[المــمـــيــز]

بسم الله الرحمن الرحيم
.
.
.

اخواني اعضاء هذا المنتدى الرائع

واحد من اخوياي امس مطلع جي اس 300 بس يبي يضللها

وسمعت ان التضليل الحراري يمنع الجي بي اس او يضعف الاشارة

وسمعت ايضاً ان فيه تضليل خاص ما يعزل الجي بي اس

فما هذا النوع واين احصلة

رحنا امس لشركة اواكس واعطانا تظليل خفيف بقيمة 2100 ريال كامل السيارة

بس قال انه ما يعرف وما عمرة سمع ان احد اشتكى من التظليل الخاص بالجي بي اس

ارجو الافادة لو سمحتوا وشكرا

[ليكزي]

بالمبارك على السيارة ..
الله يعطي خويك خيرها ويكفيه شرها ..
صراحة، انا ما انصح بالتظليل بالذات وبالعازل الحراري بشكل عام ، للأسبب التالية :-

- اولا، السيارة بنفسها من المصنع جاي فيها عازل حراري على زجاجات السيارة بنسبة بسيطة ..

- ثانيا، التضليل او "المخفي" خاصة وبعض انواع العازل الحراري عموما قد يؤثر على المستشعرات داخل السيارة ويؤدي لخللها ، اقصد بالمستشعرات ، التالي :-

- مستشعر وظيفة مقاومة الابهار تلقائيا ..
- مستشعر التحكم بالأنوار الأمامية تلقائيا ..
- مستشعر قطرات المطر تلقائيا ..
- و هناك مستشعر اسفل الزجاج الخلفي تماما لا أعلم ما وظيفته بالتحديد ..
- ربما نظام الملاحة ..

لذا، انا انصح بتفصيل ستارة جانبية للنوافذ القاعد الخلفية (ان أمكن) لحماية السيارة من أشعة الشمس .. مثل ما عامل أخوي بو^^جاسم كما في هذه الصورة:-

بس قال انه ما يعرف وما عمرة سمع ان احد اشتكى من التظليل الخاص بالجي بي اس

هههه ، كلهم كذا .. لازم يقولك كذا لمصلحته، والأهم انه يبيعك السلعة طبعا ، او الشباب اللي ركبوا يكونوا مب مفتكرين و ما يستخدمون النافي و ما يستفيدوا من مستشعرات السيارة " بس ديكور " ..

الا اذا اتفقت معاه بجد انه يرد لك فلوسك كاملة ويشل لك التظليل اذا تأثر الـ GPS أو احد مستشعرات السيارة ، هني أوووكي بقولك ركب و توكل على الله .. غير كذا ما افضل بصراحة الا اذا ما تهمك ..

تحياتي
ليكزي

[المــمـــيــز]

مشكور اخوي على الشرح المفصل على المعلومات

بس عندي ملاحظة اليس مستشعر قطرات المطر لاصق بالزجاج الامامي بمعنى انه لا يمكن التظليل علية

كلمت في كووول قبل ما ارد عليك بثواني قالي موجود عندنا تظليلة خاصة للنافيقيشن

بس انها تركب قدام لان المستقبل للجي اس موجود تحت الطبلون الامامي بس والله سعر قالي يمكنه غلطان قالي

تضليل زيرو زيرو او اغمق منها بدرجة بسيطة كامل السيارة 1500 ريال قلت يا رجال اخاف انك غلطان

لان اواكس وهي شركة جديدة قالنا 2800 ومع الخصم 2100 وانت بتفرق600 ريال فرق كبير مو سهل

المهم بالموضوع انه قال بعطيك ضمان على الجي بي اس

عاد ان شاء الله بكلم خويي اليوم ونبروح لله ان شاء الله

يعطيك الف عافية على المعلومات العامة وخاصة حركة الستاير الصراحة اعجتبني بقوة

براسم ابو جاسم واشوف وضعها

[عشعوش@]

يخوي ضلل مافية مشكلة وتر كل الشركات مثل بعض واذا خايف مرة ضلل في الشركة

[بو^^جاسم]

نصيحة من أخوكم بوجاسم ،، يا شباب بالنسبة للتظليل الحراري لو بتركبه .. ركبه و أنت مغمض و مرتاح ، لأن ما عليه أي تأثير سلبي على السيارة لحد يحاتي يا شباب ، التظليل ما يسبب أي مشاكل في أي وظيفة بالسيارة ..

و الكلام هذا مضمون 100% ،، صاحبي عنده جي أس 300 و مركب تظليل حراري على جميع الجامات .. و ما إشتكى من أي شي ، يعني الأمور طبيعية ..

أيظا أظم صوتي لأخوي ليكزي ،، و أقولكم الستارة تقلل من أشعة الشمس و مفيدة طبعا ..،، لكن كمنظر للموتر .. أكيد التظليل أحلى و أجمل

[م ع ي جي إس]

zipart وبس... أنا مظلل موتري من هناك زيرو توو و الحمدلله ما في أي شي تأثر بالأنظمه ... خلي صاحبك يتوكل على ربه و يظللها بس أهم شي ياخذ الضمان عشان لو يصير شي في التظليل .

تقبل مروري

[ليكزي]

المــمـــيــز

بس عندي ملاحظة اليس مستشعر قطرات المطر لاصق بالزجاج الامامي بمعنى انه لا يمكن التظليل علية

لا الله يسلمك ، المستشعر موجود مباشرة خلف المرآة الداخلية للرؤية الخلفية، والحقيقة ان هناك مستشعر آخر موجود في نفس المكان، وهو مستشعر وظيفة مقاومة الإبهار تلقائيا الذي من شانه تقليل الضوء المعكوس من انوار السيارت التي تسير خلفك ..

دائما الملاحظات والتنبيهات المكتوبة في دليل المالك كالتالي:-
- لضمان عمل المستشعر بصورة صحيحة، لا تلمس المستشعرات أو تغطيها ..
- قد لا يعمل المستشعر بصورة صحيحة إذا تم وضع أي شيء على المستشعرات أو لصق أي شيء على الزجاج الأمامي في موضع يحجب المستشعر.

فانا من هذا المنطلق انصحكم، وانتوا احرار وبكيفكم طبعا .. انا افضل حركة الستائر الجانبية مثل ما عامل أخوي بو جاسم وكنت افكر فيها من زمان وما توقعت حد مسويها بصراحة "فاجأني بوجاسم" ما شاء الله عليه .. بس سؤال، مادري نقدر نفتح النافذة والا لا ؟!

تضليل زيرو زيرو او اغمق منها بدرجة بسيطة كامل السيارة 1500 ريال قلت يا رجال اخاف انك غلطان

لان اواكس وهي شركة جديدة قالنا 2800 ومع الخصم 2100 وانت بتفرق600 ريال فرق كبير مو سهل

هذا ما كنت انوي ذكره لك في ردي السابق بس نسيت ، وهو انه مجرد انك تطلب نوعية معينة او خاصة من العازل الحراري، صاحب المحل يستغل الفرصة "علشان يضرب عليك السعر" ، انا احس كذا وهم يبونها من الله ..
والله اعلم اذا انه نوعية خاصة فعلا او لا "مجرد كلام" ..

فانا اقول انت ركب النوع العادي، بس اتفق ويا صاحب المحل - ان امكن - اذا تاثر نظام الملاحة او مستشعرات السيارة او حتى بعض المرات يتأثر ارسال الراديو - مثل ما سمعت - بس احس لو قلت له هالكلام ، بيقولك راح اركب لك نوعية خاصة ويستغلك في السعر طبعا "بس مادري هي فعلا خاصة والا يضحكون علينا " .. يعني لو ما اتفقت وياه وما قلت له شيء، وركبت النوعية العادية يمكن ما تأثر " بس ما تظمن وبتكون مجازف " .. هني المشكلة ..

السالفة مب راكبة ، مادري شقولك .. الا اذا فعلا ما يأثر أو مب هامتك والشغلات هذه "يدكور في السيارة" ، حزتها ركب ياخوي .. وعالعموم، السيارة جايتك بعازل حراري خاص فيها نت المصنع في اليابان وانا اشوف الزيادة مالها داعي كبير صراحة ..
الله يوفقك ..

انا انا نفسي ما افكر اركب لاني احس اني راح اجازف ويمكن ادفع عالفاضي ، لانه يا ما ناس ركبوا ولا حسوا بفرق وكأن شيء لم يكن والبعض الآخر يمدح العازل، لذا افضل الموتر بحالة الوكالة ، غير انه حركة بوجاسم روووعة وما تقصر .. و"الشماسية" بعد ما تقصر ..

عشعوش@

ضلل في الشركة

ليش الشركة اصلا تضلل حق اللكزس ؟! واين نوع تستخدم ؟! وهل تعطي ضمان بان كل شيء راح يكون شغال OK تمام و بدون خلل في السيارة ؟!
اكيد السعر عندهم فووووق ---******** لازم بعد شغل وكالة

نصيحة من أخوكم بوجاسم ،، يا شباب بالنسبة للتظليل الحراري لو بتركبه .. ركبه و أنت مغمض و مرتاح ، لأن ما عليه أي تأثير سلبي على السيارة لحد يحاتي يا شباب ، التظليل ما يسبب أي مشاكل في أي وظيفة بالسيارة ..

والله يا بوجاسم ما اكذبك ياخوي الا بالعكس صادق ان شاء الله ، بس انا قريت اكثر من رد من الشباب في المنتدى وخاصة قسم الـ IS انه يؤثر بنسبة معينة والبعض الآخر قال ما يؤثر ، الله وأعلم .. فمن كذا ، انا ما ودي اجازف في العملية .. و حركتك اشوفها الحل الأمثل بالنسبة لي .. ومن ناحية المنظر بعد اشوفها أحلى وأجمل " تحس ان عندك سيارة ملكية " ..

تحياتي
ليكزي

[المــمـــيــز]

صحيح ابو جاسم كلامك خويي ركب بعد ما قريت ردك الساعة9 باليل استلمنا السيارة

وفعلا ماشاء الله كل شي شغال حتى الراديو ما فية اي تأثير مع الجي بي اس

والمحل سوالنا اختبار على الزجاج بالتظليل وبدون تضليل

جاب كشاف لون نورة احمر وحطة على الزجاج الغير مظلل

وقال حط يدك على الزجاج لاحظت الحرارة تدخل عليك زي

الشمس

بس يوم راح للزجاج الامامي المظلل (في كووول)ان الحرارة

تكون شبة معدومة يعني يمكن تعزل اكثر من 60%

بعد التجربة هذي اقتنعت بتظاليل (في كووول)

مشكورين على تنويري بمعلوماتكم وتجاربكم واشكركم من كل

قلبي

[(غير مسجل)]

في كول و زيبارت (او اي عازل حراري فيه طبقة معدنية) يؤثرون على نظام الملاحة... هذا الكلام عن تجربة شخصية... قد يعمل نظام الملاحة لكن الاشارة تكون اضعف... يمكنك التأكد من قورة ارسال الاقمار بالقائمة السرية...

[ليكزي]

المــمـــيــز

الف مبروووك لك ولخويك على التظليل ..
حلوووة حركة اقناع العميل بدور وفائدة وأهمية السلعة .. بس ما تدري، (ربما) ايضا هم لهم الاعيبهم وحركاتهم الخاصة في مثل هالأمور مثل ما يظهر في كثير من المحلات التجارية وبعض القنوات الإعلانية الخاصة .. والله أعلم طبعا ..

على كل حال.. انا ما انكر دور النوعيات الممتازة من العازل الحراري في التقليل والحد بشكل كبير من دخول أشعة الشمس الحارقة ولهيبها الى داخل السيارة في فترة الظهيرة بالذات .. لكن اشوف ان البعض يمدح وحاس بالفرق و دور العازل والبعض ما يحس بأي فرق و كأن شيء لم يكن .. بس انت يبدو عليك انك مقتنع ولله الحمد ، وقناعتك الشخصية هي اهم ما في الموضوع ..

(غير مسجل)

في كول و زيبارت (او اي عازل حراري فيه طبقة معدنية) يؤثرون على نظام الملاحة... هذا الكلام عن تجربة شخصية... قد يعمل نظام الملاحة لكن الاشارة تكون اضعف... يمكنك التأكد من قورة ارسال الاقمار بالقائمة السرية...

لذلك انا لم اقل .. يمنع من العمل، انما قلت قد يؤثر أو لا يؤدي الى العمل (بصورة صحيحة) وطبعا في فررق بين التعبيرين .. بس ان شاء الله التأثير ما يلاحظ و ما يكون كبير لأخوي المميز و صديقه .. والله يبارك له ان شاء الله ..

اعتقد باننا اشبعنا الموضوع حقه و زياده ولا داعي للمزيد و ما قصرتوا يا شباب ..
واشكر لكم تعليقاتكم و آرائكم المفيدة ..

تمنياتي لكم بالتوفيق ..

تحياتي
ليكزي

[فروتي جده]

علي فكره واحد من المهندسين في الشركه نصحني بعدم عمل التظليل

حتي ولو كان من الشركه نفسها للكزس

[المــمـــيــز]

مشكورين وماقصرتو واهم شي تكون الصورة صارت واضحه لي او لزميلي

ولكل الاعضاء في القسم هذا وانشاء الله نشوفكم على خير

وعلى فكرة :-

زميلي طلب مني اضع هذا الموضوع لانه من زمان يقول متابع قسمكم وانه بفضل الله ثم اعضاء القسم

ومواصفات السيارة الرائعة اشترى السيارة

وان شاء الله تشوفونة هنا معاكم

الله يوفقكم

------------
-انتهى الموضوع -
------------