[كامري أبيض]

كيف الحال .. ياشباب ...

عندي صوت في الكامري ... بسيط .. وأبغى آخذ رأيكم في الحل .

الصوت عندي في ديكور القيــر مع المطبات وعيون القطط يطلع صوت .. وأيضاً في باب السواق فيه صوت خفيف أعتقد أنه دينمو الدريشة ( النافذة ) يتحرك مع المطبات ...


فـ وش تنصحونني فيه أروح للوكاله .. ولا إذا كان فيه محل معروف ويقدر يسويها لي .. ياليت توصفونه لي .

للمعلومية موديل السيارة 2007 ماشيه 15 ألف ..

[مجنونك]

الحمد لله بخير ، أنت كيفك ان شاء الله بخير

الصوت عندي في ديكور القيــر مع المطبات وعيون القطط يطلع صوت

نفس الي عندي بسيارتي بالظبط 100 % الأصوات بالديكور الي عند القير

انا لسى ماطلعت التمرين الآن ماشي عليها حوالي 600 كيلو

للمعلومية / سيارتي SE 2008 بيضاء ،

ان شاء الله اي واحد حصلت معاه المشكلة وحلها يفيدنا ،

ننتظر باقي الأخوان .. لك خالص ودي ،

/
\

MJNONK

[قطفاوي]

اقول شباب ما لكم إلا الوكاله

[معاند الكامري]

هلا أخوي بالنسبه لصوت ديكور القير هذا عيب في أغلب موديل 2007 وحتى الأوريون ااانا بعد سيارتي 2007 وطلع الصوت عندي ووديتها الوكالة وغيروه لي على الضمان وبالنسبه لصوت الباب ما عندي علم عنه

بس حالياً أسمع صوت وريص بين الطبلون والزجاجه الأماميه وماني عارف شلون اسكته مدري هذا عندي بس أو الأغلب الي يعرف الحل يقولنا جزاه الله خير..

[كامري أبيض]

يعطيكم العاافيه ياشباب ...

شكلي بوديها للوكالة أفضل ...

بخصوص صوت الطبلون يامعاند .. أنا نفس المشكلة كان يطلع عندي وكان بشكل ملحوظ في وقت الشتاء ..

أما اللحين خف بشكل كبير مرة .. ولا تشيل همة إذا تبي رأيي ..

أنا فكرت أني أوديها للوكاله بخصوص الطبلون ..(( بس قالوا ماراح يضبطونه وماراح يرجع زي أول ))

[داحس]

سلام عليكم
الصوت اللي عند الباب والله كان عندي اول ماطلع الموتر من الوكاله ورجعها الوالد للوكاله بس نسيت وش كانت المشكله بس اذكره مثل القرقععه من تحت الدريشه والصوت اللي في ديكور القير اذا ماخاب ظني انه صوت المركه اضغط عليها بيدك تلقاه راح يختفي او حط فوق مخد على مقاسه بحيث يكون شكلها حلو وتمسك المركه لان فيها فضاوه من الاساس والله اعلم

[هـ ي هـ]

الوكالــــــــــة أخووووي دامهـا ع الضمـــــــــــانـ

[عاشـــق اللاند]

بس حالياً أسمع صوت وريص بين الطبلون والزجاجه الأماميه وماني عارف شلون اسكته مدري هذا عندي بس أو الأغلب الي يعرف الحل يقولنا جزاه الله خير..

اخي الكريم الصوت هذا من الساعه والحل موجود بمنتدى الاوريون الحل انك تفك طبلون الساعه وتشد البراغي ويختفي 100 انا مجرب
--------------------------------------------------------

بالنسبه لصوت القير طال عمرك فك الديكور وشد البراغي والله بيروح الصوت بنسبه 90 بالميه واذا تبيه يروح 100 بالميه ادخل منتدى الاوريون ترا الحل انك تحط تيب على برواز القير وبيروح الصوت

هالمشكلتين عندنا حلهم لكن الخافي اعظم في الاونه الاخيره انتشر صوت جديد من عند باب السائق صوت طقطقطقه يرفع الضغط على المطبات