[لاند لاند لاند]

السلام عليكم ورحمه الله

يااخوان انا عضو جديد في هذا المنتدى .. وما سجلت

الا اني عارف ان هذا من افضل المنتديات العربيه المخصصه للتويوتا

وعندي استفسار بسيط

الا وهو

عندي لاند موديل 2003 قير تماتيك بدون هزاز

وودي اطلع في طعس هاف مون الكبير حاولت حاولت ما قدرت

علما باني منسم الكفرات 15 هل اغير القير اخليه على دي ون او دي تو ..

وهل ينفع اذا ضغت زر الباور او الي جنب القير في باور 1 او باور 2

وياليت تفيدوني هل يطلع الطعس ولالا علما بانه قير تماتيك

وشكرا لكم

عضوكم الجديد

لاند لاند لاند

[سرابوه]

هلا اخوي ... عساك على القوة <***** الي يكلمك كان معاه شاص ثمن هدد 2007

طعس الهافمون كانت هوايتي القديمه ...

الى تبي تقص القص شوف الخطوات الي بقولك اياها ونفذها وان شاء الله بتقصه

*+*+*+*+*+*+*+*+*+*

اولأ : توكل على الله

ثانيآ : شوف الوقت المناسب الي تطلع فيه القص اقصد مايكون زحمه او وجود دببات لكثره الحوادث هناك

ثالثآ : سالفه الهواء 15 ما يآكل عيش وانت تبي تقصه خله 10 بس قص الطعس مستقيم لا تقعد تعطيها
بيبان علشان ما ينفسخ الكفر

رابعاً : حاول ان التانكي حق البنزين مايكون فل علشان هذا سبب كبير في ثقل السياره وعدل قدرتك على طلوع الطعس

والى تبي تتفنن وعلى الراحه خل التانكي الكبير على الزيرو وخلك على الصغير

الى اتقنت هذي تصير تقص الطعس بعدين والبنزين فــل

_____________________________

طريقة التعامل معا القص بوجود قير تماتيك بدون ما تشغل البور ومايحتاج الهزاز اصلا

هي الله يسلمك تشغل الدبل h4 الي هو الزر وتعشق القير على (2) وتاتيه من مسافه لا تكون كبيره ولا تكون قليله اهم شيء يكون الموتر ماخذ عزمه على الثاني والى كنت قريب من القص بينك وبينه امتار بسيطه خلك على الاول

وان شاء الله كذا تكون قصيت الطعس بس انتبه وانا اخوك تراهآ مخاطره ولا تحاولث تلف وتدور وانت وسط الطعس

بعدين يسبب لك انقلاب الى ما تمكنت من السياره لو غرزت وانت طالع ارجع بالريوس بس على خفيف لا تشد على الموتر بعدين يلف وينقلب عليك ... حفظك الله ورعاك..!!

[أبوحمد]

عافاك الله يا سرابوه وماقصرت ..

[سرابوه]

ولو هذا منتدانا الغالي ومانقصر معاه ان شاء الله

[لاند لاند لاند]

يعطيك الف عافيه ياخوي سرابوه

ان شاء الله بجرب

وبرد لك خبر

تحياتي لك

[عاشـــق اللاند]

الاخ سرابوه كفا ووفا ولا عاد لنا كلام علي كلامه غير انك ترقى الطعس

[بن مزهود]

ماشاءالله عليك سرابوه

[أبووديع]

thank you

[السياغي]

ما اعرف في الطعوس والا كان افتدتك

[الـــديـــم]

وعليكم السلام ورحمة الله وبركاته

حياك الله اخ كريم وغالي نرحب فيك بمنتديات تويوتا

قبل 5 سنوات كنت اشتغل بالدمام
ما ادري هل تقصد الطعس اللي بجنب الخط دايم يتجمعون عندهـ
ترى خبري قديم يمكن غيرتوا المكان ولا شي

المهم والله تطلعه بسهولة
بالكروزر حقي 2001 قير عادي اطلعه بالدبل الخفيف بسهولة احطه 2 واشد عليه ويطلع
الهواء كان 15 لكن ما ادري عن الاوتو
وللمعلومية ولد عمي كان معه هايلكس غمارى موديل 90 وطلع الطعس
وبالتوفيق ان شاء الله..

[جمالك سحرني]

اخوي لاند لاند لاند ... شد الهمه وان شاء الله لا طعس هافمون ولا غيره راح يردك
وما شاء الله سرابوه الله يعطيه عطاك كم نصيحة وزنها ذهب
وشكراً

[عسكـــــريم]

يعطيك العافيه ياسرابوه

بالنسبه اذا حسيت ان عزم الموتر في اخر الطعس بينام حاول انك تنزل القير على الـ1 عشان يرد عزمه

ومثل ماقال لك سرابوه اهم شي المسافه المناسبه ورفع الـrbm بشكل مناسب

[تركي الفين]

عطنا التجربه هل جربت الطلوع بعد كلام الاخوان