[ابومسلّم]

اخوان انا من سكان الرياض
جتنا يوم الاربعاء بعد الدوام
موجة حر المهم شغلت المكيف على واحد ولا زبن
قمت ورفعت المكيف على 2 وهم مازبن
تصدقون مابرد الا يوم حطيته على3
السؤال اللي يسدح نفسه ؟؟؟؟؟
انتم مثلي ؟؟
وش العمل اوده للوكالة ولا استمر احطه على3

[الرحــــــال]

قبل لا توديه للوكاله وده لورشه وخله يشيك على الفريون لان برودة المكيف من الفريون

[ابن فطيس]

اكيد ملبق موترك في الشمس عشان كذا مابرد بسرعه

وانصحك تشغل المكيف الخلفي تراه بارد جدآ..

[أبـــو عـــزام]

تأكد أنك وقتها ما شغلت الهوايه مع المكيف لأنه تنقص من قوة الدفع

الله يوفقك والجميع

سلام

[ابومسلّم]

المشاركة الأصلية كتبت بواسطة أبـــو عـــزام

تأكد أنك وقتها ما شغلت الهوايه مع المكيف لأنه تنقص من قوة الدفع

الله يوفقك والجميع

سلام

وش تقصد بالهواية؟؟؟؟؟؟؟؟؟؟؟؟؟؟؟؟؟؟؟
هل هي الهواء الخارجي؟؟؟؟؟؟؟؟؟؟؟

[فورتشنر بيج]

عندى نفس الشئ المكيف فى وقت الظهر اشعر انه ضعيف

[الفورتشنر]

أخوي ممكن تكون سيارتك قير اتوماتيك ترى الاتوماتيك ما يبرد مثل العادي
أنا سيارتي قير عادي ماشاء الله تبارك الله على واحد وهو بارد حيث أنني سائلت أكثرمن شخص عنده قير اتوماتيك قال المكيف ضعيف في التبريد وخاصة في الظهرية
تقبلووووووووووووووووووووووا مروري ياعشاق الفورتشنر ههههه
تحياتي

[جنوبي وجنوني]

ابو مسلم في مشكله ظهرت في مكيف الفور تشنر وانا بالصراحه ما حبيت انقلها لكم علشان ما تكون مشكله والغير يعلق عليها ويعتبرها مشكله اساسه
اخي في فرق اذا شغلت المكيف الامامي لوحده وفرق اذا شغلت الامامي والخلفي لان الامامي لوحدة لا يبرد مثل لو تشغل الخلفي معاه اذا شغلت المكيف الامامي لوحدة بدون الخلفي يبدى يفصل معاك الكمبروسر او الكمبرسور يعني وقت الفصل جدا قصيرمما يسبب عدم التبريد الجيد ... ولا كن اذا شغلت الخلفي معاه تلاحظ فرق في مددة الفصل

اخي العزيز جرب ورد علي ..؟

[أبـــو عـــزام]

نعم.. أقصد الهواية اللي تدخل الهواء من الخارج

أخوي جنوبي.. غالباً يكون معي عفش كثير بالخلف وتتسكر فتحات المكيف الخلفي ولا أشغله ومع ذلك التبريد في الأمام ممتاز ولم الاحظ فرق مع تشغيله أو بدونه

الله يوفقكم جميعاً

سلام

[الجفني]

فعلا انا عندي مكيف الفوتشنر لك عليه ما ادري وش المشكله بصراحه ورايح اجرب المكيفن سوءا ونشوف اذا كان مثل الامامي رحنا فيها حر الرياض حسنه

[فورتشنري]

حبيبيي ارحم حالك
اول يوم طلعت الفورتشنر 2008 انزعجت كثير ويوم ثاني من فجر الله الا وانا عندهم وجيكو عليه وكل شي تمام
قلت يمكن هذا نوع من الخرافات اعيشها في ضل ارتفاع السيارة عن الارض :d
المهم لاحظت ان المكيف بعد فتره بسيطه صار يبرد اكثر من الايام اللي قبل ولاتنسى حبيبي ان يكون الخلفي والامامي شغالين سوا سوا
وتحياتي لك ياعسل

[العُلا]

أنا المكيف عندي ماشاء الله .. ولم ألاحظ أيا من اللي قالوه الشباب مع العلم أن الحسا حررررررررراااارة ماله حد وبعدين حاله حال أي سيارة في بداية التشغيل وهي موقفه في الشمس لكن سرعان ما أبرد سواء شغلت الخلفي أو لا ..

تحياتي

[جنوبي وجنوني]

المشاركة الأصلية كتبت بواسطة أبـــو عـــزام

نعم.. أقصد الهواية اللي تدخل الهواء من الخارج

أخوي جنوبي.. غالباً يكون معي عفش كثير بالخلف وتتسكر فتحات المكيف الخلفي ولا أشغله ومع ذلك التبريد في الأمام ممتاز ولم الاحظ فرق مع تشغيله أو بدونه

الله يوفقكم جميعاً

سلام

هلا باخي ابو عزام صدقني كثر ما اسمع عن الفورتشنر الستة سلندر افكر في بيع سيارتي الاربعه وافكر في اللون الفضي او الابيض VX2 اوتوماتك وجلد لاني من يوم شفته دخل مزاجي احس اني ندمان على الاربعة يخوك والله مكيفه الامامي ما يجمل لازم الخلفي معه وعزمة طايح ويفصل على 160 واربع غيارات لانه اتوماتك ... انا معيب الاربعه هو حق روقان وناس هاديه انا لا والله اذا ما مشيت 180 بالخط احس اني متظايق ادري ان السرعه شينه بس من يوم سقت السيارات وانا احب السرعه الله يكفيني شر الحوادث ..؟
واشكرك على الملاحظة اخي ابو عزام دوووم استفيد واتعلم منك يا استاذي ؟

[أنا وبس]

بالنسبة لي فانا عندي فورتشنر 2008 والحمد لله مكيفه ممتاز ورائع جدا ولا نحتاج فتح المكيف الخلفي ومعي ركاب كثر ولله الحمد في جده وخارجها والحمد لله

[أنا وبس]

بالنسبة لي فانا عندي فورتشنر 2008 ستة سلندر والحمد لله مكيفه ممتاز ورائع جدا ولا نحتاج فتح المكيف الخلفي ومعي ركاب كثر ولله الحمد في جده وخارجها والحمد لله

[الذوادي نت]

يا جماعة اي سيارة جالسه في الشمس وتشغل المكيف لازم تخليه على العالي لين يتوزع الهواء في السيارة ويتبدل الهواء الحار إلى بارد أنا أشغله على رقم ثلاثة وكلها خمس دقايق وأخليه على أنزل شي بارد مثل الحلاوة وخاصة في الليل أقلل من درجة البروده

أخوي شوف أنت حاطه على اللون الأزرق لرفع البروده أو مخليه على النصف ومثل ما سبق ذكره أجعل الهواء داخلي وأغلق الخارجي بارك الله فيك

مع تمنيات للجميع بالبرودة العالية يا ولد جانا الحر

[مكنسيان]

السلام عليكم ورحمة الله وبركاتة
اعتقد ان طريقة عمل الكومبرسر بهذه الطريقة يفصل وبشتغل في ثواني قليلة قد يضعفة وربما يتعطل عن العمل .

فما هو راي الاخوان