[فهد منصور]

السلام عليكم ورحمة الله وبركاته
شكرا لكل من ساهم في هذا الموقع شكرا من الاعماق لانهم اعطوني فكره كافيه ووافيه عن الاندكروزر
الى درجه اثارت فضول اصحاب المعارض لسؤالي عن مصدر معلوماتي
يا اخوان انا ادور جي اكس ار ثمانيه سلندر لؤلؤي وتعبت وانا ادور توني اليوم راجع من قطر وقبل اسبوع في الدمام والوكاله عندنا في الكويت ما فيها
السؤال يا اخوان ابي الفرق بين وارد البريمي لانه عجبني ووارد اليحيى الفل الكامل مو مهم النفيقيشن ولا الشاشه دفي دي ولا الونش واذا احد معلومات لا يبخل علي بها
ملاحظه سعر الجي اكس ار الفل تقريبا متقارب في قطر لقيته ب 205000 وفي الدمام نفس السعر وفي اليمن
كلمت راعي معرض البحرين وقال انه ب 52000 دولار وقابل للزياده اليوم 55000
وموجود في اليمن بس بعيد علي ومتوقع القاه عندنا وحولنا في الدمام
وهذي صوره سيارة اخونا الكميم بعد اذنه اللي ابي نفسها بالضبط ومواصفاتها
للاسف ما عرفت احط الصوره
اخوكم فهد

[بو جبر إس إل]

كيف الحال انا عندي gxr v8 2008 لولوي ما شي 17000 بدون نفيجيشن بدون ونش ودف لوك بدون اسبير علاق بدون ديفيدي ورد عبد الغني السعر 195000 ريال

[فهد منصور]

عسى الله يطول عمرك ويبارك لك انا ودي بوارد اليحيى او البريمي بنفس مواصفات سيارت اخونا الكميم بس للاسف ما قدرت انزل الصوره عسى الله يبارك له

[أبوحمد]

يخوي وراك ما تروح لعمان وما ترجع الا بالموتر اللي ببالك وعمان تراها قريبة ..

[اسـتـرجـاعـهـا]

المشاركة الأصلية كتبت بواسطة أبوحمد

يخوي وراك ما تروح لعمان وما ترجع الا بالموتر اللي ببالك وعمان تراها قريبة ..

كلام سليم
+
بالتوفيق ان شاءالله يالذيب فهد المنصور==
x_تحياتي_x

[حسونه]

الأخ / الكريم فهد بن منصور
وعليكم السلام ورحمة الله وبركاته :
والله يحييك بين أخوانك

[فهد منصور]

مشكورين يا اخوان على المرور حسونه واسترجاعها وابو احمد وبو جبر والجميع
وبكتب في موضوع اخر عن نوعيات جديده عند الساير

[بنت الخران]

موجود عندنا فى الامارات الفي 8

والفي 6 مش متوفر

[فيصل_دبي]

موجود عندنا في الإمارات عند الفطيم للسيارات...اذا بغيت ممكن أدبر لك واحد....سعره أعتقد (بعد الزيادة الأخيرة) صار 205 الاف درهم...راسلني ع الخاص اذا لك خاطر.....

[فهد منصور]

الف شكر لكم بنت الخزان وفيصل اتصلت على صديق لي في ابو ظبي وجاري البحث عن وارد البريمي لانه يعجبني الاضافات اللي فيه لكن تعالو بقولكم شي يا اخواني انا من كثر ما دخت من انواع الاند كروزر كنت في الوكاله قبل اسبوع ويوم داخ راسي رحت لمكان في نفس الوكاله نسيت اسمه بس هو نفس ستار بوكس يقدم القهوه وشربت قهوه ودفعت بالبطاقه لان عندي بنت صغير تتبع سياسة الارض المحروقه اي شي في جيبك تاخذه ومن ضمنه الفلوس المهم نسيت البطاقه عندهم ورجعت قبل امس اخذها ومن باب اللقافه سالت الموظف عن الجي اكس ار وتفاجات ان فيه انواع بتنزل اخر الشهر حسب كلامه وهي كالاتي
vx 2 كامل مواصفات وسعره 17250
vx 1 كامل بدون شاشه وسعره 16500
gx div فل كامل وسعره 14400
gx d كامل ما عدا الشاشه وسعره 14200
gx cn سته سلندرشاشه وسعره 13675
gx c سته سلندر بدون شاشه وسعره 13425
طبع اخوكم داخ اكثر من قبل وشربت قهوتهم كلها
وتقبلو تحياتي