[الذوادي نت]

السلام عليكم ورحمة الله وبركاته

في البداية كنت أعتقد أن الصوت من الأغراض الي في الخلف كان ولد عمي يقول أيش هذا الصوت أقوله يمكن طفايه الحريق تتحرك ههههه

هذا الأسبوع أكتشفت أنه صوت التنده طق بسم الله الرحمن الرحيم أيش صار يوم أوقف إلى التنده فعلا ضعيفة شيء غريييب في أحد واجه هذي المشكلة يا شباب

وتقبلوا مني خالص الشكر والتقدير

[الرحــــــال]

وعليكم السلام
انا كان عندي صوت بس اكتشفت بعدين انه من القراطيس حقة الوكاله وشلتها وراح ولله الحمد

لكن بالنسبه لك يمكن انت حاط اغراض فوق ونزلت التنده شوي وبتلت بعد ماشلتها


وبعدين سؤال تندة الفورتشنر خفيفه بالنسبه للسيارات الاخرى

[الذوادي نت]

هلا بأخوي رحال

لا حطيت أغراض عليها ولى شي يمكن فتح النوافذ يطلع هذا الصوت شيء محير فعلا

[أبـــو عـــزام]

طيب الصوت يطلع دائماً أو طلع معك مره وخلاص؟

وتأكد الصوت من وين بالضبط وإذا كان في التنده وين مكانه هل هو في الأخير أو المنتصف أو البداية

الله يوفقك والجميع

سلام

[الذوادي نت]

لا بل بشكل دائم وألاحظ أنه بعد فتح النوافذ ويأتي الصوت عند الاسيات الأخيرة

[الذوادي نت]

لا بل بشكل دائم وألاحظ أنه بعد فتح النوافذ وهو في أخر السيارة جهت الأسيات الأخيرة

[فوررتشنر]

السلام عليكم ورحمة الله وبركاته
شوفي اخوي انا اقولك اللي حصل معي واكيد انه عندك
واحد من الشباب طلع على التنده وانا توني شاري الموتر المهم بعد مارجعنا من الكشته
وانا ماشي احس ان فيه صوت في التنده المهم يوم مسكت الخط وسكرت النوافذ والا والصوت تقول كنه واحد طايح عليك من السماء صوت قوي المهم مالكم في الطويله وقفت عند البيت وشفت التنده من جواء اقصد من الديكور الاوفيه تكسر فيه عرفت ان التنده راحت فيها قلت خلني اشوف من السقف ويوم طلعت وشفت الا والنتده صايره مثل الشينكو خفيفه مره رحت لمحل في الصناعيه وقال هذي العوارض اللي جواء متكسره في واحد طلع عليها قلت ياوالله خويي الله يسامحه المهم قال راح افكها لك واغيرها بحديد اقوى قلت بكم قال 500 ريال
قالت اذا وصلت 500 بروح التشليح واشتري عوارض احسن
والى اليوم وانا ماصلحتها وكل ماجيت اسكر النوافذ اعلم اللي راكب معي اقول لا تخاف تحسبه صوت انفجار الكفر

[الذوادي نت]

فعلا نفس الصوت الي عندي تقول كأن واحد طايح على التنده

لاكن أنا مافي أحد طلع على التنده من قبل بس خلني أفك الديكور من داخل وأشوف فيه شي متكسر ولا لا

جزاك الله خير على المرور الطيب