[مملكة المحترمين]

السلام عليكم
اخواني انا شفت ردود بعض الاعضاء في هذا المنتدى غريبه شوووي
يعني شخص محتار بين سيارتين ( اوريون / التيما ) 2008
احصل ردود ... يمدحون التيوتا ويسبون الحمراني نيسااان بكلمه الوكيل يخوووف
طيب الوكيل يخوووف كيف ومن اي ناحيه
ولو الوكيل الحمراني مو كويس كان ماشفت الددسن والجيوب النيسان واللتيما والنفنيتي ماليه البلد
ياليت تووووضحون وش فيه الحمراني
لأني عن قريب ان شاء الله بشتري سيارة من عندهم التيما 2008
وشكرآ

[نبضي الكامري]

ما فيها شي لكن مقارنة بتويوتا أكيد الصيانة - قطع الغيار - سعر البيع .... إلخ أفضل وتوكل على الله وربي ترى الألتيما الـ 2008 - 6 سلندر فل كامل نقوة ومميزة وقوية جداً وشكلها الخارجي ابداع ويبقى مرغوب سنوات ماتعجز

مبروووووووووك مقدماً

[تايم اوت]

يا اخوي باختصار اذا كنت تبغى تاخذ سيارة نيسان لازم تتحلى بالصفات التالية:

1) الصبر: لانك اذا تبغى تدخل السيارة في الصيانة لازم تاخد موعد مسبق وتنتظر كام يوم علشان تدخلها الصيانة -على عكس ابو جميل ممكن تدخل سيارتك الصيانة في اي وقت لكثرة فروعه .
بالاضافة الى ذلك اذا كنت تبغى قطع غيار لازم تصبر وتنتظر كام يوم علشان يطلبوها لك من اي مدينة مجاورة لمدينتك - على عكس ابو جميل ما شالله القطع متوفرة وان كانت طلبية (خلال 24 ساعة بيوفروها لك)

2) الاقتدار مادياً: لأن قطعها غالية جدا - وصيانتهم ايضا غالية (ولا مجال للمقارنة بتويوتا وابوجميل)

وانا باتكلم من واقع تجربة مع شركة الحمراني
ولكن بالمقابل انك بتاخذ سيارة قوية ذات محرك جبار ومواصفات من الصعب توفرها في سيارت تويوتا

وفي النهاية اخوي اذا كنت بتتحلى بالصفات المذكورة اعلاه ، فتوكل على الله وخذ الالتيما 2008 ولا تشيل هم الحمراني ولا غيره

وتقبل تحياتي

[الحجيلان]

أخوي ( مملكة المحترمين ) السلام عليكم ...

في فرق بين السيارة تعبانة وبين الوكيل تعبان ....... اللي قصدته أنا لبعض الشباب هو بإختصار ما قاله لك العضو ( تايم اوت ) سيارات نيسان ابداع من كل النواحي لكن يوم يكون الوكيل شوي تعبان صعب تقتنع بالسيارة لأن أمور الصيانة والقطع لازم تكون على أعلى المعايير علشان ترتاح .... أتمنى فهمت وش أقصد .... وحياك الله .,

[ماارك]

أخوي مملكة المحترمين مانصحك بنيسان ابدا
وانا اخوك كان عندي التيما 2006
والله ماكان فيها شي
بس الصيانه مكلفه بالنسبه لتويوتا

وبعد فتره صار لي حادث ********لله يكفيك والقارين
والله شيبت منها اصلح فيها من اليمين تخرب من الشمال
والوكاله نفسها قالت ماهي عارفه ايش في السياره

والحسره اني شاريها بي 83 الف وبعد تقريبا 20 شهر
بايعها بـ 25 الف وبالعافيه جابتها

اخوي نصيحه خلك على تويوتا اليوم انا مقدم على كامري
مثل خويي والله عندهم القطع والصيانه ممتازه بالنسبه لنيسان