[لكزس عاجي]

طبعا الكفرات اللي تجي على السيارة الدنلوب دعستها ماتصلح ابدا الكفر قاسي يخلي مطبات السيارة قاسية جدا بالاضافة الى صوت عالي يزيد كل ما زد سرعتك وتزيد حدة الصوت مع مرور الوقت والاستخدام. ممكن تركب نفس الدعسة اللي تجي على ال 460 ولكن المقاس غير متوفر حاليا وهي أفضل من دعسة الوكالة بكثير واسمها ( Dunlop SP Sport Maxx )

طقم الكفرات الثاني اللى جربته كان يوكوهاما ومشيت عليه تقريبا 20 الف ورميته على طول صوت الاحتكاك بالطريق لا يطاق خصوصا مع شوارع جدة غير... يعني بالمختصر الكفر مشي حالك ودعسته هي (ADVAN A10B) وللمعلومية هذه الدعسة تجي وكالة في بعض دول الخليج .. ممكن تركب الدعسة (ADVAN Sport) وهي أفضل من الدعسة السابقة ولكنها غالية وغير متوفر المقاس حاليا..

آخر طقم كفرات جربته وماشي عليه الآن والله سحر نعومة وليونة حتى صوت الاحتكاك بالطريق قليل جدا والله كأنه راكب سيارة غير يعني نصيحتي لأصحاب ال gs430 يركبوا نفس نوع الكفر وهو مشلان والدعسة هي (Michelin Pilot Sport PS2 ) وحتقولوا بأمانة وداعا للمطبات القاسية...

زميلي مجرب ال كونتينينتال نوع الدعسة (Continental SportContact 2 )
وبالأمانة الدعسة حلوة ولينة والصوت مقبول بس بصراحة الميشلان حاجة ثانية

طبعا سعر المشلان في الوكالة 1200 ريال للكفر الواحد والكونتينينتال 1100 ريال واليوكوهاما 750 ريال

والرابط التالي يوضح مقارنة بين بعض أنواع الكفرات اللي نفس مقاس ال gs 430
http://www.tirerack.com/tires/survey...ll&sortValue=6

[بو^^جاسم]

يعني يا خوي ، لو بركب الميشلان راح أحس بالفرق ؟؟؟؟؟؟؟؟؟؟؟؟؟

و لو كان فيه فرق ، حيكون من أي ناحية ؟؟؟؟

النعومة ؟؟ عدم سماع صوت الشارع ؟؟؟ قسوة المطبات ؟؟؟؟

ممكن توضح أكثر

[لكزس عاجي]

بالنسبة للنعومة وقساوة المطبات فرق كبير عن الكفرات الثانية وحتى صوت الكفرات قبل ماأغير الكفرات الى مشلان كنت اسمع صوت الكفرات بطريقة مزعجة الآن أحيانا وانا ماشي بسرعة 120 مااسمع الا صوت الهواء والكفرات صوت بسيط جدا يعتبر عادي جدا بالنسبة لسيارة رياضية لاصقة بالأرض ...
يعني المختصر المفيد ان جيت تغير الكفرات غيرها الى مشلان نفس الدعسة اللي أشرت اليها في موضوعي مع التأكد من تاريخ صنع الكفر وأن الكفر مصنوع في أوروبا وان شاء الله حتذكرني بالخير ...

[احب لكزس]

شكرا اخوي على المعلومات القيمة وعلى نقل تجربتك لنا
لكن اظافة على كلامك في نوعيىة من ميشلن تعتبر هي الجيل القادم HP primacy واعتقد ان في مقاس من هالنوعية يركب على ال430

وشكرا

[لكزس عاجي]

من واقع التجربة مجرب ال hp primacy على ال bmw 5 series الدعسة حلوة ولكن مواصفات الدعسة اللي مركبها وهي ps2 أفضل بكثير وخصوصا من ناحية الأداء العالي وراحة القيادة وتقليل ضجيج الطريق

عموما دخلت مواقع كثيرة ومنتديات أجنبية ولا حظت أيضا مديح هائل لنفس الدعسة اللي مركبها وهي ps2 خصوصا على ال gs 430

بصراحة كان يجيني ملل وأنا أسوق السيارة زمان لأنك تمشي وتحس المطب يصقع في راسك والآن والله فرق كبير يعني صراحة سواقة السيارة صارت حاجة ثانية ماودك تنزل منها ....

[ليكزي]

شكرا على موضوعك أخوي[ لكزس عاجي] ..

يا اخوان اشوفكم كثير تتشكون من صوت الإطارات .. وما اقرى او اسمع هالشكاوي الا من هل المملكة الأعزاء بالذات " مادري ليش ؟! " ..
انا مادري ، انتوا ما عندكم شوارع مرصوفة عدل يعني ؟! او انكم تتحسسون وتدققون كثير ؟!
ما يصير واحد من الإثنين .. يا هذا يا ذاك ..

انت سيارتي عليها إطارات يوكوهاما ADVAN 10 جايتني من الوكالة طبعا .. ما اشوف الاحظ الكلام والشكاوي اللي تتكلمون عنها بالعكس الإطارات مافيها الا كل خير .. ايش القصة يعني ؟!

هناك صوت يصدر من كل السيارت "ليس لكزس GS فحسب" ، نعم فقط على بعض الشوارع الداخلية القديمة في البلاد فقط ليس الا .. اما الشوارع الرئيسية المشهور ما فيها صوت يلاحظ ..

مثال على تلك النوعية من الشوارع : الطريق السريع الذي يربط مدينة الدمام بـ مملكة البحرين .. تعرفونه ؟! هذ الشارع حدث ولا حرج من صوت الكفرات ..

طقم الكفرات الثاني اللى جربته كان يوكوهاما ومشيت عليه تقريبا 20 الف ورميته على طول صوت الاحتكاك بالطريق لا يطاق خصوصا مع شوارع جدة غير... يعني بالمختصر الكفر مشي حالك ودعسته هي (ADVAN A10B) وللمعلومية هذه الدعسة تجي وكالة في بعض دول الخليج .. ممكن تركب الدعسة (ADVAN Sport) وهي أفضل من الدعسة السابقة ولكنها غالية وغير متوفر المقاس حاليا..

مادري تقصد اللي على سيارتي ؟! اذا كان اجابتك بـ نعم ..
بالعكس ياخوي ، ما اوافقك الراي نهائيا بصراحة ..
الإطارات من أفضل ما يمكن "بدون مجاملة" وانا مرتاح وراضي عنها كل الرضى ولله الحمد .. الا في الحالة التي ذكرتها اعلاه وهي تظهر مع كل الاطارات والسيارات نسبة لطبيعة الشارع فقط ..

اتمنى وصلت رايي لكم ..

تحياتي
ليكزي

[لكزس عاجي]

شكرا أخوي على الرد

ونعم وجهة نظرك صحيحة عندنا في السعودية خصوصا مدينة جدة أسوأ شوارع على الاطلاق وبالفعل أنا مجرب كفر اليوكو اللي عندك ومانفع مع شوارعنا التعبانة وبالمقارنة كفر المشلان 70 % من الصوت والضجيج بسبب سوء الشوارع زال...

طبعا لو جربت كفر المشلان في الشوارع اللي عندكم حتشعر كأنك ماشي على حرير بدون مبالغة

وللمعلومية هذا رابط يوضح مواصفات الكفر و الدرجات اللي حصل عليها الكفر بعد التجربة انظر الى نصف الصفحة وشوف الدرجات المعطاة لكل كفر من عشرة وركز على آخر خمس خانات اللي منها درجة الضجيج وراحة الركوب ...

هذي لكفر اليوكو
http://www.tirerack.com/tires/tires.jsp?tireMake=Yokohama&tireModel=ADVAN+A10B#S urvey

وهذي للمشلان

http://www.tirerack.com/tires/tires.jsp?tireMake=Michelin&tireModel=Pilot+Sport+ PS2#Survey

[لكزس عاجي]

اضافة لموضوعي

نفس الدعسة من مشلان ps2 مجربة على ال gs 300 مقاس الجنط 17وبالفعل حتحس بفرق كبير عن كفرات الوكالة بأمانة فرق الليل عن النهار ومشكورين جميعا على الردود

[احب لكزس]

مرحبا اخوي

الكفر الي راكب على الجي اس 300 Ps2 هل هو 50؟
لاني بحثت عنه في الانترنت ولا حصلت مقاس 50

شكرا

[احب لكزس]

مرحبا مره ثانية

اليوم سالت احد فروع ميشلن عن PS2 وقالي ان الدعسه حقته نفس HP primacy
حتى نفس المواصفات و التقينة

الفرق الوحيد هو ان PS2 نازل على جنوط 18 و اعلى
اما HP primacy ل17

وشكرا

[كمارو]

طيب اخوي لكزس عاجي اشرايك في Toyo T1r

وشكرا على الموضوع الرائع

[فروتي جده]

تويو

كفراتها جدا ممتازه

واسعرهم معقوله

[احمد اورين]

والله افدتون للاوريون مشكورين

[مكتب]

المشاركة الأصلية كتبت بواسطة كمارو

طيب اخوي لكزس عاجي اشرايك في Toyo T1r

وشكرا على الموضوع الرائع

كفرات تويو معروفه أنها أنعم كفرات في العالم , لاكن انصحك بكفر من تويو نقسته مره هاديه ومريح جداً بالمطبات وهو toyo ct01 أهذا من النوع اللي ذكرته وهو t1r وسعره مرة مقبول اتوقع 480 للكفر الواحد بس مني متأكد لانة في سعرة على مقاس 17/55/225 410 ريال

فمرة ثانية التويو جداً مريح في المطبات وروح واسال اصحاب البناشر عن انعم كفر من بين شركات تصنيع الكفرات حيقولولك تويو رقم واحد في المجال هذا

[سعودي تك]

عزيزي لكزس عاجي اشكرك على الموضوع بالنسبة لي كفراتي نوع دانلوب ومتعذب معها من الصوت العالي .
لما رحت اسأل وكيل مشيلان في الرياض عن Michelin Pilot Sport PS2 قال غير متوفره حاليا .
لذا هل هي متوفره في جده .. ارجوا ارسال رقم هاتف وكيل مشيلان في جده على الخاص .

[لكزس عاجي]

مشكورين على الردود جميعا

بالنسبة لل gs 300 الدعسة المجربة من مشلان هي Michelin Pilot Sport A/S

وبالنسبة لل gs 430 الدعسة المجربة من مشلان هي Pilot Sport PS2

بالنسبة لتويو معظم صناعتها كفرات لينة ما هي قاسية أبدا وكما يسمونها الجلو حق الكفرات ولكن يعيب بعض دعساتها الصوت وسرعة المسح لكن تتميز بالمقابل بالليونة واقتصادية أسعارها رغم أنه من المستحيل مقارنتها ببعض دعسات مشلان الأداء العالي..

بالنسبة لرقم الوكالة لا أستطيع كتابة رسائل خاصة حيث أني جديد في المنتدى

و مشكورين جميعا