتيس]

يارجال تعوذ من ابليس وادحر الشيطان

كلها كم يوم وتلهى وتنسى < هههههههههههههاي

[النمر الفضي1]

والله يا اخي فعلا كلام الاخوه صحيح انا لو ما مشتري السيارة بفتحه ما اركبها
انا كان عندي مرسيدس وبها فتحة وكنت رافع الفتحة لفوق ويشاء رب العالمين ويفتح معي غطاء الماكينة وانا ماشي وضرب الجام الامامي وكسر الفتحة وصرفت علي حوالي 250 دينار يعني حوالي 3500 ريال سعودي

ولله الحمد معي برادو بها فتحة ولم افتحها حتى من الان من وقت ان شريت السيارة من شهر مايو اللي طاف

[عبادة]

يا إخوان أنا فقط محتاج وطلبت كلام مجربين مثل الاخوة الافاضل المشكورين يالي كتبوا تحربة حقيقة لهم مع فتحة السقف.. ما ابي آراء مشكورين انا يالي طلبته التجربة والخبرة.. لو على الرأي ما كان احد ركب برادو اصلا

[ابــونــوافــ]

اخوي عبادة

عندنا بالشرقيه بالدمام محل اسمه ورشة السلام يسوي لك الفتحه بضمان 10 سنوات
ويضبطها لك 100% مثل الوكاله وشغلهم مرتب .. وعندكم بالرياض تقريباً محل اسمه الاقصى ..


تحياتي لك

[ابــو الغـــرام]

المشاركة الأصلية كتبت بواسطة عبادة

يا إخوان أنا فقط محتاج وطلبت كلام مجربين مثل الاخوة الافاضل المشكورين يالي كتبوا تحربة حقيقة لهم مع فتحة السقف.. ما ابي آراء مشكورين انا يالي طلبته التجربة والخبرة.. لو على الرأي ما كان احد ركب برادو اصلا

طيب الله يقويك رح للمحلات وخلهم يقصون التندة ويركبون لك فتحة وتذكر كلامي هذا انك انت الذي سوف يندم لأن شغل أي ورشة ماراح يكون مثل اليابانيين واسأل من عملوها من واقع تجربة لانه سوف يضمنها لك فترة معينة وبعدها على الدنيا السلام والله حرام تروح تقصقص التندة وتلعب فيها على شان شي تافه لكن الله يقويك بس ياليتك ماوضعت الموضوع اصلا مادام انك لن تتبع النصيحة وعقلك في راسك تعرف خلاصك

[ابو اصيل1]

اخي العزيز الفتحة رائعة جدا وابي اخدمك فية شركة اسمها السلام يصلحونها لك كانها وكالة وضمان عشر سنوات على التركيب والربل والجلد والتسريب والصوت اخي عنده لومينا وركبها عندهم قسم لو ما اعرفها كان تقول وكالة والمفتاح ام ترهيم من عندهم والا تجيبه انت من الشركة او تشليح ويعملو له برمجة ويشتغل مثل الوكالة واطلق وللمعلومية الفرع اللي في جدة متعامل معاهم ابو جميل يسوي عندهم فتحات وهذا كلام الفني مش كلامي عموما ابي اعطيك رقمهم وانت شوف وضعك :

السلام جدة : ك 2 مجمع سوق نماء 026310222

السلام الدمام شارع الملك فهد 038178176

اتمنى لك التوفيق وبلغنا ايش يصير معاك واي خدمة حاضرين .

[راعي الجبيل]

^^^^
مجموعة السلام اللي في الدمام من افضل من يرهم الفتحات للسيارات ..وخبرته قديمه من ايام الكابرسات .. موديلات 88 وطالع ..وشغلهم جدا أخبره احترافي ..وشفت شغلهم على كذا سيارة ..بصراحة فوق الممتاز ..


وشيء بخاطرك سوه ..وماعليك اذا ماستمتعت بموترك الحين ..اجل متى ..

[jehad]

السلام عليكم ورحمة الله وبركاته
اخي الكريم ورشة الأقصى في الصناعية القديمة بالرياض
خبراء فتحات مع ضمان عشر سنوات
رقمهم / 014474200
والتكلفة بحدود 4500 ريال
اذا اعتمدت توكل على الله
وصور لنا العمل ونزله موضوع لإفادة الجميع
الله يعطيك خيرها ويكفيك شرها

[مهتم]

عمل فتحة تندة بالورش مغامرة غير محمودة العواقب ممكن اسويها في حالة وحدة انه لو ماظبطت لا سمح الله ابيع السيارة و ما تفرق معاك

[اذكـر الله]

اخوي الغالي
الفكره كانت براسي بالبرادو وقد سويتها بجيب باترول ربع وقصيت واخذت ضمان 5 سنوات

والله ثم والله اتعبتني اولا ديكور السقف يطلع خرابااااااااااااااااااات مره مع الايام وخاصة عند الصيانه تشوف وجع القلب
ولايمكن يضبط معك مهما سويت
الثانية مع الايام الفتحة تطلع لك اصوات وطقطقه تقهرك وخاصة عند الرمال او الطرق الوعره
الثالثه دخول الماء وخلها على ربك
نصيحة لوجه الله اذا ما كانت وكاله كامل من مصتعها فانساها
هذي من تجربه وقد شفتها مع واحد ببرادو 2010 قصها وركبها والله الديكور السقفي مطبات وماعجبني
وبعدها شلتها من راسي مررررررره
والله يوفقك

[لا تعليق]

اشوف اكثر الاعضاء يشتكون منها ولا يرغبون فيها ومخاطره ومجربين بعد

اذا على كذا انصحك ابعد عنها انا في سيارتي شد بلد ولا افتحها الا مره كل اربع شهور او اكثر
والرأي الأول والأخير لك