بما ان اعضاء واجد طلبو طريقه لغسيل السياره وفي منهم متعود يغسل السياره بالفيري وانا كنت واحد منهم وبعد فتره تقريبا 6 شهور من غسيل الفيري لاحظت الموتر راحت لمعته اللون صار باهت فتوكلت على الله اليوم ورحت شريت لي شامبو للسياره سعره معقول وصراحه التجربه خير برهان الكامري رجعت لها اللمعه جنها توها طالعه من الوكاله
ببلش بالصور بدون مقدمات اكثر وترا حصري ياربع شغل ايدي
طبعا اليوم رحت لمركز سلطان مركز تسوق يبيع مستلزمات المنزل ويبيع اغراض ومنها زينه للسيارات رحت للقسم المخصص للسيارات واالله واحصل لي شامبو اجنبي اسمه سوناكسsonax والله شغله مضبوط انصحكم فيه
هذي صوره للمنتج
هذي صوره اخرى
هذي صوره لعدة الغسيل
هذي لتنشيف القزاز (الجامات -الدرايش)
طبعا هذي منكنسه لتظيف الدواسات والسجاد الداخلي
طبعا لابد من الهوز لرش الموتر بالماء اولا قبل وضع الشامبو
هذي الصوره بوضح لكم فيها وصاخه السياره كان جاينا عجاج قوي بالكويت امس وقبل امس وطبعا بدون تردد وضعت فيري على الموتر وخليته لمده يومين وهذي صورته قبل الغسيل
طبعا بعد رش الموتر بالماء جيدا نجيب اسفنجه ونضع فيها الشامبو ونقوم بفرك الموتر من جميع الاجزاء وفيه مناطق مثل الكبوت والتنده كثر فيها الشامبو حتى تزيد اللمعه وميزه الشامبو انه يزيل الخدوش الصغيره من تأثيرات الخطوط الطويله عجبني صراحه
طبعا ماقدرت اصور عمليه الغسيل كامله لكن بوريكم نتايجها وان شاء الله انها ترضيكم
هذي صوره كبوت الموتر بعد الغسيل
وهذي صوره لوجه الموتر وركزو على اللمعه ماشالله
وهذي صوره للتنده (سقف الموتر )
هذي صوره للقزاز وهو يلمع عكس قبل كان عادي
هذا وجه الموتر
وهذي موخره الموتر
طبعا هذي نصيحه مني لتنظيف الدواسات وتحافظ عليها يوميا سو نفس هالحركه بالصوره الا وهي تبليلها بقليل من الماء ومسحها بالمكنسه واذا حصل مكنسه كهربائيه افضل وافضل
يغسل في بيتهم [ دايم مغسلة السيارات والغسيل من 10 ريال لـ 15 ريال
ماقصرت أخوي عاشق بإنتظار جديدك ..أخوك أسير كامري
اقتباس:
اقتباس:
الله يعافيك ويسلمك حبيبي وانا واحد من الناس اللي يحب يقضي وقت فراغه بشغله يحبها وصراحه غسيل البيت بالنسبه لي افضل من المغسله لانها على عيني وبأي وقت ابي اغسلها واليوم كانت تجربه الشامبو وكنت اعلم السايق على الغسيل والله وقلت لازم انزل موضوع للربع هنيا
السلام عليكم ورحمة الله وبركاته تسلم اخوي عاشق الاند على الموضوع انا كنت افكر انزل موضوع مثل هذا الموضوع بس سبقتني والله يوفقك ان شاءالله في الجديد والى المام دائماً اما بالنسبه لي او الى سيارتي طبعاً ما اغسلها بهاذي الطريقه ولا بالماء الكثير لأني على طول استخدم البوليس (polish) الملمع والقماش القطن ونصيحه من اخو لك عاشق الاند والى جميع الاعضاء الغسيل بالماء بكثر يسبب التلف الى جسم السياره ( القص )هاذي الكلمه عندنا في البحرين نقولها بس انتو شنو تقولونها ما اعرف تحياتي اخوكم عـلاوي
السلام عليكم ورحمة الله وبركاته تسلم اخوي عاشق الاند على الموضوع انا كنت افكر انزل موضوع مثل هذا الموضوع بس سبقتني والله يوفقك ان شاءالله في الجديد والى المام دائماً اما بالنسبه لي او الى سيارتي طبعاً ما اغسلها بهاذي الطريقه ولا بالماء الكثير لأني على طول استخدم البوليس (polish) الملمع والقماش القطن ونصيحه من اخو لك عاشق الاند والى جميع الاعضاء الغسيل بالماء بكثر يسبب التلف الى جسم السياره ( القص )هاذي الكلمه عندنا في البحرين نقولها بس انتو شنو تقولونها ما اعرف تحياتي اخوكم عـلاوي
حتى البوليش كثرته مو زينه على الصبغ لكن الهدف من الطريقتين النظافه والخروج بمظهر لائق
اقتباس:
الله يوفقك على هالحل الزين والله اني محتار من اول وقول وشمعنى فيري؟ وهو حق المواعين ماله دخل بالسياره!!!يعطيك العافيه لاتحرمنى من مشاركاتك الجميله.
وانا دايم استخدم الفيري بس لعب بسياراتي وهالشامبو رجعها وكاله
طريقه حلوه لغسيل السياره حصريا 
عكس قبل كان عادي 
