[عنصر الفشل]

بسم الله الرحمن الرحيم

شحالكم يا هالربع و علومكم .؟؟

انا هوب مطول عليكم ..

بس حبيت انقل لكم معلومه سمعتها ... ولكن انا ما اقول انها صحيحه و لا اقول انها غير صحيحه ...

بس حبيت احذر اخواني الي اشترو و الي يفكرون يشترون الاستيشنات اليداد ...

بس ف الاونه الاخيره ... معظم الحوادث الي صارت و كانت الاستيشن اليديده جزء منها ... كانت الاستيشن تنحرق ...

(( و الحادث الي صار على خط بوظبي دبي و كان من اكبر الحوادث ف تاريخ المنطقه يمكن... كان سببه احتراق استيشن بعد تعرضها لحادث اصدام ))

(( اول ما نزلت الاستيشن اليديده انا سرت وكالة البهوان ف البريمي قسم السمكره و الصبغ كنت ماخذ موتريه الاستيشن و تعجبت يوم حصلت استيشن يديده ما خذت نازله شهر محروقه ... صدق اني انصدمت و لاحظت انه السياره ما تتعرض لحادث تدهوب (ما انجلبت ) .. بس حادث متوسط من جدام ... و انه كانت غاديه مثل الفحمه ))

(( ومن فتره قصيره جدا تعرضت عايله كامله) للحرق تماما(الله يرحمهم جميعا و نجى فقط الي قذف ( نطر) من السياره خلال الحادث باصابات باليغه) و هذا على درب لوقن - العين ( اذا حد سمع به) و كانو ف استيشن من اليداد ))

و يقال السبب انه قزوز السياره ( العادم ) قريب وايد على تانكي البترول هذا شي تخميني على ما اعتقد .. او انه يصير تسريب ف البترول خلال حوادث التصادم

و بعد انه هناك مجموعه من الخبرا اليابانيين بيين الامارات عشان يفحصون السيارات

فانا ارجو من الي عنده من الاستيشنات اليداد يخفف من السرعه و انه يتحفل( يدير باله ) على عمره ... لي ما اشترا يتريا شوي لين ما يحصلون حل ...

و انا هذا حطيت الموضوع عشان فقط انبه


و السموحه

[عبدالعزيز السيد]

مسموح يا الغالي
والله الحافظ
ونحن ضد السرعة

[المفتاح الذكي]

الحادث اللي صار فى الوقن طلوعه فى الجريده

وكان الاستيشن القدييم وامبين مؤخره السياره وقت الاحتراق


وهذا فى كل الجرايد وما ذكر الا سياره صالون وكروزر

سبحان الله من الاشاعات

وبالنسبه للكروزر المحرووق فى غنتووت السيارات كلها موجوده فى الرحبه فى شرطه الرحبه سيير وتأكد كل يووم انا اطووف عليهم وقت الدوام فى السمحه

ولا سياره محرووقه من الكروزر 2008

والسياره الاخيير فى ورشه بهوان

كل يووم انا هناك وما شفت السياره موجوده ؟؟؟

غرييبه


يرجى التأكد

[أبوحمد]

نفس الاشاعات اللي ظهرت على 2006 بالهايلكسات وقالوا لنا أنه حوالي 11 سياره من نوع هايلكس تنحرق على الطرقات السريعه وبنفس العذر اللي تكلمت عنه عدم وجود عازل بين ماصورة الشكمان والبدي !!!

وكلها طلعت كلام فاضي ..

[الكميم]

المشاركة الأصلية كتبت بواسطة عنصر الفشل

بسم الله الرحمن الرحيم

شحالكم يا هالربع و علومكم .؟؟

انا هوب مطول عليكم ..

بس حبيت انقل لكم معلومه سمعتها ... ولكن انا ما اقول انها صحيحه و لا اقول انها غير صحيحه ...
[/font][/b]

==

حلو انك سمعتها
والله يكفيك الشر
==
السياره والحمد لله ما فيها شي واستنتاج خاااااااااااطئ

تقبل مروري

[بوعارف]

ترى الواحد يحط باله حتى ولو كانت اشاعة
وتحياتي

[رجل الغابة]

مرحبا يا شباب احد يترجم لي ماني فاهم شئ (الاستيشنات اليداد ) ايش هذه الكلمة وهذه بعد (ما انجلبت ) والله ماني فاهم شئ وقسم بالله قريتة خمس مرات .
ارجو المساعدة ياربع

[راعي شاص]

مثل ماذكر الأخ اشاعات تريد ضرب سوق اللاند لصالح المنافسين النايمين ...

[بنت الخران]

المشاركة الأصلية كتبت بواسطة رجل الغابة

مرحبا يا شباب احد يترجم لي ماني فاهم شئ (الاستيشنات اليداد ) ايش هذه الكلمة وهذه بعد (ما انجلبت ) والله ماني فاهم شئ وقسم بالله قريتة خمس مرات .
ارجو المساعدة ياربع

الموضوع كلها اشاعات فى اشاعات


رجل الغابه

بخبرك الحينه معنى الكلام

الاشتيشنات اليداد

معناها سيارات الكروزر الجدد 2008

والكلمه الثانيه ما انجلبت

ما تقلبت

ما تدحرجت او تقلبت وكان السقف فى الاسفل والاطارات فى الاعلى





ان شاء الله قد ساعدك فى ذالك

[عاشـــق اللاند]

عفوا اخي الكريم انت تتكلم عن سياره مو عن لعبه ولا اظن شركه تيوتا غبيه تصنع الاند كروز مفخره الارض بهذا العيب العجيب اللذي لم اسمعه الا منك الظاهر انك شريطي تطلع اشاعات اطلب من الاخ ابو احمد المشرف العزيز اقفال الموضوع

[ولد الاكرام ...]

.. الله يعطيك الف عافية اخوي على الموضوع ..
.. لان حتى لو كان هناك تسريب من البترول على الاكزوز ترى ما في اي مشاكل جيب لك حديده حاره وصب عليها بترول ترى ما يولع لان البترول ما يولع الا من لهب والا من شرارة .. تدري لو يولع البترول او يلقى تنسيم بسيط للهب كان ما احترق كان حتى الركاب ما يلحقون ينزلون منها يا الذيب بينفجر التانكي الله يبعن عنا يارب الحوادث (( هاذا اللي انا اعرفة )) ..
.. اما السياره تحترق ترى ما في سياره ما تحترق والحافض ربك ..

.. والسموحه يا الغالي وتقبل مروري يا الذيب ..

(( ت ح ي ا ت ي )) .. ولد الاكرام ..

[راعي الاستاندر]

جزاااك الله الف خير عالتنبيه

[الكميم]

المشاركة الأصلية كتبت بواسطة المفتاح الذكي

الحادث اللي صار فى الوقن طلوعه فى الجريده

وكان الاستيشن القدييم وامبين مؤخره السياره وقت الاحتراق


وهذا فى كل الجرايد وما ذكر الا سياره صالون وكروزر

سبحان الله من الاشاعات

وبالنسبه للكروزر المحرووق فى غنتووت السيارات كلها موجوده فى الرحبه فى شرطه الرحبه سيير وتأكد كل يووم انا اطووف عليهم وقت الدوام فى السمحه

ولا سياره محرووقه من الكروزر 2008

والسياره الاخيير فى ورشه بهوان

كل يووم انا هناك وما شفت السياره موجوده ؟؟؟

غرييبه


يرجى التأكد

==
الله يستر عليهم

تحياتي

[عنصر الفشل]

المشاركة الأصلية كتبت بواسطة المفتاح الذكي

الحادث اللي صار فى الوقن طلوعه فى الجريده

وكان الاستيشن القدييم وامبين مؤخره السياره وقت الاحتراق


وهذا فى كل الجرايد وما ذكر الا سياره صالون وكروزر

سبحان الله من الاشاعات

وبالنسبه للكروزر المحرووق فى غنتووت السيارات كلها موجوده فى الرحبه فى شرطه الرحبه سيير وتأكد كل يووم انا اطووف عليهم وقت الدوام فى السمحه

ولا سياره محرووقه من الكروزر 2008

والسياره الاخيير فى ورشه بهوان

كل يووم انا هناك وما شفت السياره موجوده ؟؟؟

غرييبه


يرجى التأكد

يا خويه انا بس حبيت انبه ... هوب ياي انا اخرب سوق الاستيشن ... بس سمعت كلام و انا روحيه عنديه استيشن موديل 2006 ... يعني راعي استيشن ... و حبيت اشارك اخوانيه ف المنتدى معلومة ...


و بخصوص انك كل يوم ف ورشة البهوان غريبه .... انته شو اداوم اهناك؟؟؟؟؟ (( فيا اخويه هوب زينن انك اجذب اريال عسبت شي هين ؟؟))

و لا بعد كل يوم ف السمحه .... يعني يالس تضرب خطوط كل يوم من السمحه لين محضه ؟؟؟؟؟؟؟؟؟


ربي بس يستر عليك

[ملك اللاند]

المشاركة الأصلية كتبت بواسطة أبوحمد

نفس الاشاعات اللي ظهرت على 2006 بالهايلكسات وقالوا لنا أنه حوالي 11 سياره من نوع هايلكس تنحرق على الطرقات السريعه وبنفس العذر اللي تكلمت عنه عدم وجود عازل بين ماصورة الشكمان والبدي !!!

وكلها طلعت كلام فاضي ..

مع تقديري لك
تم استدعاء سيارتنا من قبل الوكاله وتم عمل عازل لها مجاناً من قبل عبد اللطيف جميل
للمعلومية السيارة هايلكس (ديزل) 2006