[عندي سؤال]

السلام عليكم جميعاً
ودي لو أسأل فيه أحد من الأعضاء جرب تلميع سيارته لدى وكالة لكزس اللي في الرياض في شارع العليا؟
وأهم شي التلميع الداخلي، لأن سيارتي لون الجلد بيج وهالحين لونه متغير ووسخ، ولا ودي لو اوديها لمحلات التلميع أخاف يخربون علي شي في الكراسي أو يحوسونها لي .
سألت الوكاله قالو لي التلميع بيكلفك من برا ومن داخل بــ 800 ريال.
ومن داخل بس بيكلفك 400 ريال.

ياليت أحد من الأخوان يفيدني قبل لا أتهور وأدخلها عندهم.

وشكراً

[الـسـلـطـان]

المشاركة الأصلية كتبت بواسطة عندي سؤال

السلام عليكم جميعاً
ودي لو أسأل فيه أحد من الأعضاء جرب تلميع سيارته لدى وكالة لكزس اللي في الرياض في شارع العليا؟
وأهم شي التلميع الداخلي، لأن سيارتي لون الجلد بيج وهالحين لونه متغير ووسخ، ولا ودي لو اوديها لمحلات التلميع أخاف يخربون علي شي في الكراسي أو يحوسونها لي .
سألت الوكاله قالو لي التلميع بيكلفك من برا ومن داخل بــ 800 ريال.
ومن داخل بس بيكلفك 400 ريال.

ياليت أحد من الأخوان يفيدني قبل لا أتهور وأدخلها عندهم.

وشكراً

انا جربتها واقولك شغلهم ممتاز اعطيه 9 من 10

ركبتها وريحتها معطره والجلد نظيف وفله والشغل حلو مره واحلى شي يوم جيت استلمها حاطين ورقه على النافده
( ممنوع اللمس السياره توها طالعه من التلميع ) بالانجليزي طبعا

وانا ناوي المع الحين مره ثانيه لان الجلد شوي اسود ومحتار يا الوكاله او زيبارت ( سعر زيبارت 1300 داخلي وخارجي وضمان سنه وتجدد ب 300 اذا بتلمعها مره ثانيه)

ارائكم للي مجرب زيبارت.....

[عندي سؤال]

شكراً لك أخي السلطان على ردك وعلى المعلومات
ونتمنى من باقي الأخوة تزويدنا بأرائهم بخصوص تلميع الوكاله وتلميع زيبارات وغيرها من محلات التلميع

[مستلكز]

والله توني مطلع سيارتي قبل أمس ( الثلاثاء ) من التلميع لأجهزها للبيع هاليومين
وماشاء الله عليهم تلميعهم انا اقول انه يضاهي ( زيبارت ) وغيرها من المحلات و
وبسعر اقل بكثير 400 ريال للسيارة من الداخل و الخارج

ولكن المحل في الخبر اسمه ( ستي اوتو كير )

وعلى فكرة سيارتي الحالية فورد كراون فكتوريا اسود موديل 99 وخلّوه كأنه جديد
ما شاء الله تبارك الله

[اتعب في هواك]

ياخي اذا كان الواحد ما يثق في صيانتهم وهي الشئ اللي المفروض انهم ضابطينه

فما بالك بشغلات تتطلب تخصص مثل التلميع

نصيحتي لك رح لمحل تلميع متخصص وخبير بالشغلات ولا تروح للوكاله وتكون انت الضحيه رقم 70 بالكثير


هذا رأيي وتقبل مروري

اخوكم اتعب في هواك

[وارايق]

انا اليوم مطلع سيارتي من التلميع في زيبارت
وماخذ عندهم الخدمةالماسية. الي يعملولها تشميع وتلميع كل سنه
بصراحة شغلهم مرررره ممتااز. اسيارة كانها جديدة
وانصح بيهم !

[عندي سؤال]

شكراً على مرورك أخي مستلكز بس المشكلة أني بالرياض وان شاء الله الأخوان اللي بالخبر يستفيدون من ردك


شكرا أخي أتعب في هواك انا كل قصدي من تلميع الوكاله انه إذا صار شي في الكراسي أو ما ركبوها زين تكون على مسئوليتهم ويصلحونها على حسابهم.

أيضاً أخي وارايق شكراً على مرورك وردك بس ما ادري وش الخدمة الماسية حقتهم وكم قيمتها

[*حمودي*]

التلميع من داخل ضروري ولابد منه على الاقل مره كل سنه .. لكن خارجي اسمحولي

أنا مره جربته كنه غسيل سيارة عادي الفرق ان نضافتها الخارجيه تدوم أكثر من الغسيل العادي ^.^

لا تزعلون مني بس من جد تلميع خارجي وب400 اقل شي ماله داعي .. يضحكون على الناس

[جوال نت]

يعني هل تنصحونا نروح الوكاله في العليا

أنا أبي تلميع خارجي فقط لأن السياره جديده مالها سبع شهور وأبي فقط تلميع خارجي

إذا في محل في الرياض تليمعه ممتاز من الخارج
وإيش رأيكم بعد التلميع أعمل طبقه حمايه يحافظ على اللون