[ابن بامطرف]

بسم الله الرحمن الرحيم

السلام عليكم و رحمة الله و بركاته

أبدا بقصة علشان تعرفون سبب رغبتي في تغيير شركة التامين (اصبرو علي شوي ^_^)

قبل حوالي اسبوع كنت موقف السيارة في الكلية .. و اجا واحد ربي يهدية و شحف الجانب الأيمن للسيارة و كمل دربة .. فطبعا يوم اتصلت فالشرطة و يا الشرطي و كتب التقرير .. كتبها "ضد مجهول" .. بمعنى آخر .. انا اتحمل المسؤولية ! .. هذي مافيها إشكالية لانه القانون يقول كذا ..

المهم .. الشحفة ما تسوى 200-300 درهم صبغ بسيط للدعامية .. و السعر هذا قالي إياه واحد في وكالة الفطيم يوم وديت السيارة الفحص ..

المهم .. رحنا للورشة الي فمصفح و قالو انهم ما يتعاملون مع شركة التامين لازم نحن نروح نجيب ورقة (مع العلم انه التامين سويناه معاهم و قالو انه شركة المشرق العربي للتامين مسوية عقد .. فاستغرب انه ما عندهم تواصل مباشر و العميل لازم يضرب خطوط)

فمثل ما كنت أقول ... بسبب دوامي فالكلية .. عطيت السيارة للوالد علشان يروح التامين و يجيب منهم ورقة على أساس انهم بيدفعو و اقدر اصبغ السيارة ... و هنا يبدا القهر

طبعا المعروف انه يوم بتروح التامين علشان يعطونك ورقة سماح التصليح عن طريق التامين .. لازم الرجال يقوم من كرسية و يشرفك بالنزول إلى السيارة و يفحص السيارة و يقيمها .. بس الأخ الي في شركة المشرق العربي قال و بكل أحتقار للوالد الي اكبر عن أبو الرجال (والله مو شغلتي انزل .. انا بس اشوف المخالفة و بس !) .. و الوالد ماسك نفسة ^_^ ..

المهم .. قال للوالد انه السيارة مؤمنه بسعر 320,000 .. بس إذا نبغي التامين يصلح السيارة .. لازم ندفع .......... 1000 درهم !!!!!!!!

طبعا الوالد كذا .. طبعا الوالد قال شكلة الرجال مو فاهم ... حاول يفهمة انه السيارة مو مدعومه .. بس مشحوفة بشكل بسيييييط و الصبغ ما بيجيب اكثر عن ال200-300 درهم بالكثير ! و الحقير جلس يتفلسف و يقول (والله شوف .. انا ما يخصني .. اذا واحد فالفطيم قالك هذا الكلام خل هو يصلح السيارة) ...
*************** * ***** ********** <~~ نستر على ردة فعل الوالد

فالقهر اني ادفعلهم 19,480 درهم عالتامين .. و مع ذلك يبغون يدفعوني 1000 درهم على شيء ما يسوى .. يعني 700 ولا 800 درهم في جيبهم !

-----

بعد ما خلصت القصة ... أريد شركة تامين محترمة .. تقدر العميل الي جالس يدفعلها .. و ما تسوي حركات ال******* الي المشرق العربي سواها فينا !

و لو في إمكانية تكتبون أرقام الشركات علشان نتصل و نقارن


-----

و فوق هذا .. بس تنبية أنه اي احد يفكر يتعامل مع المشرق العربي .. خذوها نصيحة من أخ مجرب و معاني .. لا تقربو صوبهم ! هم و الفطيم مسوين حلف بينهم انهم يبهدلون بالشعب !

[بـ عينها ــو]

الله يعينك ياخي ويصبر ابوك ( الله يحفظه ) عليهم ...
بالنسبه لشركة التامين انا يا العين الاهليه ولا القطريه للتامين ويمكن تحصل ها الاشكال الي واجها ابوك في حد من ها المكاتب .
بس ما خبرتنا شو سويت اخر شي ... ليكون دفعت الـ 1000 ؟

[ابن بامطرف]

المشاركة الأصلية كتبت بواسطة بـ عينها ــو

الله يعينك ياخي ويصبر ابوك ( الله يحفظه ) عليهم ...
بالنسبه لشركة التامين انا يا العين الاهليه ولا القطريه للتامين ويمكن تحصل ها الاشكال الي واجها ابوك في حد من ها المكاتب .
بس ما خبرتنا شو سويت اخر شي ... ليكون دفعت الـ 1000 ؟

لا لا مستحيل ادفع ال1000 .. بروح مصفح بقولهم بصلحون السيارة على حسابي (حدود ال350 درهم اظن السعر الأكيد) ..

و اول ما يخلص العقد مع التامين على طول بحول شركة تامين ثانية ! . لا بارك الله فيهم

[قـطـر]

أخوي الكريم..

أغلب شركات التأمين تستخدم نظام "التحمل" في عملية تأمين السيارات او نظام الــ Cdw!
فكره هالنوع من انواع التأمين انه حتى لو كان التأمين شامل، بتكون هناك نسبة يتحملها المالك ف حالة الحادث "بغض النظر عن خشونه الحادث " يعني لو كانت التلكفة 100000 او 50 ريال" تدفع المبلغ المحدد في بوليصة التأمين..!
طبعا في شركات تعفيك من نظام "التحمل" لكن في المقابل سعر التأمين يزيد ..!
بإختصار.. أغلب شركات التأمين تتبع هالسياسة
وإذا كنت تدور شركة تأمين، فعليك بالتأمين الاسلامي لانه نظامهم غير.!
يعني في نهاية السنة، اذا المالك ماسوى أي حادث، يرجعون له نسبة معينة من مبلغ التأمين "هالنظام معمول عندنا في قطر مدري اذا موجود عندكم او لا" يعني انا مأمن موتري بحوالي 13000، وف نهاية السنة بيردون لي 2500 في حاله ان ماسويت أي حادث

وموفق خير ان شاء الله

[بنت الخران]

لا يهمك

ولا تشيل اي هم

ولا تفكر


بجييب لك احسن تأمين حصلته

بس متى تبغااه خبرني



وبخلي مندووب التأمين يجي ليين عند الوالد ولا يتعب نفسه بعد

شو رايك

[بنت الخران]

وبزيدك من الشعر بييت

كم قاللولك فى الوكاله

350 درهم بعد الخصم النهائي وعند منوو السياره
منووه استلم السياره

ومتى بيخلصوونها

وهل تريدها بسرعه السياره

اي خدمه داخل الوكاله فى مصفح او خارج الوكاله خبرني


عطنى المعلومات

وبتشووف كل خيير

[ولدالدوحه]

اخوي بالنسبة للحوادث التي تسجل ضد مجهول لازم تدفع مبلغ معين اعتقد 10 % او اكثر بس مش متأكد من النسبة وهذا النظام معمول في جميع الدول على حسب علمي . وبالتوفيق ان شاء الله .

[ابن بامطرف]

قـطـر

والله بستفسر عن الشركات الإسلامية لو عندنا فالدولة ولا لا ! و شكرا على المرور ^_^

-----

بنت الخران

جزاك الله خير ... هذا من طيب اصلك ^_^ .. بس مافي داعي للتكليف .. بشوف حل مع هل ناس الي ما ترحم =)

(بخصوص التامين .. هل هي شركة ثانية ولا المشرق العربي ؟)

----

ولدالدوحه

المشكلة اخوي انه التصليح ما يسوى غير 200-300 .. يعني لو بيحملونا 10% بندفع 20 ولا 30 درهم ! .. بس هم قالو 1000 و بس ! من غير تبرير للسعر المبالغ فية !

[أبوحمد]

الله يسهل أمرك أخوي ويعينك على شركات النصب المتخصصة !!!!

وأعذرني ما أقدر أفيدك لأني ما أامن أبد ....

[حسونه]

مشكلتنا ان شركات التأمين تنصب علينا
لا وعيني عينك
واحنا لا حول لنا ولا قوة

[فقط دبي]

انا دايما عند شركة عمان للتأمين ..

البسهم و سير ود موترك كراج و صلحه لا وكاله و لا شي ..

[اسـتـرجـاعـهـا]

لا حول لنا ولا قوة النصب كذب هالأيام!!
الله يعينا!!
x_تحياتي_x

[ابن بامطرف]

أبوحمد

المشكلة انه فالإمارات .. التامين إجباري .. إما شامل أو ضد الغير .. بس إجباري تطلع تامين للسيارة ولا ما يحددو الملكية !

حسونه

الله يصبرنا عليهم ..... إن الله يمهل ولا يهمل .. و بيجي اليوم الي بترجع عليهم حركاتهم ^_^

فقط دبي

للحين أفكر في إما العين الوطنية أو عمان للتامين ..

بإذن الله بعد ما تنتهي الملكية بيصير خير !

[المفتاح الذكي]

ARAB ORIENT INSURANCE

THE BEST IN ABU DHABI

[ابن بامطرف]

Arab Orient = المشرق العربي

^_^