[كويتي - ذوق]

اخواني شخباركم ...
عندي حرارة السيارة الانبير ... يعني المؤشر اذا كانت السيارة ماشية على الخط يكون المؤشر حق الحرارة نازل كثير يعني طايح ...
واذا وقفت السيارة يرتفع المؤشر الى الربع ومرات الى النص ...
هل حرارة السيارة .. فيها خلل ولا طبيعية كذا ؟
وياليت اللي عندة خبرة بعد بالزرار .. يقولي معنات هالكلمات لانها موجودة عندي ومش فاهمها ..
1- ASL
2- DVAL - DUAL
3- PWR-ECT-NORM
4-FRONT
وياليت الرد ضروري .. شكرا

[بو^^جاسم]

عفوا أخوي ،، سيارتك كامري ؟؟؟؟؟

هني قسم لكزس ،، فئة الجي أس

لو تنزل موضوع بقسم الكامري ، يمكن الأخوان يفيدونك

[ليكزي]

هلا و مرحبا ..

عندي حرارة السيارة الانبير ... يعني المؤشر اذا كانت السيارة ماشية على الخط يكون المؤشر حق الحرارة نازل كثير يعني طايح ...

أكيد، لان السيارة تمشي فـ الهواء يبرد على المكينة ..

واذا وقفت السيارة يرتفع المؤشر الى الربع ومرات الى النص ...
هل حرارة السيارة .. فيها خلل ولا طبيعية كذا ؟

هذا بعد عادي ، و طبيعي ..
أهم شيء، أضف سائل تبريد محرك أو الماء (كل اسبوع تقريبا من جمعة لين جمعة) الا اذا تطلع بالسيارة وايد ..
بس انا عن نفسي ما ارتفع أكثر من ثلث المؤشر حتى الآن ويمكن لاني ما اوقف السيارة في الشمس هي شغالة فترارت طويلة في "عز الشمس" ..

وهنا ملاحظة عنها في دليل مالك السيارة.

- زيادة حرارة المحرك
في الحالات التالية، قد تكون درجة حرارة محرك سيارتك زائدة عن الحد الطبيعي.
# دخول مقاس درجة حرارة سائل تبريد المحرك في المنطقة الحمراء أو فقدان واضع للقدرة.
# تصاعد بخار من تحت غطاء المحرك.

في تلك الحالتين أوقف السيارة فورا وأوقف (المكيف) وأوقف تشغيل المحرك ..

وياليت اللي عندة خبرة بعد بالزرار .. يقولي معنات هالكلمات لانها موجودة عندي ومش فاهمها ..

ان شاء الله حاضرين .. تامر آمر . .

1- ASL

هذه تلاقيها تطلع لما تضغط على زر الـ DSP (ضبط المنظم) في شاشة التحكم في الصوت/الفيديو صح ؟!

ASL ، تعني ضبط منظم مستوى الصوت التلقائي ..
وظيفته: يضبط المنظم ASL مستوى الصوت وجودة النغمة تلقائيا تبعا لمستوى الضوضاء المحيطة أثناء قيادتك للسيارة ..

2- DVAL - DUAL

DUAL باللغة العربية تعني مزدوج ..
و هذه الكلمة والزر يظهر عندما تضغط على زر CLIMATE لعرض تشغيل نظام تكييف الهواء صح ؟!
DUAL هو مفتاح (زر) التشغيل المزدوج ..
وظيفته: يحول نظام تكيف الهواء بين الوضعين المزدوج والمشترك في كل مرة يتم فيها لمس DUAL
يعني، اذا ولع بالأصفر، السواق والراكب الأمامي "العبري" تقدرون يختارون درجة الحرارة اللي يبونها على كيفهم .. طبعا من خلال ازرار TEMP ^ v ..

3- PWR-ECT-NORM

هذه الله يسلمك تلاقيها في هالموضوع:-
أنظمـــ لكزس Gs ـــة بـ رؤية فنية وميكانيكية ..
وهي باختصار تعطي عزم وبور زيادة للموتر ..

4-FRONT

بإختصار ، لـ إزالة الضباب عن الزجاج الأمامي ..
بتلاقي الهواء يطلع من فتحات التكييف اللي تحت الزجاج علطول ..

اتمنى اني جاوبتك ..
و اسمحلنا على التأخير لاني كنت مشغول بالامتحانات و الواجبات ..

حياك الله

بو^^جاسم

خير يا بوجاسم ؟! بالراحة ياخوي ..
الرجال يسأل عن الـ GS .. مب مشكلة و مافي مانع ؟!
يا مرحبا فيه .. مب شرط يكون عنده GS ، يكمن حد من هله عنده الموتر ..

تحياتي
ليكزي

[بو^^جاسم]

المشاركة الأصلية كتبت بواسطة ليكزي

بو^^جاسم

خير يا بوجاسم ؟! بالراحة ياخوي ..
الرجال يسأل عن الـ GS .. مب مشكلة و مافي مانع ؟!
يا مرحبا فيه .. مب شرط يكون عنده GS ، يكمن حد من هله عنده الموتر ..

تحياتي
ليكزي

هههههههههه لا لا مو قصدي أخوي ليكزي .. والله ما أقصد شي ..

بس أنا مشيت على معلومات الشخص و قلت ممكن هو مضيع ، و حبيت أوضح له ..

بس مو مشكلة ،، كفيت و وفيت يا مشرفنا ..

[عبدالسلام ضعيف]

up up up up

[كويتي - ذوق]

ليكزي الله يعطيك العافية دايما ... تحرجنا بتواصلك معانا ...
وبالنسبة لبو جاسم ... اي ولله بالراحة ...
انا عندي لكزس GS 300 موديل 2000
مادري شطرالك على الكامري؟

[م ع ي جي إس]

السلام عليكم و رحمة الله و بركاته
بإختصار كل اللي قاله ليكزي صحيح .

تقبل مروري