[عاصي الشمال]

Camry - GLX
( قير عادي ، تخشيبة ، جنوط ألمونيوم ، جناح خلفي ، فتحة سقف )

كم سعرها تقسيط من عبداللطيف جميل - شراء مو ايجار وهل تنصحوني بها لاني ناوي اشتري سيارة وكالة واريح مخي من الورش.. وأكون شاكر ومقدر (ارجو النصيحة لاني بمنطقة مافيها وكالات.. )

[عاشـــق اللاند]

خذها اقساط السياره قويه بس خذها اوتوماتيك اريح لك

[عاصي الشمال]

الله يعطيك العافية اخوي ومشكور..
بس مافيه احد يعرف كم القسط..

[أسير كامري]

اللي أخبره أخوي أنها 1900 ريال شهريا أو أقل بشئ بسيط

وأتوقع على حسب الراتب يكون القسط وبالتوفيق إن شاء الله ,,

[عاصي الشمال]

يووووو يوووو
الله يعين شكلنا نبي نبطل..!!
ألف شكر أسير كامري..
ويعطيك العافية..

[مجنونك]

حياك الله . أخوي دامك تبي تنزل من القسط مالك الا تاخذ تأجير منتهي بالتمليك

تقدر من خلالة تنزل القسط .. واحد من اخوياي كانت معاة سيارة كل شهر للصناعية

بالاخير باعها بـ 15 الف وحط عليهم 15 ودفع للوكالة 30 الف واخذ سيارة تأجير بحيث القسط يكون حوالي 700 ريال

بصراحة مريحة جداً خليهم كل شهر ياخذون من راتبك 700 ريال وبتكون راكب سيارة لك ولزمن ان شاء الله ،

وتكون بالضمان .. يعني لاسمح الله يخرب فيها اي شيء تصلحها على الضمان وتكون بعد كذا ريحت نفسك من الصناعية كل شهر

وركبت احلى سيارة ، ومع السنوات ينتهي التأجير وبتكون سيارتك بوقتها جديدة ، لو حبيت تبيعها تجيب لك سعر ممتاز ، بعد هذا الكرف

وانت أذا رحت للوكالة قول لهم انك تبي أقل قسط وكيف يمكنك ذالك ان شاء الله انك فهمت علي ،

واي سؤال لايردك الا الكيبورد

لك خالص ودي

[عاصي الشمال]

واي سؤال لايردك الا الكيبورد


ونعم والله بك يالذيب اشهد انك ماقصرت
ويعطيك الف الف عافية..

[هٍـآيـوٍمآ ( آلمٍـطيـًرٍيُِ )]

المشاركة الأصلية كتبت بواسطة مجنونك

بالاخير باعها بـ 15 الف وحط عليهم 15 ودفع للوكالة 30 الف واخذ سيارة تأجير بحيث القسط يكون حوالي 700 ريال

بصراحة مريحة جداً خليهم كل شهر ياخذون من راتبك 700 ريال وبتكون راكب سيارة لك ولزمن ان شاء الله ،

ـآخذ قسط الكامري بـ 700 او تقــصد سيـآره ثآنيـه.........؟