[مجرم حرب]

عزيزي لكزس عاجي أنا الكفرات اللي عندي نوع دانلوب ومزعجتني مع الحفر والمطبات مرة مع أنه مخفف الضغط شوي بس نفس القصة ما تغير شي..
أسئلتي إذا ممكن تفيدني... هل جربت كفرات ميشلان نوع sport A/S لأن اللي عندي GS 300 يعني جنط 17 وهل النوع الأوربي موجد لدى وكيلنا بالسعودية وبالأخص (الرياض) لو عندك خلفية عن أسعارها فلا مانع من إرفاقها....
أو عن رقم وكيلها بالرياض...

الشكر لك وللأعزاء اللي شاركوا بالموضوع الجيد....

[الدب القطبي]

انا معي جي اس 430 ومركب سوميتومو الصراحه هادئ جدا الكفر ولامشاكل ولله الحمد ولايقارن بالدنلوب الخايس المزعج

[مجرم حرب]

شاكر لك أخوي الدب القطبي على الرد....
بس ما قلتلي وش صناعتها (البلد) ..وش نوعها ..وبكم أسعارها..لأن بصراحة أول مرة أسمع فيها بس يقولك أسئل مجرب ولا تسأل خبير(البنشري):
ولو عندك نوعيات ثانية فلا تبخل علينا...

والشكر لك .... مقدماً...

[الدب القطبي]

هلا بك اخوى مجرم حرب انا طال عمرك ركبته من محلات البنشر الي عند مخرج 14 قدام حلقه خضار الربوة ببنشر اسمه بنشر الرياض جنب الطيار الصراحه مالقيته الا عنده ونقشته رياضيه وصناعته يابانيه 100 بالميه وعليه ضمان وتدوير مجاني (ترصيص) بعد25 الف كيلو متر من وكيل الكفر مؤسسه الزهرانى للأستيراد والكفر رخيص جدا قبل الخصم 420 ريال وبعده ب400 طلع على الطقم ب1600 ريال فقط والكفر لين جدا ماشاء الله واختفى صوت الاسفلت الى يشق اذنك شق فى كفر الدنلوب الخياس الصراحه حتى الدركسون والله خف في ايدى كان ثقيل على ايام الدنلوب وصار اخف بكثير الان وقلت بينى وبين نفسى ليش حارم نفسي من زمان على ذا الهدوء

[مجرم حرب]

شاكر لك جدا جدا أخوي الدب القطبي على المعلومات التفصيلية وبروح لهم اليوم أشوفها عندهم......
صراحة السعر حلو جدا وبعدين أنا ألحين ماشي على سيارتي 8000 كلم يعني توها جديدة بنطلها عندهم غديهم يشترونها وشوف كم الفرق بلا مشلان بلا بطيخ ...
يعطيك ألف عافية..

[ابوعقل]

جرب التويو سبورت

دعسه رياضيه

واحد من الشباب ركبه على ال430

Gs

2006

والله الكفرات احسن من كفرات الوكاله بواجد

والحمدلله ماشي معه ومرتاح

ومشكور على الموضوع

[يوسف_لكزس]

من واقع تجربتي أنصحكمبالبرجستون Turanza النقشه الناعمه
قيمة الواحد 925 ريال

صدقوني راح تدعولي الكفرات ابدا" ما لها اي صوت ومريحه جدا" على المطبات

[ولهان لكزس]

مشكور اخوي على لمعلومة
صحيح المشلان هو الرائد في عالم الإطارات بلا منازع (بس اهم شي يكون اصلي وتاريخه جديد)

[محمد مرسي]

السلام عليكم اخواني

احذركم من كفرات (سوموتومو) وعن تجربة شخصية صحيح الكفر هادئ لكنه يضرب بسرعة على الخطوط السريعة مع السرعة حتى لو كان جديد
لذلك وجب التحذير والله من وراء القصد

[لكزس عاجي]

مشكورين جميعا على الردود

ومن واقع تجربة كفرات المشلان تخلي سيارتك حاجة ثانية

صحيح البعض مدح بعض أنواع الكفرات الأخرى ولكن كلامي من واقع تجربة

...............

[مجرم حرب]

شاكر للجميع اللي أفادونا بواقع تجاربهم.....................