[أسير كامري]

بسم الله الرحمن الرحيم

السلام عليكم ورحمه الله وبركاته/

لازال الإبداع يشق طريقه نحو التميز والجودة

إنك إذا أردت أن تتكلم عن اسطورة من أساطير هذا

الزمن فإنك بالتأكيد تتحدث عن كامري ..

^ ^ ^

أصلح مقدم ولامندوب مبيعات

حيا الله الشباب يبي لنا جلسة < الحين القهوة والقدوع

بما أننا إخوان وسيارتنا كامري < يرحم أمك لاتتكلم

فلذلك نبي نشوف أرائكم وتصويتكم لأفضل موديل للكامري

مع شرح السبب ..وننتظر التفاعل منكم ..

[أسير كامري]

اخترت 2002 والسبب الراحة + قوة البودي والتحمل

واللي بيقول ليش حاط كل هالخيارات بقول له : عشان

ماحد يتعذر وعشان بعض الموديلات طلع فيها عيوب تصنيعية

وتحياتي للجميع ..

[-فارس-]

2002 بلا منازع

لانها قمه في التحمل والجوده


تحياتي

[راعي جراندي]

من 2000 الي 2002 اهبل الكوامري تتحمل بقوه ونا مجرب لا والحمد لله معي قرالندي

[ابو النوواويف]

بصراحه انا صوت 2007 بتقولي ليش ؟
لاني ما جربت غيرها وبصراحه سياره قمة في الابداع والراحة والفخامة <لايحد يجي ويقولي بانورما وين راحت****
انا اتكلم عن اللي في مستواها

[هـ ي هـ]

آنـا أخترتـ 2007 واللـــه ماجربتـ ألا هـــي ومــا أقــول ألا مآشـــاء اللـه

يعطيكـ، العافيــة أخووي ع الموضوغ . .

تقبل. مروري

[أسير كامري]

فارس / راعي جراندي / ابوالنواويف / هـ ى هـ

شرفتونا بإختياركم ومروركم الطيب لاعدمناكم ..

[لووووورد]

انا مريت بالكوامري كلها

من 99 وكلها ابداع بس 2002 توب التوب احسن موديل

وفي عندي كامري حق الوالد 99 برهمها 2002 يكفي شكلها

2002 فيه قوة تحمل مو طبيعيه وقوة مكينة جامده

وراحه وما يشتكي ابد غير 2007 و 2008 كل يوم واحد يطلع فيها عيب


2002
بلامنازع والي ما جرب يوقف تكسي ويجربها هع

[فارس الرياض]

انا صوت لأحسن موديلين في الكامري من واقع تجربه
وهما 2002 و 2007 وفالهم البيرق

[مصرقع الشرقية]

2002 يكيفي انها ياباني

[عاشـــق اللاند]

صراحه انا صوت لل2007 وعلى فكره ترا عندي 2002 مافيها راحه بالعكس ذبلة كبد المكينه تعبانه 4 غيارات ولا فيها حيل للخطوط والدوس عكس ال2007 مكينة تبي خطوط وتحس بقوتها من دوسه البنزين وبالسفر مريحه جدا اريح من 2002 لاني مجربهم كلهم واللي يقول 2002 افضل يمكن من وجهة نظره لانه ماجرب الجديده

[أسير كامري]

لووووورد / فارس الرياض/ مصرقع الشرقية /عاشـــق الاند
يعطيكم العافية على طرح الآراء وماقصرتوا .. للمعلومية أخوي عاشق الاند < خطأ كتابة الاند [اللاند ] < فاضي ماوراه شئ يصيد أخطاء

شكلي تفلسفت عليك والله يستر شكلها غلط على

[المجمعة]

انا صوت 2006 لأني مجربها وشكلها زين وصبورة ماشيه 98000 وحتى الحين احس انها جديده (ماشاء الله )اللي معي قراندي (v6) ولا اروع.... .

[أسير كامري]

المشاركة الأصلية كتبت بواسطة المجمعة

انا صوت 2006 لأني مجربها وشكلها زين وصبورة ماشيه 98000 وحتى الحين احس انها جديده (ماشاء الله )اللي معي قراندي (v6) ولا اروع.... .

هلا والله بأهل المجمعة وشلون الممشى اللي على طريق الملك فهد

والله وأنا أخوك دايم أشطفكم هنااااك فيه مغناطيس يجذبني لسدير

2006 حلوووه وموتري ماشي 145,000 ألف كم

وماعليه بس أنا أفضل 2002 تحياتي لك ..