[سيرجيو راموس]

السلام عليكم ورحمة الله وبركاته

عندي مشكله بالكامري 2007 se

اللي هي رجه بسيطة سواء اكون مهدي او مسرع احس ان فيه رجة وقلما ينتبه لها المعاون

ومع الرجة اسمع صوت ما أدري البعض يقول هوبات والبعض يقول ترصيص والبعض يقول مسحية بالكفرات

مع ان الكفرات مافيها مسحة نهائيا

طبعا الصوت اسمعة اذا صرت مهدي بس .

الهوبات من برا مصديه

ولا ادري وش اسوي .

واذا كانت المشكله من الهوبات . وش رايكم اغير الهوبات والا اسويلهن خرط

ياليت ما أحد يقولي رح للوكالة لأني مقاطعهم نهائيا ولا ارتاح لشغلهم .

ياااااااااااااااااااااااااليت تفيدوووووووووووووووووووني

ودمتم بود

[عاشـــق اللاند]

والله مشكلتك طال عمرك انك تخرط الهوبات اذا نفعت حلو واذا مانفعت بدل الكفرات لان اليوكوهاما مع الوقت يروح الكفر

[أسير الليل]

اخوي اذا الرجه لما تدوس الفرامل معناها من الهوبات تحتاج خرط بس في ورشه خراطه محترمه اما اذا بدون ما تدوس فرامل معناها من الكفرات تحتاج ترصيص وايضا انصحك يكون في ورشه محترمه عندها جهاز ترصيص حديث وهم بيقولون لك اذا الكفرات تحتاج تغيير او لا
كلام نهائي (اجابه نهائيه ) اتمنى اني اكون فدتك في الكلام
تحياتي

[كمر اركب ياقمر]

أخرطـــــــــــــــــــــها خرطوا عدوينها

[سيرجيو راموس]

عاشق الاند

اسير الليل

كمر اركب ياقمر

الف شكر لكم ويعطيكم العافية

طيب :

بالنسبة للهوبات الافضل الخرط والا التغيير

وبالنسبة لكلام اخوي اسير الليل : لا والله الرجة بدون ما امسك فرامل وتكون اوضح لما اكون ماشي 40 تقريبا

وبالنسبة للكفرات لسى جديدة واذا لابد من التغيير فأي نوع اركب

اسف اذا ازعجتكم بكثرة الاسئلة بس يقولون ماخاب من استشار

ودمتم بود

[-فارس-]

اذا الرجه بدون ماتمسك فرامل فالهوبات مالها اي علاقه

مشكلتك غالبا في الكفرات رصصها وان شاء الله تختفي المشكله

واذا ما اختفت مالك الا تغير الكفرات

ولاتقولي الكفرات جديده لان سيارتي كانت ماشيه اقل من 1000 كم وفيها رجه من 90 الى 130

وعبداللطيف جميل قالي مالنا علاقه وارسلني على شركة الكفرات وشركة الكفرات قالت مالنا علاقه ارجع لعبداللطيف جميل ويوم رجعت للصيانه قالولي اكيد لان السياره جديده وكانت موقفه امشي عليها والرجه بتروح

والى يومك سيارتي قاربت على ال 5000 والرجه موجوده

تحياتي

[سيرجيو راموس]

يعطيك العافية فارس

وبالنسبة للرجة عندي اذا كنت امشي 30 او 40 وتقريبا مايلاحظها الا انا ( السائق )

يعني المعاون مايلاحظ الرجة الا اذا ركز مره يعني الرجة بسيطة مرة بس انها غاثتني

مثلك عارف 2007 ومحافظ على السيارة مررررررررة

يعني حاجة تقهر وترفع الظغط

[ابو عهود]

لا ياخوي بس رصص الكفرات

[أسير الليل]

آسف تاخرت عليك في الرد كنت مشغول اليومين اللي طافوا
اخوي ما قلت لي كم ماشية سيارتك؟؟

[-فارس-]

بشرني يالغالي

ايش صار معك

توك ترج مثلي :d ولا كيف؟

شكلي بروح اغير كفرات انا واياك لأن الوكاله صرفوني

تحياتي

[شرقاوي ناوي]

انا رائي اذا كان الهوب في حدود قيمة 100 ريال فالافضل شراء هوب جديد وامسك هوباتك للعوزة لان خرط الهوبات يسبب فراغ في ضغط الفرامل مما يقلل من قوة التماسك اثنا التوقف المفاجئ والله اعلم

[شرقاوي ناوي]

واضيف مرة صارت لي وانا مسافر
واللي خلق الخلق لما بغيت اقلل من السرعة من فوق كبري ملفوف ياسمعت رجه في الكفر اقوى مما كنت اتخيل بل وراغت السيارة بشكل مخيف وامتنعت الفرامل عن العمل
واعتقد على حسب خبرتي لسببين
الاول السرعة الزائده
والثاني الفرامل الاتوماتيكية Abs حيث تمتنع عن التوقف عند حدوث انزلاق او رجه كبيرة بسبب الهوبات
والاستنتاج لا تسافر او تسرع وهوبات السيارة ترج ونظامها Abs وغيرها باسرع وقت او اخرطها

الهوبات حسب معلوماتي انها اذا استخدمت كثيرا وبضغط متواصل ينتج عن ذلك حرارة عاليه جدا مما يسبب في تلين المعدن المصنوعه منه وبالتالي عند ضغط الفحمات للهوب اللين يسبب انبعاج في الهوبات وتغيير في سطحها الاملس مع العلم ان الفحمات حسب ما قراءت تتحمل اكثر من الف درجة مئوية فيما ان الهوب لا يتحمل حرارة 300 درجة مئوية
والسرعة في انحدار بزاوية بمقدار 35 درجة وبسرعة تقارب مئة كيلو متر يولد حرارة للهوبات بمقدار 350 درجة مئوية عند الضغط على الفرامل المتواصل لمدة 10 ثواني
يعني انتبهوا في الانحدارات من استخدام الفرامل الزائده واستعظ عنها بالتغيير الثقيل والسرعة القليله

[السياغي]

يغالها مسحه خفيفه في المخرطه