[عبدالله بن ناصر]

السلام عليكم ورحمة الله و بركاته

اشحالكم يا الربع


في البداية احب ان اشيد بهذا المنتدى الرائع و هذي اول مشاركة

و عندي استفسار بخصوص الشفت


امسات سرت فصلت شفت الستيشن


بس الموتر ما طاع يتحرك

ادزه في الاول و اشل ريوولي عن الكلج بعد ما يتحرك و الغريب ان اموتر ما يبند


شو المشكلة ؟؟؟




تقبلوا تحياتي عبدالله بن ناصر

[ولد الاكرام ...]

اخوي عبدالله بن ناصر ..

.. الله يعطيك مليوووووون عافيه يا الغالي .. وزود اذا بغيت دبلهم 60 مرة ..
.. اول شي يشرفني اني اكون اول واحد في المنتدى يرد على موضوعك يا الغالي ..
.. وثاني شي يا مرحبابك بين اخوانك يا الغالي ..

.. اما عن الشفت هاذا اخوي اللي اعرفه من ناحية اني استخدمت كذا سيارة دفع رباعي .. اذا فصلت الشفت لازم تشغل الدبل الـ 4H عشان تمشي السياره انا مجرب ها الحركه كثير في القديم ..
.. لكن الجديد ما جربت ..
.. تقبل مروري ..

(( ت ح ي ا ت ي )) .. ولد الاكرام ..

[عبدالله بن ناصر]

مرحبا بك زود


لا هنت يا ولد الاكارام على الترحيب الراقي
مرحب لا هان

بخصوص ال4h

احرك السيارة بعدين ارجعها على السنقل و لا كيف ؟؟

[ولد الاكرام ...]

.. لا لا اخوي عبدالله .. تتم تستعمل السياره وهي في وضع 4H يا الغالي انا استعملت سيارتي على ها الحاله تقريباً شهر وما واجهتني مشاكل يا الغالي الحمد لله ..

(( ت ح ي ا ت ي )) .. ولد الاكرام ..

[عبدالله بن ناصر]

تسلم يا ولد الاكرام


و ان شاء الله راح اجرب الحركة اليوم و برد لكم خبر

[ولد الاكرام ...]

.. حاضرين لك اخوي عبدالله ..
.. وفي انتضارك يا الغالي ..
.. تقبل مروري ..

(( ت ح ي ا ت ي )) .. ولد الاكرام ..

[بنت الخران]

معلومات مفييده


الله يعطيكم العافيه

وهالله هالله بعماركم

[أبوحمد]

كفو يا ولد الاكرام وعافاك الله ..

وننتظر تجربة أخونا بن ناصر للفائدة ..

[راعـي الاولـه]

اول شي ارحب فيك في منتدانا الغالي ويامرحبابك ياخوي


وثاني شي اي شفت فصلت انت الدبل والا الشفت الكبير .؟

[عبدالله بن ناصر]

المشاركة الأصلية كتبت بواسطة راعـي الاولـه

اول شي ارحب فيك في منتدانا الغالي ويامرحبابك ياخوي


وثاني شي اي شفت فصلت انت الدبل والا الشفت الكبير .؟

انا فصلت الشفت اللي هو في النص (عصاة الدوران) اللي فيها 8 براغي اربع في البداية و اربع ف نهايتها

[عبدالله بن ناصر]

المشاركة الأصلية كتبت بواسطة بنت الخران

معلومات مفييده


الله يعطيكم العافيه

وهالله هالله بعماركم

لا توصين

[بنت الخران]

اتصلت فى ولد عمي وسئلته بخصوص الشفت كيف يفصلونه

قالني يمكن في فيوووز

بمجرد تفصلينه

علطوول يفصل الشفت

بس ما ادري اي فيوز !!!!

[عبدالله بن ناصر]

تسلمين يا بنت الخران


يا ليت لو حد يعرف لو شي فيوز لازم افصله و لا


و انا ان شاء الله باجر العصر بسير افصله و بييبلكم الفيديو

[عبدالسلام ضعيف]

Good information.. thanxxx

[راعي الكاربيتر]

الشفت ما ينفصل بفيوز حسب الخبره .. اللي اعرفه ان الموتر يتم بليا دقمه و يعقون الشيلات هذا اللي سولي اياه في الاستيشن 8سلندر موديل 98 و السموحه عالقصور بس بتاكد مره ثانيه و بردلكم خبر انشاء الله