[بنت الخران]

السلام عليكم عليكم

ورحمه الله


وبركاته


الحمد لله رب العالمين

على كل شيء



بارك الله فيكم اجمعين


والسالفه اني طلبت من المنتدى من اخواني الكرام استشاره بخصوص سيارتي

الكروزر2008




الله يسلمكم وصل سعر الكروزر عندي 155 الف درهم

والشراي كاش بيزاته جاهزه

ويبغي السياره مثل ما هيه عليها من كل شي حتى الرقم

والسعر اشوفه زيين والسياره ممتاز استعمالها جدا


طلب مني لكم

طلبتكم واللى يردني بدوون ما يقوول اي اشي او يكتب حتى لو كلمه اوكي او لاء

مشوورتكم يا المنتدى الكريم


والسياره اشتريتها من الوكاله 140 الف درهم وحطييت عليها اشوي وما شيه الحينه 7 الاف كيلو فقط


ويين ردودكم الحلوه

[عـاشـق ربـع]

وعليكم السلام ورحمة الله وبركاته

أختي بنت الخـران

أنا أقول أذا السعر عاجبك بيعي وزودي على المبلغ 10 ألاف
وخذي لك Gx 2008 V6
وهذي وجهت نظري واللي فيه الخير يكتبه الله

عــاشــق ربــع

[ابن بامطرف]

و عليكم السلام و رحمة الله و بركاته

الحقيقة .. إذا محتاجة الفلوس فتوكلي على الله و بيعي .. بس أظن مع زيادة الأسعار الي حاصلة و الحجوزات الي مبهدلة العالم .. لو تبيعي الكروزر صح بتكسبي 15,000 درهم .. بس يمكن بتتلعوزي من ناحية شراء سيارة ثانية

و أفضل حل لمثل هذي الامور هو انك تصلي صلاة الإستخارة و بإذن الله إلي فية الخير راح يصير !

[بنت الخران]

المشاركة الأصلية كتبت بواسطة عـاشـق ربـع

وعليكم السلام ورحمة الله وبركاته

أختي بنت الخـران

أنا أقول أذا السعر عاجبك بيعي وزودي على المبلغ 10 ألاف
وخذي لك Gx 2008 V6
وهذي وجهت نظري واللي فيه الخير يكتبه الله

عــاشــق ربــع

السعر زيين والحمد لله ولا ما خاب من استشار

وووجهة نظرك ممتازه


واشكرك على مرورك الطيب العطر بارك الله فيك

[بنت الخران]

المشاركة الأصلية كتبت بواسطة ابن بامطرف

و عليكم السلام و رحمة الله و بركاته

الحقيقة .. إذا محتاجة الفلوس فتوكلي على الله و بيعي .. بس أظن مع زيادة الأسعار الي حاصلة و الحجوزات الي مبهدلة العالم .. لو تبيعي الكروزر صح بتكسبي 15,000 درهم .. بس يمكن بتتلعوزي من ناحية شراء سيارة ثانية

و أفضل حل لمثل هذي الامور هو انك تصلي صلاة الإستخارة و بإذن الله إلي فية الخير راح يصير !

ماشاء الله عليك فاهم السووق

بخصوص سالفه الحجوزات بغينا نحجز البورش قالو نا لازن نتظر من ست الى عشره شهوور


وغيرنا ولفينا على الرنج اي نووع

نفس الكلام بالضبط وردو علينا ان الطلب زايد عليه بعد

والكروزر الله يعيينا عليه زادت السالفه من ثلاث شهوور الى خمس شهوور

واللكزس الجديد 570 تحجز ومتى بيردوون عليك ما احد يقدر يخبركم

والاسعار كلها فى ارتفاع

ولا ننسى تأمين السيارات ارتفع بعد حادث غنتووت

ما ادري

والله يعلم

واشكرك على نصيتك الممتاز

وبستخيير ربي اليوم وبشووف


والله يعيين الجميع



واشكرك مره اخرى على ردك السريع والممتاز منك

[شيخ البانوراما]

.

هلا بك اختي بنت الخران

السؤال هل تقدرين تستغنين عن السياره عدة اشهر بمعنى على بال ما يتشبع السوق وتجي الدفعات الجايه وبأسعار ارخص.. من سعر البيع المعروض عليك الآن والا اتن بحاجة الموتر لأن الواحد شاري السياره عشان يرتاح ماهو عشان يتبهدل..

واذا كان اللي صرفتيه على السياره ما يتعدى 2000 فليه ما تبيعين 13000 تقريباً ماهيب شينه ابد وغير كذا يكون الواحد ياخذ موتر جديد بلون جديد..

اتز يور كال

الله معاك،،،

.

[قول قسم]

من رايي انج تبيعينه وتاخذين جي اكس 2008 لان شوي الستاندر مايليق على النساء بس الجي اكس يمكن تنبلع شوي

[الشيخ لاندكروزر]

بدون طلب يا بنت الخزان ... انتى شمعة المنتدى .. وما ودنا انك تبيعين علشان ما نفقد مواضيعك المميزه

[اسـتـرجـاعـهـا]

السلام عليكم!!
اختي لا تبيعي الموتر انطري شوي لين ماينزل موديل2009 ادري ان الموتر بينزل سعره شوي لكن يمكن تكوني ضبطيه اكثر!!
اختي لوتبغيين موتر2008 دوري بالمعارض ولما تلاقين الموتر الزين وتكوني امنتي كل شي!!
بالتوفيق ان شاءالله==
x_تحياتي_x

[عاشـــق اللاند]

والله السعر موشين من وجهة نظري بيعيه واخذي لج Gx-r فل اوبشن افخم من الستاندر

[حسونه]

انا أقول
صلى الاستخاره
وتوكلي على الله
الله يوفقك

[بنت الخران]

اشكركم على مروركم ومساعدكم لي فى هذا الامر


بارك الله فيكم

[ولدالدوحه]

انا اقول الصبر زين .
وبالتوفيق في جميع الأحوال ،،،

[العزيز]

السلام عليكم

استشاره صعبه في وجهة نظري

لانه أسعار الكروزر كل مالها وتزيد كل فتره وفتره ( طبعا أتكلم عن قطر مادري عن الامارات )

ولتوضيح أكثر عن زيادة الأسعار أنه الأسعار زادت عندنا تقريبا حول ال7 الاف علي الكروزر في شهر 2 وبتزيد 10 الاف علي الفكسار من بدايه شهر 4

صارت أسهم مب كروزر

وطبعا غير الكلام عن التغييرات ألي طالع الكلام عنها بشكل كبير عن تغيير لون الطبلون ألى البيج

وماشاء الله أشوف عندج ثلاث سيارات تبارك الرحمن ,نصيحتي لج أذا عليج ديون بأكثر من 100 ألف والراتب مايكفيج ، بيعي الكروزر وسددي ديودج غير الخرده ألي بتزيد في يدج تستانسين فيها

واذا مب محتاجه ومستانسه علي الكروزر لاتبيعين

يعني انتي وظروفج

وموفقه ان شاء الله

[بنت الخران]

اشكركم جزييييييييل الشكر

وبارك الله فيكم على مساعدتي فى هدياتي فى بيعه او عدم بيعه


بارك الله فيكم ويسر اموركم فى كل شيء