[باس نون]

مرحبا بالجميع ....
أسعد الله أوقاتكم ،،،
أحبتي : أنا معي 430 // 2002 وعندي استفسار بخصوص إدخال المفتاح في السويتش عند تشغيل السيارة ..
الحقيقة إني من يوم اشتريت السيارة ماعمري أدخلت المفتاح ... على طول أشغلها ..
لكني استغربت كذا مرة أشوف ناس معهم نفس السيارة ومع ذلك قاموا بوضع المفتاح في السويتش ..
فأيهما أصح : كون المفتاح في مخباتي ؟؟؟ أم أضعه في السويتش ؟؟
أفيدونا ،،، ولكم خالص الود والتقدير .

[نديم الطيف]

عادي كل الطريقتين صح

اللهم انك اذا صرت تدخل المفتاح بالسويتش يشحن بطارية الريموت لا اكثر ولا اقل


تلاحظ انه انت تغير بطارية الريموت بينما الي يحط المفتاح بالسويتش مايغير بطارية الريموت ابد


انا عن نفسي ما اطلع المفتاح من مخباي ابد..والبطارية حقت الريموت تطووووووووول زي بطارية الساعة

[(غير مسجل)]

المشاركة الأصلية كتبت بواسطة نديم الطيف

عادي كل الطريقتين صح

اللهم انك اذا صرت تدخل المفتاح بالسويتش يشحن بطارية الريموت لا اكثر ولا اقل


تلاحظ انه انت تغير بطارية الريموت بينما الي يحط المفتاح بالسويتش مايغير بطارية الريموت ابد


انا عن نفسي ما اطلع المفتاح من مخباي ابد..والبطارية حقت الريموت تطووووووووول زي بطارية الساعة

اخوي، اللكزس ما تشحن البطارية... عادة، الريموت يكون اما بطارية او شحن... لكن ما يصير بطارية و شحن في نفس الوقت...

[شيخ البانوراما]

.

هلا بك اخوي باس نون

اذا كان معك المفتاح الرئيسي وبطاريته شغاله تمام ما فيه داعي تركب المفتاح في السويتش

وهذا حلاتها اذا بغيت الصراحه يعني المفتاح ما يطلع من جيبك ..

اما المفتاح السبير ( عدد 2 ) فهذولا لازم تركبهم في السويتش


والله اعلم،،،

.

[محمد السيهاتي]

و منكم نستفيد

[محمد السيهاتي]

و منكم نستفيد

[نديم الطيف]

المشاركة الأصلية كتبت بواسطة (غير مسجل)

اخوي، اللكزس ما تشحن البطارية... عادة، الريموت يكون اما بطارية او شحن... لكن ما يصير بطارية و شحن في نفس الوقت...

وش الي شحن وبطارية يعني فيه ريموت مافيه داخلة بطاريات خخخخخخخخخخخخخخخخخخخخ شلون صار ريموت بالله؟؟؟؟؟؟؟ تهزه ويشحن مثل ساعة سيكو فايف؟؟؟ على قولة الشيبان (تعشيه)


ريموت سيارتي داخله بطاريات...فضى علي قبل فترة وفتحت السيارة بالمفتاح...شلون تشتغل السيارة والريموت بطاريته فاضية؟؟ يعني عشان اشغل السيارة لازم اروح اشتري بطاريات واركبها بالريموت عشان تشوفه السيارة صح والا لا؟

وش رايك اني يوم دخلت الريموت بالسويتش اشتغلت السيارة ورحت قضيت مشاويري عليها وجلس الريموت بعدها حوالي يومين وهو يفتح السيارة ويسكرها طبيعي مع العلم اني بعدها صرت اشغل السيارة وافتحها والريموت بمخباي

هذا ان دل على شيء فهو يدل على ان السويتش يشحن بطارية الريموت



اما حركة ريموت شحن بدون بطاريات هذي جديدة علي بصراحة

[(غير مسجل)]

المشاركة الأصلية كتبت بواسطة نديم الطيف

وش الي شحن وبطارية يعني فيه ريموت مافيه داخلة بطاريات خخخخخخخخخخخخخخخخخخخخ شلون صار ريموت بالله؟؟؟؟؟؟؟ تهزه ويشحن مثل ساعة سيكو فايف؟؟؟ على قولة الشيبان (تعشيه)


ريموت سيارتي داخله بطاريات...فضى علي قبل فترة وفتحت السيارة بالمفتاح...شلون تشتغل السيارة والريموت بطاريته فاضية؟؟ يعني عشان اشغل السيارة لازم اروح اشتري بطاريات واركبها بالريموت عشان تشوفه السيارة صح والا لا؟

وش رايك اني يوم دخلت الريموت بالسويتش اشتغلت السيارة ورحت قضيت مشاويري عليها وجلس الريموت بعدها حوالي يومين وهو يفتح السيارة ويسكرها طبيعي مع العلم اني بعدها صرت اشغل السيارة وافتحها والريموت بمخباي

هذا ان دل على شيء فهو يدل على ان السويتش يشحن بطارية الريموت



اما حركة ريموت شحن بدون بطاريات هذي جديدة علي بصراحة

أخوي نديم، شكلك مضيع شوي و مخربط بين اكثر من شيء...

كلامك 100% صحيح.. السيارة راح تشتغل (عند ادخال المفتاح) حتى لو كانت البطارية ضعيفة جدا او حتى اذا ارزلت البطارية تماما من الريموت!! يجب ان تعلم ان في الريموت الاصلى جهازين منفصلتن تماما.. جهاز فتح السيارة عن بعد (ريموت او بصمة) و هذا يحتاج الى بطارية، و الجهاز الثاني هو جهاز لخزين ملايين الارقام السرية (شفرات متغيرة) و هي عبارة عن نظام منع السرقة و هذا النظام لا يحتاج الى اي بطارية....

سبب ان سيارتك اشتغلت معاك على الرغم من ان البطارية ضعيفة هو ان المفتاح المستخدم هو المفتاح الاصلي و يمكن للسيارة التأكد من ان المفتاح الاصلي هو المفتاح المستخدم من خلال موجات تحت الحمراء في بعض السيارات او من خلال موجات لاسلكية قصيرة المدى... السيارة ترسل اشارة لقراءة الرقم السري و اذا كان متطابق، السيارة راح تشتغل... اذا لا، السيارة ما راح تشتغل... سواء كان المفتاح فيه بطارية او لا...

طبعا هذه العملية مستخدمة بشكل كبير جدا في السيارات الحديثة حتى السيارات بدون نظام البصمة.. اقصد، الكامري و اليوكون... كلهم فيهم كمبيوتر للشفرة لكن ما فيهم بطاريات (انا اقصد مفتاح تشغيل السيارة و ليس ريموت فتح الابواب عن بعد).... المفاتيح لا تشحن و لا شيء لان الكهرباء لا تستخدم نهائيا... و اذا تبي تتأكد، حاول شراء مفتاح (اصلي) لليوكون الجديد وانسخ المفتاح بدون لا تبرمج و خل المفتاح لمدة طويلة بالسيارة... السيارة ما راح تشتغل مهما كان و السبب ان المفتاح لا يحمل الشفرة الصحيحة... ليس لانه غير مشحون! مرة ثانية، بدون اي بطارية!!

طيب، بالنسبة للشحن... البطاريات انواعها كثيرة... و بالنسبة للبطاريات القابلة للشحن هي بالاساس ليست بطارايات ولكنها تسمى (Capacitor)... الـ Capacitor والبطارية تتشابهان بانهما يولدان طاقة (كهرباء).. لكن، الفرق الأساسي هو في كيفية انشاء هذه الطاقة... البطارية العادية تنشئ الطاقة من خلال تفاعل كيميائي... و تقل الطاقة (الكهرباء) كلما قل هذه التفاعل الكيميائي... بالنسبة للـ Capacitor، فهو يخزن الطاقة الى فترات مختلفة وقدرات متفاوته حسب النوع و قوة الـ Farad (وحدة قياس قوة الـ Capacitor منسوبة الى مخترعها العالم الفيزيائي (Michael Faraday))...

ليش هذه المقدمة الطويلة العريضه؟ هذه المقدمة لشرح ما اقصد بين (اما بطارية او شحن)... البطارية في اي ريموت سيارة يستخدم فقط لارسال اشارة فتح و قفل ابواب السيارة عن بعد (او نظام البصمة)... اذا خلصت البطارية الريموت فقط هو الذي لن يعمل و لكن السيارة يمكن تشغيلها... في سيارات اللكزس الجديدة (نظام البصمة)، يمكن تشغيل السيارة تماما بدون اي بطارية مع العلم ان السيارة لا يوجد فيها مدخل للمفتاح الذكي مثل الـ LS430... بمجرد انك تقرب المفتاح الذكي الى زر (Start/Stop)، السيارة راح تقرأ معلومات المفتاح و تقدر تشغل السيارة تماما بدون ان بطارية (اذا تبي فيديو، انا حاضر).... مرة ثانية، كل هذا والبطارية منزوعة تماما من الريموت...

طيب، سالفة الـ Capacitor هي سالفة ثانية تستخدم في مفاتيح سيارات BMW (الظاهر انك ما عندك فكرة عن هذه الموضوع)... هذه المفاتيح (الريموت) تستخدم Capacitor عوضا عن البطارية العادية... الـ Capacitor (او المفتاح) راح يشحن الـ Capacitor بمجرد ادخال المفتاح و تشغيل السيارة... والسيارة شغالة، المفتاح راح يشحن... عيب هذه الطريقة انك لازم تستخدم كل مفتاح مرة على الاقل كل 3 اشهر (او شيء من هذه القببل)... اذا ما استخدمت المفتاح لفترو طويلة، الريموت لن يعمل ولكن السيارة يمكن تشغيلها كالمعتاد... المفتاح لا يوجد به بطارية و لا هزاز مثل ما تفضلت.. و اصلا لا يمكن فتح الريموت من الاساس لان الشركة تستخدم مثل (صمغ) دائم و اذا اخترب لازم مفتاح جديد بالكامل... و تقدر تتأكد من مفتاح اي سيارة BMW حديثة لكن بدون نظام البصمة لان مفاتيح BMW مع بصمة تستخدم بطارية عادية لا يمكن شحنها....

لو كانت البطارية هي التي تشحن مثل ما تفضلت، ليش خلصت بطارية ريموت سيارتك من الاساس؟؟ المفروض انها تشحن مثل قلت... و ابيك تسأل اي واحد من ربعك (عنده BMW بدون نظام البصمة) متى لآخر مره بدل بطارية الريموت؟؟

اذا ودك تستفيد اكثر من موضوع الشحن، تقدر تقرأ هذا الموضوع:

Howstuffworks "How Capacitors Work"

[نديم الطيف]

^^^^^^


هين بالنسبة للمفتاح الاصلي ابو شفرة منسوخة على القطعة المغناطيسية الموجودة بالمفتاح هذا اكيد مافيه بطارية


انا كلامي كله عن الريموت الاصلي


وبالنسبة لحاجة الريموت للبطارية عشان يشغل السيارة ترا كلامي صحيح وعن تجربة...يوم فضى ريموت اللكزس وفتحناها بالمفتاح العادي وركبت وشغلتها عيت تشتغل (لان المفتاح بمخباي) ماشتغلت الين حطين المفتاح (الريموت) بالسويتش ساعتها شحن واشتغل


والريموت حق اللكزس الاصلي حق الوكالة ماعليه صمغ ولاغيره...ريموت عادي تفكه تلقى فيه بطاريات زي حقت الساعة تبدلها وترجع ركبه..عاااااااااااااادي


والبي ام نفس الكلام


والسويتش حق Start/Stop الي ماله مكان للريموت هذا تلقى الريموت له بطاريات عشان يرسل ويستقبل الاشارة من السيارة...


يعني بالله لو كان الريموت مافيه بطارية شلون بيرسل اشارة تحمل الكود للسيارة

بتقولي مافيه بطارية ونظام شحن؟؟ طيب من وين يشحن لايكون يشحن لاسلكي بس

[باس نون]

شكرا للجميع ...
الحقيقة أني استفدت مما كتب بشكل كبير ،،،
واعذروني على التأخر ،،،
شكرا لكم مررررررررررة أخرى .

[(غير مسجل)]

المشاركة الأصلية كتبت بواسطة نديم الطيف

هين بالنسبة للمفتاح الاصلي ابو شفرة منسوخة على القطعة المغناطيسية الموجودة بالمفتاح هذا اكيد مافيه بطارية

لا اخوي.. ماهي قطعة مغناطيسية... لو كانت مغناطيسية، لكان اي مجال مغناطيسي سبب كافي في تغير هذا المغناطيس و الذي سيسبب عدم امكانية تشغيل المحرك (وبالتالي، تكون هذه الميزة عديمة الفائدة)..
التقنية المستخدمة تسمى (Radio-frequency identification ) و يمكنك الحصول على معلومات اكثر من هذا الموقع:
Radio-frequency identification - Wikipedia, the free encyclopedia

المشاركة الأصلية كتبت بواسطة نديم الطيف

وبالنسبة لحاجة الريموت للبطارية عشان يشغل السيارة ترا كلامي صحيح وعن تجربة...يوم فضى ريموت اللكزس وفتحناها بالمفتاح العادي وركبت وشغلتها عيت تشتغل (لان المفتاح بمخباي) ماشتغلت الين حطين المفتاح (الريموت) بالسويتش ساعتها شحن واشتغل

ممكن طلب؟؟ ممكن (اذا تكرمت) انك تشيل البطارية تماما من الريموت حق سيارتك؟؟ بعد ما تشيله، السيارة ما راح تشتغل (حسب نظريتك) لا بنظام البصمة ولا بنظام السويتش... ممكن تقول لنا اذا السيارة اشتغلت معاك ولا لا بنظام السويتش بدون بطارية؟؟

بعدين، اذا كانت البطارية تشحن، اجل ليش فضت من الاساس والناس الي عندهم BMW من سنة 1997 ما غيروا بطارية الريموت ولا مرة؟؟

و بعدين، حتى لو كانت تشحن، ليش غيرت البطارية الريموت بعد ما شحنتها؟؟؟

المشاركة الأصلية كتبت بواسطة نديم الطيف

والريموت حق اللكزس الاصلي حق الوكالة ماعليه صمغ ولاغيره...ريموت عادي تفكه تلقى فيه بطاريات زي حقت الساعة تبدلها وترجع ركبه..عاااااااااااااادي

الصمغ فقط على ريموت سيارات BMW بدون نظام البصمة... اللكزس كلهم فيهم بطارية و يمكن فك الريموت بسهوله تامه...

المشاركة الأصلية كتبت بواسطة نديم الطيف

والبي ام نفس الكلام

اسمحلي اخوي نديم.. الـ BMW ليست نفس الكلام.. اذا عندكم BMW بدون نظام البصمة، حاول تفتح الريموت و تبدل البطارية!
و اذا ما قدرت، اتصل على الوكالة و اسألهم...

المشاركة الأصلية كتبت بواسطة نديم الطيف

والسويتش حق Start/Stop الي ماله مكان للريموت هذا تلقى الريموت له بطاريات عشان يرسل ويستقبل الاشارة من السيارة...

طيب.. و اذا خلصت البطارية عليك و انت مسافر مثلا (او اي مكان ما فيه بطاريات)، ويش تسوي؟؟ تسحب السيارة على سطحه ولا تاخذ تكسي؟؟ لو كان كلامك صحيح، على الأقل راح تلاقي بطاريات احتياطية بالدرج من شركة لكزس... يا اخوي، شركة لكزس اذكى مني و منك! و اذا رجعت للبيت، ان شاء الله انزلك فيديو بكيفية تشغيل جميع سيارات لكزس الجديدة تماما بدون اي بطارية حتى يطمئن قلبك

المشاركة الأصلية كتبت بواسطة نديم الطيف

يعني بالله لو كان الريموت مافيه بطارية شلون بيرسل اشارة تحمل الكود للسيارة

يا خوي ليس من الضروري ان تكون هناك بطارية لكل شيء.. اقصد، في بعض الدول التي تستخدم رسوم اذا استخدمت احد الشوارع، يضعون لك جهاز صغير على النافذة الامامية لحساب كم مرة استخدمت الشارع و هذا الجهاز بدون اي بطاريات!! او بالدوام مثلا، يوجد كرت ابيض لا توجد به اي بطارية (وهو كرت ليس بمغناطيسي).. بمجرد انك تقرب (بدون ملامسة) الى الباب (قارىء الكروت) يفتح لك الباب... و ايضا، في اغلب المحلات الراقية، يستخدم نظام مشابة لمنع السرقة.. اذا حاولت ان تسرق شيء، بمجرد اقترابك للحساسات عند الابواب راح يصدر صوت انذار.. كل هذا بدون لا بطارية ولا شيء.. و ايضا، يمكن استخدام تقنية مشابهه لتخزين المعلومات المهة ايضا بدون بطاريات!! اخوي، نحن نعيش في القرن الـ 21 والعلم تقدم اكثر مما نظن!!
اذا ودك تطلع اكثر، اقرأ هذا الموضوع:
International Paper - RFID

المشاركة الأصلية كتبت بواسطة نديم الطيف

بتقولي مافيه بطارية ونظام شحن؟؟ طيب من وين يشحن لايكون يشحن لاسلكي بس

الشحن اللاسلكي موجود!!! يسمي بـ (Inductive charging)... و اذا ودك تتأكد، قم بزيارة اقرب معرض الكترونيات قريب منك.. و اسأل عن فرشاة الأسنان الكهربائية او مكينة الحلاقة القابلة للشحن... بعض الانواع ما فيهم اي اقطاب (اسلاك) للشحن... لشحن الجهاز، فقط ضعه على القاعدة و لكن لن تجد اي اسلاك او اقطاب كالمعتاد!
ريموت الـ BMW يشحن لا سلكيا فقط اذا ادخلت الريموت داخل السويتش!!!


اتمنى اني اكون افدتك

[نديم الطيف]

المشاركة الأصلية كتبت بواسطة (غير مسجل)

لا اخوي.. ماهي قطعة مغناطيسية... لو كانت مغناطيسية، لكان اي مجال مغناطيسي سبب كافي في تغير هذا المغناطيس و الذي سيسبب عدم امكانية تشغيل المحرك (وبالتالي، تكون هذه الميزة عديمة الفائدة)..
التقنية المستخدمة تسمى (Radio-frequency identification ) و يمكنك الحصول على معلومات اكثر من هذا الموقع:
Radio-frequency identification - Wikipedia, the free encyclopedia

هي فعلاً قطعة مغناطيسية...لذلك الوكالة ينبهون عليك ماتحط الريموت والجوال في نفس المخبا

المشاركة الأصلية كتبت بواسطة (غير مسجل)

ممكن طلب؟؟ ممكن (اذا تكرمت) انك تشيل البطارية تماما من الريموت حق سيارتك؟؟ بعد ما تشيله، السيارة ما راح تشتغل (حسب نظريتك) لا بنظام البصمة ولا بنظام السويتش... ممكن تقول لنا اذا السيارة اشتغلت معاك ولا لا بنظام السويتش بدون بطارية؟؟

بعدين، اذا كانت البطارية تشحن، اجل ليش فضت من الاساس والناس الي عندهم BMW من سنة 1997 ما غيروا بطارية الريموت ولا مرة؟؟

و بعدين، حتى لو كانت تشحن، ليش غيرت البطارية الريموت بعد ما شحنتها؟؟؟

اذا فكيت البطارية من الريموت خلاص ماتشتغل السيارة الا اذا دخلت الريموت بالسويتش...والابواب ماتفتح بالبصمة والسيارة ماتحس اصلا انك قربت ولا تشتغل اللمبات الي تحت المرايا الجانبية

وانا غيرت البطارية لان البطارية الفاضية شحنت اثناء استخدام السيارة (شي بسيط) قفلت الدرايش بالمفتاح ومن بكرا لقيت البطاريات فاضية يعني يبيلي اجلس ادور على السيارة وامتر شوارع الرياض عشان البطارية تشحن...!!!!

لذلك ريحت راسي واشتريت بطارية جديدة


ولعلمك البي ام حقتي 97 فيها بطاريات وتشحن من السويتش.وتاخذ الكود من السويتش ومع ذلك تفضي كل سنتين تقريباً لاني استخدم الريموت كثيييييييير...افتح الدرايش واسكرها بالريموت وافتح الابواب واسكرها كثير بدون ما اطلع مشوار على السيارة لذلك تفضي..ونفس الفكرة حقت اللكزس يبيلي افرفر على السيارة عشان اشحن بطارية قيمتها 15 ريال!!! لا والله اشتري بطارية واريح راسي

المشاركة الأصلية كتبت بواسطة (غير مسجل)

الصمغ فقط على ريموت سيارات BMW بدون نظام البصمة... اللكزس كلهم فيهم بطارية و يمكن فك الريموت بسهوله تامه...

اسمحلي اخوي نديم.. الـ BMW ليست نفس الكلام.. اذا عندكم BMW بدون نظام البصمة، حاول تفتح الريموت و تبدل البطارية!
و اذا ما قدرت، اتصل على الوكالة و اسألهم...

طيب.. و اذا خلصت البطارية عليك و انت مسافر مثلا (او اي مكان ما فيه بطاريات)، ويش تسوي؟؟ تسحب السيارة على سطحه ولا تاخذ تكسي؟؟ لو كان كلامك صحيح، على الأقل راح تلاقي بطاريات احتياطية بالدرج من شركة لكزس... يا اخوي، شركة لكزس اذكى مني و منك! و اذا رجعت للبيت، ان شاء الله انزلك فيديو بكيفية تشغيل جميع سيارات لكزس الجديدة تماما بدون اي بطارية حتى يطمئن قلبك

والبي ام حقتي مافيها بصمة...مفتاح بريموت اصلي جاي من الوكالة..تستخدمه ويشحن مثل ماذكرت لك قبل..وفيه بطاريات تبدلها


وترا اذا خرب عليك الريموت او فضت بطارياته وانت مسافر ممكن تشبك الريموت بالسويتش وتشتغل السيارة عادي ويشحن المفتاح بعد



وياخوي هذي وجهة نظرك وانت بكيفك....انا كل الي قلته لك عن تجربة وليس نقلاً عن مواقع انترنت او غيره...واذا اقتنعت فبها ونعم واذا ماقتنعت معناتها اكيد لك وجهة نظر ولازم نحترمها (بغض النظر عن صحتها)



بالتوفيق....

[(غير مسجل)]

المشاركة الأصلية كتبت بواسطة نديم الطيف

هي فعلاً قطعة مغناطيسية...لذلك الوكالة ينبهون عليك ماتحط الريموت والجوال في نفس المخبا

اخوي، انا ما اتكلم عن الريموت نفسه... انا اتكلم عن القطعة الي موجود داخل مفتاح اي سيارة بدون ريموت او بصمة (مثل الكامري او اليوكون)... الوكالة عمرها ما حذرت الناس من وضع الجوال مع هذا النوع من المفاتيح... و على فكرة، الجوال ما يستخدم الموجات المغناطيسية!

المشاركة الأصلية كتبت بواسطة نديم الطيف

اذا فكيت البطارية من الريموت خلاص ماتشتغل السيارة الا اذا دخلت الريموت بالسويتش...والابواب ماتفتح بالبصمة والسيارة ماتحس اصلا انك قربت ولا تشتغل اللمبات الي تحت المرايا الجانبية

كلام جميل... السيارة تشتغل بدون بطارية... بس كيف؟؟ انت قلت سابقا ان المفتاح يحتاج الى بطارية حتى تشتغل السيارة!

المشاركة الأصلية كتبت بواسطة نديم الطيف

وانا غيرت البطارية لان البطارية الفاضية شحنت اثناء استخدام السيارة (شي بسيط) قفلت الدرايش بالمفتاح ومن بكرا لقيت البطاريات فاضية يعني يبيلي اجلس ادور على السيارة وامتر شوارع الرياض عشان البطارية تشحن...!!!!

لذلك ريحت راسي واشتريت بطارية جديدة

كلامك صحيح.. البطارية يمكن تشتغل بعد فترة في حالة عدم الاستخدام... هذا دائما يصير مع ريموت التلفزيون... لما يفضي، ما راح يشتعل.. لكن تتفاجأ انه بعد يوم او يومين يشتغل لفترة بسيطة و بعدين يوقف...

المشاركة الأصلية كتبت بواسطة نديم الطيف

ولعلمك البي ام حقتي 97 فيها بطاريات وتشحن من السويتش.وتاخذ الكود من السويتش ومع ذلك تفضي كل سنتين تقريباً لاني استخدم الريموت كثيييييييير...افتح الدرايش واسكرها بالريموت وافتح الابواب واسكرها كثير بدون ما اطلع مشوار على السيارة لذلك تفضي..ونفس الفكرة حقت اللكزس يبيلي افرفر على السيارة عشان اشحن بطارية قيمتها 15 ريال!!! لا والله اشتري بطارية واريح راسي

كلامك 100% سليم بالنسبة لسيارتك الـ 1997.. انا الي كنت مخربط شوي... اقصد، سيارات BMW موديل 2001 و طالع.. ما فيهم بطاريات...

المشاركة الأصلية كتبت بواسطة نديم الطيف

وترا اذا خرب عليك الريموت او فضت بطارياته وانت مسافر ممكن تشبك الريموت بالسويتش وتشتغل السيارة عادي ويشحن المفتاح بعد

هذا فقط بالسيارات الي فيها سويتش.. لكن، ما هي الطريقة للسيارات بدون سوتيش مثل اللكزس الجديد؟؟ ما هو الحل؟؟

المشاركة الأصلية كتبت بواسطة نديم الطيف

وياخوي هذي وجهة نظرك وانت بكيفك....انا كل الي قلته لك عن تجربة وليس نقلاً عن مواقع انترنت او غيره...واذا اقتنعت فبها ونعم واذا ماقتنعت معناتها اكيد لك وجهة نظر ولازم نحترمها (بغض النظر عن صحتها)

هذه ليست وجهة نظري... لكن، هذه وجهة نظر كل العلماء الذين اخترعوا هذه الاشياء..

ارجوا انك ما تاخذ هذا الكلام بصورة شخصية.. لكن، الهدف من المنتديات هو الاستفادة القصوى و انا شخصيا اكن لك كل الاحترام و التقدير