[سيد الملاحـ]

بسم الله الرحمن الرحيم

شخباركم يا شباب

شباب انا عندي هايلكس 2007

والحمد لله معاي مثل العسل

قبل ما ابداء اعدد المشاكل الي في سيارتي واسال هل تواجهون هالمشاكل واعتقد انها موجودة معاكم

ابقول سبب هالمشاكل في سيارتي

انا سافرت بسيارتي من الرياض قبل سنة تقريبآ ألى الديرة تقريبآ 1500 كيلو

المشكلة مو في المسافة المشكل ان المنطقة الي انا فيها وجلد يعني انسى الزفلت

المهم رجعت من الديرة وطلع عندي باسيارة صوت مزعج بالمقاعد ( المراتب ) اذا اخذة مطب او او الكفرة طلعت على شي حت لو شي بسيط كئن السيارة موديل 88

واذا نزلت الجلد يطلع صوت ( عطيط ) من باب الصندوق او الصندوق

س \ الحل في هذا الصوت بالمراتب والصندوق ؟
_ _ _ _ _ _ _ ______________________

المشكلة الثانية في السيارة يطلع صوت اذا شغلت المكيف ورحت الوكالة وغيرو الكلتش وللاسف الى الان موجود الصوت مابوة جديد

س \ الحل في صوت المكيف ارجع للوكالة من جديد ؟ وليش رجع الصوت ؟
_ _ _ _ _ _ _ ______________________

المشكلة الثالثة الي انا ماقول انها مشكلة

انا طالب بجامعة الامام محمد بن سعود والجامعة تقريبآ بيني وبينها 30 كليو

يعني يوميآ اقطع 60 كيلو وانا بيني وبينكم امشي 140 كليو

س \ هل هذا السرعة او المسافة تظر السيارة ؟

لان قلت لخوي قال اية السرعة تضر السيارة وانا اقول يمزح لانة مايبيني اسرع !!

_ _ _ _ _ _ _ _ _ _____________________

* انا ابي اركب جنوط مرسدس تنصحوني او لا

هل في محل بالرياض معين تنصحون اروح ؟

وكم سعر الجنوط الاربعة ؟

_ _ _ _ _ _ _ _ _________________________

ياليت تفيدوني في هل المشاكل

وش اسوي اروح الوكالة هل الوكالة راح تحل المشكلة

هل تواجهون هذا المشاكل وش الحل عشان نتخلص منها ؟

انا قلت اسالكم لان ممكن تكون مرة عليكم هالمشاكل وكيف تتخلصون منها وهل تخلصتم منها ؟

اتمنى كل شخص يدخل الموضوع يدر حتى لو مايعرف شي

[بوووحه]

والله يالغالي بناحيت الجنوط ركبه حلو تلقها في الغرابي
والمشاكل رح الوكاله وخلهم يصلحونه على الضمان

والسرعه ماله دخل
((اخوك مايغاك تسرع ))
بس لا تعلمه ترا مالي دخل
هههههههههه

[احب سيارتي]

انا اشوف لو ترووح للوكاله افضل شي
اما السرعه فانا مدمن سرعه ومامشي الى طبلووون السياره
وماشفت ضرر ولله الحمد

[طم طم]

أريد أن أسألك سؤلين لعلها تحل لك مشكلتين :d

هل نجدت المقاعد او قمت بفتح المرتبة الخلفية ؟

هل يوجد لديك جناح بلاستيكي في أعلى صندوق السيارة ؟

[عـاشـق الـهـلـي]

فيه حل بصوت المراتب الخلفيه الا وهي انك تحت فرشه تحت المرتبه وتسكرها
لن المشكله موجوده من 2006 و بخصوص باب الصندوق هل انت فاك الفيبر

وبخصوص صوت الي كنه ديزل اذا شغلت المكيف هذي المشكله من 2006 وللحين وفيه دفعات مافيها صوت ديزل
والحل انك تروح الوكاله كل مره وتعلهم لين مايضبطونه لك صح لنه على حسابهم كل مره يغيرون لك الكلتش

السرعه ماتضر ياحبيلك تمشي 140 فيه ناس اعرفهم يمشون 190 وهم رايحين لدوام وماجا موترهم شي
بس نصيحه حافظ على المكينه غير زيتها كل 5000 مع فلتر الزيت ونظف فلتر الهواء

وجنوط المرسدس احسن جنوط للهايلكس
ورح لم الغرابي وقل ابي جنوط مرسدس اسود لماع 7 انش مقاس 15 من مصانع الاحمدي
وتراها صينيات لكن طيبات و سعرها 850 ريال الطقم وركب عليها كفرات خط 215/75/15 يوكهما

ونصيحه فك الجناح تراه عله يطلع صوت


وبتوفيق

[هــلي]

ورح لم الغرابي وقل ابي جنوط مرسدس اسود لماع 7 انش مقاس 15 من مصانع الاحمدي
وتراها صينيات لكن طيبات و سعرها 850 ريال الطقم وركب عليها كفرات خط 215/75/15 يوكهما

اول شي الغرابي بعضهم شغلهم نصب في نصب

ثانيا لاتركب صيني ينعفط بسرعه

ركب مرسدس المانية هي الاصلية 7 انش وعشان مايغشونك
ترا الاصلي يجي فيه علامة هلال عند بلف الهوا وفتحاته تميل للبيضاوي يدخل فيه اصبيعن

يمكن يطلعن غاليات لكن تراهن زينات مره واحرص انه مايكون فيهن رجه

[عـاشـق الـهـلـي]

المشاركة الأصلية كتبت بواسطة هــلي

اول شي الغرابي بعضهم شغلهم نصب في نصب

ثانيا لاتركب صيني ينعفط بسرعه

ركب مرسدس المانية هي الاصلية 7 انش وعشان مايغشونك
ترا الاصلي يجي فيه علامة هلال عند بلف الهوا وفتحاته تميل للبيضاوي يدخل فيه اصبيعن

يمكن يطلعن غاليات لكن تراهن زينات مره واحرص انه مايكون فيهن رجه

انا الي عندي فيها علامة هلال عند فتحت البلف وهي صينيات

الاصليه ياطويل العمر المانيه يجي علامة مرسدس فيها وعلامه هلال عند فتحت البلف

وانا الي عندي حقات الهليات الجديده تاريخ صناعه الجنط 2008 حتى انها لاتجي لها رجه ولا شي

وياهلا

[هاوي بريده]

بسم الله الرحمن الرحيم

انا سافرت بسيارتي من الرياض قبل سنة تقريبآ ألى الديرة تقريبآ 1500 كيلو

المشكلة مو في المسافة المشكل ان المنطقة الي انا فيها وجلد يعني انسى الزفلت

المهم رجعت من الديرة وطلع عندي باسيارة صوت مزعج بالمقاعد ( المراتب ) اذا اخذة مطب او او الكفرة طلعت على شي حت لو شي بسيط كئن السيارة موديل 88

واذا نزلت الجلد يطلع صوت ( عطيط ) من باب الصندوق او الصندوق

س \ الحل في هذا الصوت بالمراتب والصندوق ؟

نفس المشكله لكن أنا طلعت لي بعد ما فكيت لمبة الاشاره

فأتضح لي ان السلك يضرب في الصندوق ويطلع الصوت !



_ _ _ _ _ _ _ ______________________

المشكلة الثانية في السيارة يطلع صوت اذا شغلت المكيف ورحت الوكالة وغيرو الكلتش وللاسف الى الان موجود الصوت مابوة جديد

س \ الحل في صوت المكيف ارجع للوكالة من جديد ؟ وليش رجع الصوت ؟

ياعزيزي لاحظ أنك اذا ضغطت على الكلتش اختفى الصوت


لكن نصحني الاكثريه بتغيير زيت القير


لكن قلت في نفسي هذه مكينه جديده وهي vvt-i فأكيد الصوت موجود فيها


والصوت هذا في جميع الهايلكسااات يعني لاتخاف

_ _ _ _ _ _ _ ______________________

المشكلة الثالثة الي انا ماقول انها مشكلة

انا طالب بجامعة الامام محمد بن سعود والجامعة تقريبآ بيني وبينها 30 كليو

يعني يوميآ اقطع 60 كيلو وانا بيني وبينكم امشي 140 كليو

س \ هل هذا السرعة او المسافة تظر السيارة ؟

هذا تمرين للموتر حتى ما يختفي او يطيح عزمه مع الايام


لكن حبذا تمشي 120 أفضل لك لان ابن باز رحمه الله افتى ان من مات

بسرعه فوق الـ 120 فيعتبر منتحر !


وبين فتره وفتره حاول بقدر المستطاع أنك تمشي طبلون الموتر

حتى تتمرن المكينه وتصبح قويه وتلاحظ في الايام القادمه

لان قلت لخوي قال اية السرعة تضر السيارة وانا اقول يمزح لانة مايبيني اسرع !!

_ _ _ _ _ _ _ _ _ _____________________

* انا ابي اركب جنوط مرسدس تنصحوني او لا

هل في محل بالرياض معين تنصحون اروح ؟

وكم سعر الجنوط الاربعة ؟

_ _ _ _ _ _ _ _ _________________________

سعر الجنوط يتراوح من بين الـ 900 الى 1200


فيه مصبوغ وفيه غير مصبوغ ويفضل تشتري وتصبغ انت في فرن لون فضي

وحاول تشتري جنوط مرسدس غير مخروطه لانها هي اللي تركب على الهايلكس الجديد

والمخروطه هي المنتشره الان لو طحت في مخروطه نظيفه

رح لمخرطه وفصل عندهم حلقااات تركبها في حافة الجنط


ولك مني كل الشكر والتقدير